Blloku Politikë

Regresi demokratik në Ballkanin Perëndimor është tashmë një realitet I prekshëm dhe rrokshëm gjerësisht. Ka disa të dhëna të qarta që flasin për normalizimin e një klime pandëshkueshëmrie, korrupsioni dhe stanjacioni të qëllimshëm që reflekton kapjen e sistemit nga një elitë e ngushtë. Trajtimi i këtij problem që lind nga zbehja e rolit dhe forcës së BE-së si pol orientues dhe korrigjues për rajonin tij kërkon mediatizimin e tij në kuptimin që edhe konçesionet pragmatike të BE-së ndaj vendeve me qeverisje të korruptuar të mos ndodhë.

Mbledhja e Komisionit Hetimor për privatizimin e Operatorit të Sistemit të Shpërndarjes, ku ishte thirrur për të dëshmuar ish-kryeministri Sali Berisha u shoqërua me tension që në fillim.  Arben Ristani si anëtar i Komisionit kërkoi që Taulant Balla të mos drejtojë komisonin, me argumentin se është në konflikt interesi për shkak se ka qenë i dënuar për shpifje në një proces gjyqesor me familjarët e ish –kryeministrit.

"Shqipëria është një tjetër shqetësim i madh real në rajon". Me këto fjalë i është drejtuar grupit parlamentar të Demokracisë së Re, kreu i opozitës greke Kyriakos Mitsotakis. Sipas tij, tre çështje që kanë të bëjnë me politikë e jashtme po e vënë Greqinë në një pozitë të vështirë në raport me interesat kombëtare. Duke iu referuar deklaratave të fundit të kryeministrit Rama ai akuzoi qeverinë Tsipras për strategjinë që po ndjek lidhur me çështje të politikës së jashtme. "Është e papranueshme të shtoni një tjetër shqetësim të madh në rajon.

Ka mbetur sërish jashtë seancës së Kuvendit rishqyrtimi i ligjit për lejimin e importit të mbetjeve. Deputetët kanë në axhendën e tyre dekretin e presidentit të Republikës, Bujar Nishani, për kthimin në Kuvend të ndryshimeve në ligjin për manaxhimin e integruar të mbetjeve, që i hapte rrugë edhe importit të tyre.
Megjithatë prej disa seancash, Kuvendi nuk e ka parashikuar diskutimin e dekretit në seancën plenare. Kryetari i Kuvendit, Ilir Meta, ka firmosur edhe urdhrin që përcakton rendin e ditës të seancës së të enjtes, ku nuk është përfshirë diskutimi i dekretit të Nishanit.

Partia Demokratike ka hapur procesin e verifikimit të shpërndarjes së popullsisë pas ndarjes së re territorial, në kudër të mandate për çdo zonë zgjedhore në votimet e ardhshme.

“Shekulli” raporton se PD-ja ka kërkuar zyrtarisht nga Komisioni Qendror i Zgjedhjeve informacion të qartë për lëvizjet demografike, kërkesë e cila u miratua 5:2 nga Komisioni. Informacioni do të duhet të paraqesë lëvizjet nga njëri qark në tjetrin, por edhe ndryshimin e njësive administrative për shkak të reformës territoriale.

Kryeministri Edi Rama ka dhënë dje intervistën e paralajmëruar për televizionin “Skai”ku ka folur për situatën e marrëdhënieve mes Shqipërisë dhe Greqisë. Edi Rama ka prekur edhe tema historike duke folur për “shqiptarë të Greqisë”, ndonëse sot që flasim nuk ka ndonjë arvanitas që të zgjedhë si përfaqësim Shqipërinë përkundrejt Greqisë. 

Rrëzimi sot nga Gjykata Kushtetuese i kërkesës së deputetit socialist Pandeli Majko për heqjen e pezullimit të Vettingut, është shoqëruar edhe me një përballje opinioni mbi nevojën e reformës në drejtësi në tërësi dhe mënyrës si është realizuar ajo nga shumica qeverisëse. Kjo pasi vettingu në tërësi mban vulën e qeverisë dhe të dy selive diplomatike kryesore në Tiranë që u investuan në imponimin e një ligji të tillë. Më poshtë disa nga diskutimet e zhvilluara në seancën e sotme në Gjykatën Kushtetuese ku spikat opinioni i Vladimir Kristos për nevojën e pastrimit të sistemit politik:

Vizatimi më poshtë është postuar nga kryeministri Edi Rama në profilin e vet në Facebook. Është i qartë mesazhi dhe se çfarë e dominon vizatimin: ylli në qendër dhe simbolika përbashkuese e 28-29 nëntorit, dy motrave të pandara festive të kohës së Enver Hoxhës. Edhe njëherë kryeministri ia del të provokojë, duke mbrojtur simbolin e një grupi siç ishin komunistët e duke e unifikuar atë me luftën si të tërë. Ndonëse mes partizanëve që sot veneron ky person, ka patur shumë që nuk ia dinin kuptimin as internacionalizmit proletar, e as yllit. 

Prezenca e ambasadorit amerikan në sallën e Gjykatës Kushtetuese nuk i ndihmoi relatorët socialistë, Pandeli Majko, Fatmir Xhafaj dhe Vasilika Hysi të bindin Gjykatën për heqjen e pezullimit për Ligjin e Vetting-ut, çka do t'i hapte rrugë një opinioni pozitiv për hapjen e negociatave të anëtarësimit të Shqipërisë në BE në samitin e dhjetorit.

175 milionë euro në katër vite. Kaq do të shpenzojë qeveria shqiptare për vënien në jetë të reformës në drejtësi. Gazeta “shqiptarja.com” citon një dokument të Ministrisë së Drejtësisë, titulluar “Strategjia Ndërsektoriale për Drejtësinë 2017-2020”, miratuar edhe nga Këshilli i Ministrave që hedh dritë mbi faturën e reformës.