Blloku Politikë

Sali Berisha synon të mbajë të shtunën një referendum për shkarkimin e Bashës nga posti i kryetarit, por duket se në shumë degë votimi do të kryhet në lokale, kancelari apo ambiente me qira dhe jo në seli. Sipas një vëzhgimi të MCN Tv disa konfirmohet se zyrat e partisë të shtunën do jenë të mbyllura.

E shkarkuar nga drejtimi i Sekretariatit të Pronave në Partinë Demokratike, Ledina Mandia ndonëse ia njeh meritën Lulzim Bashës për futjen në politikë e ka një arsyetim për valën e shkarkimeve që kreu i demokratëve ndërmori pas kuvendit të 11 dhjetorit.

Makinacionet e bëra nëpër vite në organizim dhe ndryshim strukturash apo injektimet të anëtarësisë nga persona që nuk kanë lidhje me PD e dëmtojnë partinë. Në dijeninë time aty janë atashuar njerëz pa lidhje me PD dhe nuk e di se interesat e kujt do të mbrojnë në të ardhmen.

Pas arrestimit të ish-ministrit Lefter Koka, Partia Demokratike kërkon “koka” të tjera për çështjen e inceneratorëve. Nënkryetarja e PD-së, Jorida Tabaku, thotë se arrestimi i Lefter Kokës është një provë për korrupsionin lidhur me këtë aferë. Tabaku thotë se ka prova që implikojnë edhe sekretarin e Përgjithshëm të PS-së, Damian Gjiknuri.

Lulzim Basha ka folur sot pas mësymjes që i ndodhi në seli me garanci shprehimore që nuk përputhen me modelin e kakërdhisë politike që ndërtoi në 8 vjet. Me një lehtësi jovertebrori, z. Basha ka kujtuar 21 janarin për Sali Berishën, të cilin e quajti skenar të Tomë Doshit ndaj të cilit u përgjigj Berisha me 4 të vrarë. Pastaj z. Basha ka lënë të kuptohet se SHBA do të shpallë non grata edhe Ilir Metën dhe Edi Ramën.

Ish-kryetari i PD-së u rikthye sot në selinë e partisë së bashku me Grupin e Rithemelimit, i cili doli nga Kuvendi i 11 dhjetorit. Duke e cilësuar ndërtesën “selia e demokratëve”, Berisha i kërkoi Bashës që të reflektojë deri më 18 dhjetor, dita kur do të mbahet Kuvendi që Basha ka thirrur.

Çfarë ndodhi sot?

Asgjë e jashtëzakonshme, veç aplikimit të parimit se politika nuk e toleron boshllëkun. Z. Berisha emëroi një gjoja kryetar partie në vitin 2013. Z. Rama ia doli të krijonte një gjoja opozitë përballë vetes për të qëndruar i qetë në drejtimin e një gjoja qeverie që bën reforma por në fakt bën vetëm zullume.

Z. Basha e gjeti më në fund sot emrin e tij të vërtetë nga mentori dhe shpikësi i tij politik, nga Baba Carlo i këtyre 8 vjetëve: një Monument i Hiçit.

Kuvendi i thirrur sot nga Sali Berisha ka konfirmuar se kush ka pushtetin politik në atë parti, prej nga kryetari Lulzim Basha, u shpall me një përkujtimore themelimi të sforcuar.

E sforcuar sepse sot PD-ja është një parti që ka shumicën jashtë institucioneve të veta zyrtare përderisa sot kemi votim publik kundër tyre.

Merr më shumë vlerë kjo që ka ndodhur nëse sheh se Sali Berisha pati kundër edhe SHBA në këtë raund të përballjes së tij me krijesën e vet, të cilën po tenton ta hajë sot si Kronosi dikur fëmijët e vet.

Presidenti i Republikës, Ilir Meta, ka dekretuar kthimin për rishqyrtim të ligjit për buxhetin 2022. Në arsyetimin e vet, kreu i shtetit vë në dukje se buxhetit i mungon dimensioni social, një vëretje kjo që shoqërohet me një sërë të dhënash dhe argumentesh financiarë. Në tërësinë e tij është një plan financiar antisocial:

Ka mangësi shqetësuese të transparencës në lidhje me shpenzimet dhe politikat fiskale;

Paraqet problematikë shumë shqetësuese në lidhje me nivelin e borxhit publik, përdorimit dhe efektit ekonomik të tij;

Sot duhet të jetë një ditë e gëzuar për demokracinë në epruvetë të Shqipërisë. Gabriel Escobar ka njoftuar sot nga selia e Partisë Demokratike se ka ftuar kryetarin e saj me vulë, Lulzim Basha, është ftuar në SHBA. Ftesa në fakt është një lloj deus ex machina për një kryetar partie që nuk di më të argumentojë veçse me parrullën: Amerika, Amerika, vendime që as janë të tijat.

 Ky vend po bëhet i neveritshëm. Në çdo drejtim dhe në çdo gjë. Me një shoqëri që ka marrë rolin e spektatorit spontan të ngjarjeve që as i interesojnë dhe mesa duket as i përkasin ndërgjegjes së saj, kufizuar strikt në horizontet e mbijetesës. Mbijetesa në të vërtetë është regjimi i vetëm ekonomik, social dhe kulturor i shoqërisë sonë. Gjjithë izmat e tjera, përfshirë Pavarësizmat, monarkizmat, republikanizmat, komunizmat e kështu me radhë, janë vetëm dekorata veteranësh në faqen e djegur të një populli që nuk e di as vetë çfarë e lidh me vendin e vet.