Blloku Politikë

Kryeministi i Greqisë, Kyriakos Mitsotakis ka deklaruar dje se qeveria e tij do të vendosë në axhendën e diskutimeve parlamentare që u njeh të drejtën e votës edhe anëtarëve të diasporës greke. 

E drejta e grekëve në botë për të votuar nga vendi i tyre i qëndrimit është një prioritet dhe sanksionimi i kësaj të drejte do të propozohet së shpejti. Shpresoj se do të gjejmë mirëkuptimin e duhur në Parlament

Interpoli ka refuzuar kërkesën e Turqisë për të lëshuar mandate arresti ndërombëtar për pjesëtarët e organiztës FETO.

Heqja e disa terroristëve, përfshirë të ashtuquajturit zyrtarë të YPG  që është një degë e organizatës terroriste Partia e Punëtorëve të Kurdistanit, në Siri nga njoftimi i kuq dhe mos lëshimi i një njoftimi të kuq për disa terroristë të FETO-s do të dëmtojë rëndë luftën kundër terrorit në nivel global sikurse qëllimin e themelimit të Interpol

Zëri i Amerikës njofton se ish-kryebashkiakut të Durrësit, Vangjush Dako, i është ndaluar hyrja në Shtetet të Bashkuara të Amerikës bashkë me familjarëve e vet.

Vendimi, i marrë nga Sekretari i Shtetit, thekson se kryetari i bashkisë Dako është përfshirë në raste madhore korrupsioni.

Kryeministri Edi Rama ka deklaruar në konferencën e sotme për mediat se modeli i ndjekur me Teatrin Kombëtar, do të ndiqet edhe për ndërtimin e Bibliotekës Kombëtare dhe Kampusit të ri Universitar.

Nuk kemi lekë për t’i ndërtuar vetë. Si mendoni ju se do t’i ndërtojmë? Do ftojmë investitorët. Nuk mund të presim edhe një gjeneratë sa të mbledhim ne lekët

tha Rama.

Kryeministri Edi Rama ka përsëritur sot se godina e Teatrit Kombëtar do të shembet dhe se pas tij do të ndërtohen kulla. Sipas tij godina aktuale nuk mund të rikonstruktohet.

Nuk ka dy kategori artistësh për Teatrin Kombëtar, siç po mundohet t’i paraqesë kryeministri. Ka vetëm një kategori: të gjithë duan teatër të ri. Loja me artistë, fytyra e të cilëve shfaqet përditë në Facebook e z. Rama është dredhi për të relativizuar një protestë e cila ka sjellë efekte jo të vogla. 

Të gjithë këta artistë që sot përdoren si kopertinë e pushtetit duhet të distancohen, nëse janë edhe qytetarë. Pasi një pyetje e thjeshtë zbardh të gjithë të ërtetën: a po përdoren ata si gjethe fikur për të justifikuar projektin e kullave pas Teatrit? 

Ka një debat mbi Teatrin Kombëtar për të cilin qeveria po përpiqet të bëjë antipodin e asaj që e konsideron si një pakice e zhurmshme. Kryeministri po rrëmon gjithandej nëpër arkiva për të gjetur ndonjë deklaratë të aktorëve  apo regjisorëve që janë shprehur pro një Teatri të Ri, ndonëse  jo domosdoshmërisht nevoja për një Teatër të Ri nënkupton prishjen e ndërtesës ekzistuese.  Në postimin e radhës  Zoti Rama ka sjellë në vëmendje një episod të treguar nga regjisori i ndjerë Mihallaq Luarasi.

Ministri i Brendshëm i Turqisë, Süleyman Soylu, ka deklaruar për agjencinë “Anadolu” se gjatë vizitës së tij në Tiranë ka marrë premtimin e kryeministrit Edi Rama dhe ministrit të Brendshëm Sandër Lleshaj për të vijuar goditjen e gulenistëve.

Sot Komisioni Qendror ka miratuar tabelën përfundimtare të zgjedhjeve të 30 qershorit. Kryetari i vetshpallur i këtij komisioni, Denar Bib aka mbajtur një fjalë përmes së cilës në vend se t’i përgjigjet detyrës së vet si një teknicien ka vendosur të shpalosë gjykimin e vet mbi procesin zgjedhor dhe institucionet e përfshira në të. 

Shumica e ndriçuar në KQZ, me vetëdije zgjodhi rrugën e vështirë e të pashkelur të qëndresës përballë paligjshmërisë

është shprehur Biba. 

Kryeministri Edi Rama ka një ligj të Parlamentit, ka një Bashki të Tiranës të gatshme që të veprojë si njësit guerril, ka një Parlament shurdhmemec që mund të votojë si të dojë ai, ka ndërkombëtarët që i bëjnë amin çdo tekë, nuk ka edhe gjykatat përballë. Sërish për Teatrin Kombëtar zotëria preferon të mos i referohet ligjit, por ndotjes propagandistike.