Blloku Politikë

Pa u mbushur 48 orë nga hyrja e Arta Markut në zyrën e Prokurorit të Përgjithshëm, numrin 1 të organit të akuzës në Shqipëri e ka vizituar, Donald Lu, ambasadori amerikan në Tiranë. Ai është dhe mysafiri i parë i “nuses” së re që u zgjodh nga parlamenti për të çuar përpara hekurave njerëzit e pushtetit. E sugjeruar dhe e mbështetur nga socialistët në pushtet, Arta Marku ka pritur për më shumë se 30 minuta ambasadorin amerikan në vendin tonë, tashmë i njohur për protagonizmin në jetën politike të vendit.

Vendimi i fundit i qeverisë shqiptare për varrezat e ushtarëve grekë në Shqipëri, parë qoftë edhe në dritën e ligjit në fuqi dëshmon se negociatat mes dy vendeve po shoqërohen me lëshime reale. Madje të tepruara. 

Abrogimi i ligjit të luftës, siç njoftoi ministri i Jashtëm, grek, Kotzias, duhet pranuar se është arritje për Shqipërinë, të paktën në kuptim të interpretimit të deritanishëm të Tiranës zyrtare. 

Debati për zgjedhjen e Prokurorit të Përkohshëm dhe bazën kushtetuese të aktit të fundit të Parlamentit shqiptar do të mbetet argument dhe do të shoqërojë legjitimitetin e veprimeve të Arta Markut. 

Zyra për shtyp e ambasadës së Izraelit në Tiranë ka përcjellë informacion mbi një takim të ambasadorit me ministren e Mbrojtjes, Olta Xhaçka. Njoftimi nuk jep shumë detaje, por thekson se përveç marrëdhënieve dypalëshe u diskutua për “projekte te perbashketa te mundshme ne fushen e mbrojtjes”. Edhe pse një njoftim me përmbajtje të rezervuar, takimi vjen pak ditë pas Konferencës së Vendeve Islamike që u mbajt në Turqi, ku Shqipëria u përfaqësua me nivel ambasadori dhe ku u vendos njohja e Jeruzalemit Lindor si kryeqytet i Palestinës.  

Vota shqiptare në OKB rreth propozimit të SHBA-së për njohjen e Jeruzalemit si kryeqytet të Izraelit, do të ketë pasoja direkte në marrëdhëniet mes të dyja vendeve. Të paktën ky përfundim del nga një letër që ambasadorja e SHBA-së në këtë organizatë, Nikki Haley u ka dërguar delegacioneve të vendeve të ndryshme, përfshirë ato europiane, në të cilën diplomatja e shpreh qartë se çfarë do të thotë një “Jo” ndaj propozimit të Donald Trump.

Partia Demokratike informoi këtë të mërkurë mbi një takim të kryetarit të saj Basha me ambasadorin amerikan në Tiranë, Donald Lu.  Deklarata nuk lë vend për hamendësime, të paktën sa i takon qëndrimeve që do të mbajë PD në vijim. Hendeku mes palëve duket se është zmadhuar sidomos pas qëndrimeve që ambasada amerikane mbajti pas seancës së tensionuar për zgjedhjen e kryeprokurores së përkohëshme. Në deklaratë shprehen hapur rezervat për ambasadorin LU, që sipas Partisë Demokratike nuk u shërben as interesave të shqiptarëve dhe as të qeverisë amerikane.

Greqia pranon se mes Shqipërisë dhe Greqisë ekziston një ligj lufte që duhet shfuzizuar. Qasja e re e Athinës vjen pas lëshimin që bëri pala shqiptare me çështjen e varrezave dhe firmosjen e vendimit për zbatimin e marrëveshjes që parashikon ndërtimin e tyre. I ftuar nga televizioni publik ERT për të komentuar çështjet e politikës së Jashtme Kotzias, deklaroi se Ligji i Luftës “është çështja kryesore që duhet zgjidhur pozitivisht”, por duke shtuar se për diskutimet ka ende kohë dhe se kanë dy variante që politika greke ka në tavolinë.

Efekte të reformës në drejtësi i quajti Ambasada Amerikane zhvillimet në parlament dhe përplasjet që ndodhën në sallën e parlamentit. Në një deklaratë për mediat, selia diplomatike e SHBA dënoi dhunën dhe akuzoi Adriatik Llallën se ka refuzuar të hetojë politikanë. Këta të fundit sipas saj thjesht po luftojnë njëri-tjetrin.

Deklarata e Plotë

Situata e sotme e krijuar pas zgjedhjes së Arta Markut si Prokuror i Përgjithshëm i përkohshëm, gjen analogji me zhvillimet politike të vitit 2009, të paktën në qasjen politike.

Opozita e përfaqësuar nga PD-LSI, sot e konsideroi procedurën antikushtetuese dhe ajo me të drejtë i referohet Kushtetutës. Por në krijimin e kësaj situate të dyja partitë në fjalë kanë kontribuuar edhe vetë, ndërkohë që kërkesa e tyre sot në fakt gjen përgjigje vetëm në Gjykatën Kushtetuese. Të dyja partitë kanë përvojë në këtë drejtim, njësoj si kundërshtarja e tyre e momentit, PS.

Me 69 vota të mazhorances, Parlamenti zgjodhi Arta Markun në postin e Kryeprokurorit të përkohshëm. Votimi u zhvillua mes protestes së opozitës brenda në sallë ku u hodhën edhe tymuese, si dhe jashte saj, ku mbeshtetes të saj tentuan të hyjnë në sallen e kuvendit, gjë që nuk u lejua nga kordoni i policisë.