Blloku Politikë

Media të ndryshme në Kosovë përcjellin lajmin e një interviste të Shkëlzen Maliqit, këshilltar i kryeministrit Edi Rama, për mediat serbe. I cituar nga mediat kosovare, Maliqi ka propozuar idenë e shkëmbimit të territoreve mes Serbisë dhe Kosovës. Sipas tij, kjo politikë kushtëzohet nga njohja e Kosovës nga Serbia, pasi përndryshe nuk ka sesi të kryhet shkëmbimi i territoreve që përfshin Veriun e Kosovës me Luginën e Preshevës.

Me 66 vota “pro” dhe 41 “kundër” Parlamenti i Maqedonisë  votoi nevojën për sjelljen në kuvend të  projektligjit për përdorimin e gjuhëve. Për shumicën parlamentare ligji do të kontribuojë në bashkëjetesë, nuk e prish karakterin unitar dhe është në pajtim me Kushtetutën, ndërsa opozita maqedonase thekson se ky ligj është anti-kushtetues dhe do të sjell dygjuhësi në gjithë shtetin.

Presidenti Ilir Meta do të jetë zyrtari i parë shqiptar që do të vizitojë Maqedoninë që nga zgjedhjet parlamentare të mbajtura në këtë vend. Presidenca shqiptare njofton se vizita është planifikuar tashmë dhe se ajo do të zhvillohet. Vizita ka rëndësinë e vet politike mes dy vendeve që kanë disa probleme me njëri – tjetrin dhe në kushtet kur qeveria e Zoran Zaevit ka bërë disa premtime për të drejtat e shqiptarëve. Ndërkohë paraprakisht në disa mjedise shqiptare në Maqedoni po flitet për një dekorim të mundshëm të kreut të Bashkësisë Fetare Islame, Sulejam Rexhepi, që kundërshtohet.

Vangjel Dule dhe partia e tij duket se kanë qenë jashtë çdo sfere ndërmjetësimi për paketën shqiptaro-greke të diskutuar në Kretë mes ministrave Kotzias dhe Bushati. Kreu i PBDNJ-së që u pa në krye të protestave në Himarë e konfirmoi vetë padijeninë e tij  lidhur me çfarë është arritur mes dy qeverive. I pyetur nga Zëri i Amerikës për rezultatet e këtij takimi, Dule foli për rëndësinë që kanë marrëdhëniet shqiptaro-greke në kuadrin e sigurisë së rajonit, por gjithçka në parim.

Komisioneri i BE-së për Zgjerimin, Johannes Hahn, ka deklaruar në një intervistë për gazetën austriake “Wiener Zeitung” se në dy vitet e ardhshme, do të ketë lajme të mira për zgjerimin e BE-së në Ballkanin Perëndimor.

Myslym Pashaj, koloneli në pension që në vitin 2010-2011 u angazhua në oponencën e marrëveshjes për delimitimin e ujërave territoriale dhe shelfit continental me Greqinë, ka dhënë sot një intervistë për gazetën “Panorama” përmes të cilës ka komentuar zhvillimet e fundit mes të dyja vendeve. Në komentet e tij duhet veëuar qëndrimi “i ri”, joemocional, që Pashaj mban në raport me marrëveshjen aktuale.

Një prej çështjeve që kryeministri Edi Rama preku në mbledhjen e grupit parlamentar socialist ishte takimi dypalësh në Kretë i ministrave të Jashtëm të Shqipërisë e Greqisë. Ai tha se dy qeveritë janë të interesuara që mes dy vendeve të hapet një kapitull i ri dhe në këtë kontekst synimi është nënshkrimi i një traktati të partneriteti strategjik. Në dëklaratën e dy ministrive bisedimet u konsideruan “një hap i madh përpara dhe se përpjekjet për të gjetur zgjidhje të qëndrueshme për problemet afatgjata do të vazhdojnë”

Ish-kryeministri Sali Berisha vazhdon të korrë suksese me profilin e tij në Facebook. Sot përmes një postimi, ardhur sipas tij nga Prindi Dixhital, ai sjell në vëmendje rastin e disa fëmijëve në shkollën “Koli Sako” në Lushnje. Ja si e paraqet Berisha situatën në bazë të denoncimit që i ka ardhur:

Lëvizja Socialiste për Integrim do të kërkojë seancë dëgjimore me ministrin për Evropën dhe Punët e Jashtme, Ditmir Bushati. Kërkesa është bërë në Komisionin Parlamentar të Politikës së Jashtme nga deputetja Klajda Gjosha dhe është mbështetur nga socialistja Mimi Kodheli.

Si arsye për këtë seancë duket se është informimi mbi bisedimet e zhvilluara në Kretë mes Bushatit dhe homologut grek Kotizas, për të cilat ka shumë paqartësi.

Bisedimet e Kretës kanë përfunduar pa ndonjë rezultat konkret për çështjet e diskutuara. I vetmi hap pozitiv konsiderohet vendosja e dialogut dypalësh, i cili siç theksohet në deklaratën e përbashkët pas takimit Bushati –Kotzias, “u zhvillua falë një pune substannciale”, “fokusuar në çështjet e hapura dypalëshe”.