Blloku Politikë

Presidenti i Republikës, Bujar Nishani ka refuzuar propozimin e Kryeministrit Rama për dhënien e një mandati të dytë shefit të Shtabit të Përgjithshëm të Forcave të Armatosura, Jeronim Bazos. Propozimi ka mbërritur pak ditë më parë në zyrën e kreut të shtetit, pas përfundimit të mandatit trevjeçar të gjeneralmajor Bazos. Panorama shkruan se Presidenti Nishani ka refuzuar t’i japë një mandat të dytë shefit të Shtabit të Forcave të Armatosura, Jeronim Bazos, për shkak të shkeljeve kushtetuese që ky i fundit ka kryer gjatë mandatit të tij 3- vjeçar.

Ministria e Jashtme ka reaguar më në fund për incidentin diplomatik me dy nëpunësit e saj që u ndaluan teksa transportonin në Greqi libra shkollorë, të cilat Gjykata e Janinës i çmoi si material propagandistik. Në reagim thuhet se Ministria po e ndjek çështjen në rrugë diplomatike dhe se procedura e ndjekur nga autoritetet greke bie në kundërshtim të plotë me rregullat e së drejtës ndërkombëtare.

Reagimi i Ministrisë së Jashtme:

Dënimi i dy nëpunësve të ministrisë së jashtme shqiptare nga Gjykata e Janinës për futjen në Greqi të materialeve ku propagandohej Shqipëria e Madhe ka gjetur jehonë edhe në mediat e vendit fqinj, të cilat kanë zbardhur detaje nga seanca gjyqësore në ngarkim të Agim Asllanit dhe Altin Tafës.

Pas presionit ndaj Gjykatës Kushtetuese, kryeministri Rama ka stigmatizuar trupën e kësaj Gjykate, duke mos e fshehur frikën për një rrëzim të mundshëm të Ligjit të Vetingut dhe për pasojë moshapjen e negociatave të anëtarësimit në dhjetor, ashtu siç ka deklaruar vetë ai.
Në ceremoninë e diplomimit të studentëve të Fakultetit të Drejtësisë, Rama i quajti gjykatësit e Kushtetueses njerëz që kanë tmerr nga Vettingu dhe nga një sistem që funksionon.

Parimisht Partia Demokratike ka dhënë konsensusin për reformën në drejtësi, por miratimi në veçanti i ligjeve të paketës që do ta bënin funksionale këtë reformë është arma e fundit për t'i dhënë garancitë opozitës se në mënyrë naive nuk do t'i dhurojë fitoren në tavolinë mazhorancës. Fitore në planin politik dhe atë ekzekutiv. Kjo sepse një miratim pa kushte i këtij ligji por edhe atij të Vetting-ut do t'i jepte argument shumicës për të kurorëzuar hapjen e negociatave të anëtarësimit me Bashkimin Europian para zgjedhjeve të Qershorit.

Përgjimi është kthyer në kulturë te të majtët. Një ditë pasi emisioni "Stop" publikoi bisedën telefonike mes ministrit të Shëndetësisë, Ilir Beqaj dhe kreut të Fondit të Kujdesit Shëndetësor të Tropojës, Çlirim Hajdarmataj vjen një tjetër bisedë e zhvilluar për këtë ngjarje. Ministri tha se shkarkimi i Hadarmatajt ishte bërë për shkelje të ligjit, por nga biseda mes këtij të fundit dhe Drejtoreshës së Burimeve Njerëzore në këtë institucion, Metila Dylgjeri, rezulton e kundërta. Motivi është politik.

Edhe këtë të enjte në seancën plenare të kuvendit pati tension. Kryeministri Rama kërkoi të marrë fjalën jashtë rradhe, kur diskutanti i radhës ishte ish-kryeministri Berisha. Kaq mjaftoi që podiumi të pushtohet nga deputeti demokrat, Flamur Noka, i cili nuk lejoi që kryeministri të dilte në foltore. Më pas nënkryetarja e kuvendit, Valentina Leskaj ndërpreu seancën.

Dioqeza Metropolitane Tiranë- Durrës do të drejtohet nga arqipeshkëvi i ri, Imzot George Frendo. Emërimi i tij në krye të Kishës Katolike u bë nga ati i shenjtë, Papa Françesku, thuajse një vit pas vdekjes së Imzot Rrok Mirditës. Prej vitesh George Frendo, shërben në Kishën Katolike Shqiptare, fillimisht si përgjegjës për përgatitjen e standardeve plotësuese pas shpalljes së Kodit të Ri të Ligjit Kanonik deri në emërimin si anëtar i Këshillit Papnor për Dialogun Ndërfetar. Prej Shtatorit të 2006-ës ishte ipeshkvi i Tiranës.

Artan Gaçi, deputet i Partisë Socialiste, prurje personale e Edi Ramës aty, shkruan sot një opinion mbi dështimet e Partisë Demokratike. Që në fillim bie në sy ky shqetësim atipik për një përfaqësues të Rilindjes që I qan hallin opozitës, ndërkohë që bën pjesë në një ekip që do rilindë vendin si të tërë.

“3 vjet ne opozite qe vazhdon te shkoje nga deshtimi ne deshtim. Deshtoi me lidershipin. Deshtoi me hapjen dhe modernizimin e partise. Gjithe investimet e tyre ne burime njerezore e strategji jane katastrofe”, nis shkrimin Artan Gaçi.