Blloku Ekonomi

Qeveria greke po konsideron një reduktim të TVSh-së mbi ushqimet. Ministri grek i Financave, Christos Staikouras ka deklaruar në një intervistë radiofonike se masat do të varen nga hapësira fiskale. Sipas tij ato do të përqendrohen në produktet që kanë ndikim përcaktues në koston e jetesës për familjarë me të ardhura të ulëta.

Prodhuesi vietnamez i makinave, VinFast, ka nënshkruar një marrëveshje paraprake për të investuar fillimisht 2 miliardë dollarë për të ndërtuar një fabrikë në Karolinën e Veriut për të prodhuar autobusë elektrikë, automjete sportive (SUV) së bashku me bateritë për EV.

China Petroleum & Chemical Corp, i njohur ndryshe si Sinopec, do të bëjë investimin më të lartë hapital në histori për vitin 2022. Sinopec parashikon të shpenzojë 198 miliardë juanë (31.10 miliardë dollarë) në vitin 2022, 18% më shumë nga një vit më parë, duke kaluar edhe rekordin e mëparshëm prej 181.7 miliardë juanë të vendosur në vitin 2013.

Europa merr nga Rusia ¼ e totalit të furnizimit me naftë dhe 40% të gazit. Megjithatë, Europa nuk është importuesja numër 1 nga Rusia. Përgjatë pesë viteve të fundit, Kina ka qenë blerësi më i madh i naftës ruse. Vetëm përgjatë vitit 2021, Kina ka importuar nga Rusia 70.1 milion ton naftë (30.6% e totalit të eksporteve ruse) për shumën prej 34.9 miliardë dollarë.

Importuesi i dytë më i madh është Holanda (37.4 milionë tonë me 17.3 miliardë dollarë). Holanda është qendër kryesore tregtare, nga ku lëndët e para nga Rusia rishpërndahen në vendet e konsumatorit fundor.

Ministrja e Financave, Delina Ibrahimaj, u gjet e papërgatitur në interpelancën e kësaj të premteje në Komisionin e Ekonomisë.

Ibrahimaj nuk kishte përgatitjen e nevojshme në lidhje me pyetjen e deputetit Erion Braçe, i cili donte të dinte parashikimet që ka ministria që ajo drejton për të ardhurat shtesë që do t’i shtohen buxhetit si pasojë e rritjes së çmimeve.

Ibrahimaj kërkoi katër ditë kohë për të bërë përllogaritjet.

(min 1:07:00)

Renault - prodhuesi i makinave të klasit botëror, i pranishëm në masë të gjerë në Rusi - njoftoi të mërkurën pezullimin e aktivitetit të tij industrial në Rusi. Njoftimi erdhi pas një takimi të jashtëzakonshëm që zhvilloi bordi i drejtorëve.

Pezullimi i aktivitetit ka rëndësi për kompaninë franceze, 15,01% në pronësi të shtetit. Me anë të këtij vendimi, Renault tani hap derën për largimin përfundimtar nga Rusia.

Fushata ushtarake në Ukrainë mund të sjellë një ndryshim thelbësor në politikën energjetike bullgare. Në fund të këtij viti skadon afati i marrëveshjes së furnizimit të vendit nga kompania ruse “Gazprom” dhe në kushtet e reja gjeopolitike zv.kryeministri Asen Vassilev ka përjashtuar negociata të reja me furnizuesin në fjalë.

Ka alternativa 

i ka thënë ai Radios Kombëtare Bullgare. 

MCN Tv ka zbardhur sot një pjesë nga diskutimi mes ministres Belinda Balluku dhe përfaqësuesve të operatorëve të hidrokarbureve në treg, ku duket qartë presioni që ajo ushtron për uljen e çmimit. Ministrja madje u kujton biznesmenëve edhe rrezikun social nga rritja e çmimit, duke kërkuar prej tyre që të pranojnë ulje fitimi në kushtet e tanishme, përpara sesa “t’i djegin” siç u shpreh ajo.

Nëse shenja e parë e një shkrirjeje midis Lindjes dhe Perëndimit ishte hapja e një dyqani McDonald's në Budapest në gushtin e largët 1989, mbyllja e përkohshme e 850 dyqaneve që zinxhiri amerikan ka në Rusi, i njoftuar të martën, mund të jetë simboli kulturor dhe tregtar i botës që përplaset me Rusinë e Vladimir Putinit. Kompania i është dorëzuar presionit të opinionit publik dhe pas heshtjes së vazhdueshme për ngjarjet, ka vendosur të pezullojë përkohësisht aktivitetin e saj në vend.

Rusia vazhdon të furnizojë Europën me gaz përmes Ukrainës dhe në nivelet e dakorduara. Gjiganti shtetëror rus i energjisë Gazprom, i cituar nga Interfax, njoftoi se furnizimi vijon normalisht.