Blloku Politikë

A mund të xhirojë media fletët A4 mbi tavolinë, në një mbledhje të hapur të komisionit të Jashtëm parlamentar, që është e ftuar të pasqyrojë? Mesa duket, jo. Një konflikt me këtë temë ka ndodhur sot në mbledhjen e komisionit, ku kamera e një televizioni po xhironte një raport konfidencial të Ministrisë së Jashtme. Kjo ishte e palejueshme, sipas kryetares së komisionit Arta Dade, që kërkoi daljen e kësaj mediaje nga salla. Por pas këtij debati u largua nga salla dhe opozita. Ndërsa disa prej gazetarëve u rikthyen.

“Ne gjithmonë kërkojmë impulse të reja qeverisëse. Megjithatë përsa i takon ndryshimeve në qeveri, ne e kemi thënë që kjo gjë i takon kryeministrit Rama. Nëse jeni të kënaqur me impulset e deritanishme, unë do isha shumë i habitur për vlerësimet tuaja. Ne kërkojmë standardet më të larta të qeverisjes”. Kështu është shprehur sot pas mbledhjes së kryesisë së Lëvizjes Socialiste për Integrim, aleati në bashkëqeverisje i Partisë Socialiste Ilir Meta.

Njësoj si Partia Scoialiste, edhe Lëvizja Socialiste për Integrim, ka mbedhur sot një nga forumet drejtuesve të veta: Kryesinë. Në fjalën e vet, kryetari i saj, Ilir Meta ka folur për dekriminalizimin, integrimin dhe aksionin e formalizimit të ekonomisë.

Në Komisionin kuvendor të Sigurisë Kombëtare, deputeti demokrat (ish socialist) Asllan Dogjani ka akuzuar drejtorin e Burgjeve, Artur Zoto se në institucionin që ai drejton korrupsioni është masiv aq sa për një ditë leje të veçantë duhen paguar 100 euro. Gjatë diskutimit të projektligjit për burgjet e hapura, Dogjani renditi tek rastet e korrupsionit edhe shërbimin e spitalit të burgjeve. "Mos është një mundësi për rritjen e korrupsionit? Sot një ditë leje është 100 euro/dita, për një vizitë po ashtu​. Korrupsioni është shumë i madh. Do doja shumë të më kishe thënë të vërteta.

Kanë bërë një fushatë të ethshme publike si forcë politike, por votimi i deputetëve të PD-së Sali Berisha, Genc Pollo, Fatmir Mediu, Myqerem Tafaj ka zemëruar Dashamir Shehin. Në seancën plenare të se enjtes për miratimin me procedurë të përshpejtuar të projektligjit për hetim ndërkombëtar të CEZ-DIA, këta deputetë nuk morën pjesë në votim edhe pse ish-kryeministri Sali Berisha që ishte i pari që kërkoi hetim ndërkombëtar.

Qeveria nis shlyerjen e detyrimeve ndaj çekëve të  CEZ në përmbushje të detyrimeve që rrjedhin nga marrëeshja e mirëkuptimit të nënshkruar në qershor të 2014-ës. Gazeta Rilindja Demokratike ka zbardhur përmbajtjen e marrëveshjes ku parashikohet mënyra e shlyerjes së detyrimeve dhe penalitetet në rast vonesash.

Gazeta “Sot” shkruan se Komisioni qeveritar që do të përzgjedhë projektin fitues të hyrjes në Parkun e Liqenit Artificial të Tiranës, është mbledhur jashtë Shqipërisë. Madje po sipas kësaj gazete, mendohet se është përzgjedhur edhe fituesi. Gazeta citon edhe Sazan Gurin, i njohur gjerësisht si njeri i angazhuar për çështjet mjedisore, e që ka informacione për to. “Prej disa ditësh është përfolur se komisioni do të mblidhej jashtë shtetit. Ka dyshime të forta se komisioni është mbledhur dhe ka përcaktuar projektin fitues.

Një urë dhe një copë rrugë. Pa folur për ujin e pijshëm pa orar, që e kemi ëndërr të pashuar.  Kaq pak kërkojnë njerëzit në këtë vend, por sërish askush nuk po ja del që ta çojë në fund këtë pretendim minimal. Rasti më i fundit provon dështimin në këtë drejtim. “News 24” raporton se një prift gjerman, Frat Andreas Walterman ka ndihmuar në gjetjen e fondeve për ndërtimin e urës mbi lumin Fan dhe rrugës në fshatin Kavlina në Pukë. “Ata gjithnjë rrezikonin, madje edhe të vdekurit i mbanin mbi shpinë”, thotë Frat Walterman.

Ministri i Shëndetësisë, Ilir Beqa është vënë sërish në fokus të akuzave të opozitës në lidhje me ndryshimin e ligjit për importin e ilaçeve. Partia Demokratike denoncoi heqjen nga ligjit të nenit që vë kufizime për medikamentet e importuara, duke drejtuar gishtin mbi Ministrin e Shëndetësië, Ilir Beqja. "Qeveria, Edi Rama dhe Ilir Beqa, po kërkojnë të heqin pikërisht atë nen të ligjit që shërben si garanci për ilaçet që hyjnë në vendin tonë.

Lulzim Basha ka këndvështrimin e tij për takimin që mesa duket ka mbyllur përplasjet mes dy partnerëve të koalicionit Rama e Meta. Në një prononcim pas mbledhjes së kryesisë së Partisë Demokratike, Basha bëri komentin e tij për këtë takim: