Blloku Në Vëmendje

Në 1 janar 2014, hyri në fuqi marrëveshja aktuale mes FMN-së dhe qeverisë shqiptare, sipas të cilës e para zotohet t’i japë së dytës një kredi të butë 3-vjeçare prej 450 milionë eurosh, dhe e dyta zotohet që të shlyejë detyrimet e vjetra të qeverisë së mëparshme ndaj bizneseve dhe individëve në vlerën 700 milionë dollarë (me kursin e këmbimit të janarit 2014).

Nuk kanë fund çuditë me grabitjen e pronave në Shqipëri. Prokuroria e Vlores ka vendosur sekuestro preventive për rreth 45 hektarë e regjistruar toke pyjore, por në fakt është tokë bregdetare, në Bashkinë e Himarë, me vlerë sipas çmimeve shtetërore mbi 9 milionë euro, e dyshuar si e përfituar në bazë të dokumenteve të fallsifikuara.

Kjo tokë, për të cilën prokuroria ka vendosur sekuestro me lejen e gjykatës, përfshin zonen e plazhit të Llamanit dhe hapësirën majtas dhe djathtas tij.

Klima e tendosur mes Kishës Ortodokse dhe qeverisë shqiptare është pasqyruar edhe në deklaratën finale të Konferencës së Ndërkombëtare të Kishave të Krishtera nga 65 vende të botës " Diskrimnim, Persekutim, Martirizim" që u mbajt në Tiranë nga datat 2-5 Nëntor.

Tha Kryeministri Edi Rama për vezët që i hodhën studentët: “Nga deklarata pashë që sipas tyre, në polici nuk u ushtrua dhunë, por u ushtrua jashtë. Nuk ndodh asgjëkundi që njerëzit e sigurisë të mos bëjnë detyrën, është bërë një verifikim normal dhe rezistenca dhe për më tepër pastaj unë ka m dëgjuar aty fjalët më vulgare. Edhe në video njerëzit dëgjuan fjalë vulgare. Nuk imagjinoj dot që të konsiderohen studentë të denjë ata që përdorin fjalët më vulgare ndaj kujtdo qoftë. Por ama dhunë nuk ka patur”.

Do vinte dita që kryeministri mund të bëhej qesharak me përpjekjen e tij si kumbar i tolerancës fetare. Si një katolik i vetëdeklaruar, Rama gjeti rastin dje që të thoshte se kishte qenë prezent në meshën e parë më 4 nëntor të vitit 1990: "Rasti e deshi që unë të vij këtu sot si Kryeministër. Por, do të isha këtu sot edhe nëse nuk do të isha Kryeministër. Si njëri prej atyre 300 vetëve që në 4 nëntor të 25 viteve më parë kam qenë këtu. Kam qenë këtu bashkë me disa miq. Jemi nisur shumë herët me tren nga Tirana pasi na kishte mbërritur fjala që Dom Simoni i madh do të bënte një meshë.

Projektligji i ri për Shërbimi Kombëtar Shëndetësor rregullon edhe mbulimin e kontrollit mjekësor për të pasigururit. Projektligji që po bëhet gati do të diskutohet vitin e ardhshëm, raporotn “Monitor” dhe me ndryshimin që bën, ai sjell një politikë më sociale.  “Fondi i sigurimit të detyrueshëm të kujdesit shëndetësor nuk financon shërbime të kujdesit shëndetësor ndaj personave që nuk janë të siguruar.

Një video e publikuar në faqen Sarana Web tregon grabitjen me armë të një kazinojë ne Sarandë në 2 Nëntor. Grabitësit të armatosur kërcënojnë punonjësit të cilët reagojnë të tmerruar. Një video që ia vlen ta shohë edhe ministri Brendshëm, Sajmir Tahiri.

Kryeministri i Shqipërisë Edi Rama, ka gjetur edhe njëherë rastin t’u kujtojë të gjithëve afrimitetin e tij me katolicizmin dhe atë që në Tiranë perceptohet si Perëndim. Këtu nuk kemi të bëjmë me një besimtar apo ndonjë njohës dhe admirues të doktrinës dhe historisë së kishës, por me një oportunist dhe demagog që me këtë rast nga Shkodra ku është përkujtuar mesazh e parë pas vitit 1967, ka shërbyer për veshët e njerëzve hartimin e radhës.

Prokuroria e Tiranës ka marrë në dorëzim raportin e ekspertëve kontabël në kuadër të procedimit penal të njohur tashmë si “Farmacitë 2”, në bazë të të cilit është arritur në konkluzionin se nga skema e dyshuar mashtruese, me subjekt qëndror “Omega Pharma” dhe bashkëpunues drejtuesit e disa farmacive në Tiranë, vlera e dëmit ekonomik ndaj shtetit per periudhën Janar 2013- Tetor 2015 arrin në vlerën e rreth 2.2 milionë euro.

Prokuroria ka dorëzuar sot raportin e laboratorit të Policisë Shkencore që ka analizuar gëzhojat e gjetuar në ngjarjen e Patokut ku u përfshi edhe deputeti(i larguar) socialist Armando Prenga. Dhe Policia Shkencore ka arritur në përfundimin se “gëzhoja e sekuestruar me cilësinë provës materiale, nuk është qitur nga arma që deputeti Prenga e mbante me leje. Ekspertët thonë, se ajo është qitur nga një armë e llojit TT dhe nuk është ajo që deputeti e ka dorëzuar në polici, me të cilën ka pretenduar se ka qëlluar për ta trembur Gjok Calin”.