Blloku Bota

Ish-Zonja e Parë amerikane Nancy Reagan vdiq të dielën në moshën 94 vjeçare. Emri i saj i vajzërisë ishte Davis, ndërsa në vitin 1952 ajo u martua me Ronald Wilson Reagan, i cili ishte gjithashtu një aktor, guvernator i Kalifornisë dhe më pas u bë Presidenti i 40-të i Shteteve të Bashkuara të Amerikës në vitet (1981 - 1989). H Nancy Reagan, ishte një aktore në Hollivud, me një prani të rëndësishme në vitet ’40 - 50.

Një sondazh i fundit i kryer në Greqi nga “Rass”, për llogari të gazetës “To Paron” jep të dhëna se opinioni grek po kthehet djathtas. Sipas këtij sondazhi Demokracia e Re kryeson aktualisht me 26.2%, ose 2.8% pikë më shumë sesa Syriza e kryeministrit Alxis Tsipras që merr 23.4%. Partia Komuniste dhe Agimi i Artë vijnë në vend të tretë me nga 6.4%, ndërkohë që Grekët e Pavarur të Kamenos, kanë rënë në 2.8% duke mos arritur kutoën e hyrjes në Parlament. Me sa duket veprimet e Tsipras që ia doli të premtonte gjithçka e të bënte të kundërtën, po japin shenjat e para të pakënaqësisë. 

Shërbimet britanike të inteligjencës janë duke përpiluar një dosje të fshehtë të sulmeve të veçanta, të cilat mund të çojnë Presidentin rus përballë akuzave për krime kundër njerëzimit në një gjykatë ndërkombëtare.

Në një perspektivë afatgjatë sistemet  e pensioneve dhe sigurimeve shëndetësore nuk do të jenë të qëndrueshme për shkak të rritjes së popullsisë në botë por dhe zgjerimit të demografisë për moshat e plakura. Shqetësimi ësthtë ngritur nga Fondi Monetar Ndërkombëtar. Shefja e FMN, Christine Lagarde tha se se kombinimi i plakjes dhe rritjes së popullsisë globale do të reduktojë rritjen në ekonomitë e zhvilluara me 0.2% në afat të mesëm dhe 0.4% në vendet në zhvillim.

Valën e emigrantëve nga Lindja, Papa Françesku e quan një “pushtim Arab” të Europës. Duke folur për një grup besimtarësh franceze, kreu i Kishës Katolike tha se hyrja e një numri të madh refugjatësh është një zhvillim pozitiv për kontinentin e vjetër, pasi rrit shkëmbimin kulturor mes Lindjes dhe Perëndimit.

Përpjekja për të ngritur një kryq 56 m të lartë në komunën e Butelit në Shkup është kundërshtuar nga disa mijëra shqiptarë. Një deputet i Bashkimit Demokratik për Integrim, Artan Grubi, ka deklaruar se do të ngrihen tenda që të mos lejohet një gjë e tillë. Edhe partia e Menduh Thaçit ka deklaruar se kryqi provokon tensionendëretnike dhe se vendimi është marrë pa pëlqimin e shqiptarëve. Pamjet tregojnë përfshirjen e qytetarëve të kombësisë shqiptare për moslejimin e ngritjes së kryqi.

Bashkimi Europian ka hapur para disa ditësh një hetim të thellë mbi blerjen e përbashkët që kompanitë “Aribus Group SE” dhe “Safran SA” i bënë kompanisë kryesore europiane të lëshimittë raketave. Sipas raportimeve mediatike hetimi niset nga premisat se ndërhyjra e bërë në treg nga dy kompanitë e mësipërme mund të pengojë invoacionin dhe të çojë në rritje çmimesh në një sektor që bazohet gjerësisht mbi optimizimin e këtyre dy aspekteve.

Konflikti i fundit mes Rusisë dhe Perëndimit ka riaktivizuar shumë terma dhe ka gjallëruar shumë klishe që mendohej se ishin lënë pas. Që nga fjalimi i Vladimir Putinit në Munih në vitin 2007, Perëndimi nisi të shihte më qartë ambiciet e presidentit rus nën një prizëm imperial, njësoj si Bashkimin Sovjetik dikur. Ngjarjet e Gjerogjisë dhe Osetisë në gusht të vitit 2008 theksuan prirjen për ta parë Rusinë si një qendër që synonte rivalitetin me Perëndimin, ndërkohë që përballja në Ukrainë dhe në Siri i ka hapur letrat plotësisht.

Diga e Mosulit, qyteti që është pika e fortë e ISIS, rrezikon jetën 1.5 milionë irakenëve. “NBC NEËS” citon ambasadën amerikane në Baghdad sipas të cilës kolapsi i digës do të sillte pasoja të paprecedenta; 500 000-1.47 milionë irakenë nuk do të mbijetonin dot nga vala e ujit që nëse ndodh do të arrinte në nivelin 15 m në Mosul. Qytete të tjera si Tikriti, Samarra apo Baghdadi do të përfshiheshin nga vala e ujit ndonëse me pasoja më të vogla.

Rusia reagon zyrtarisht ndaj deklaratave të komandantit suprem të NATO-s, Breedlove se Rusia po kthen refugjatët sirianë në një armë për shkatërrimin e Europës. Përmes një deklarate për shtyp, përcjellë në shqi edhe nga ambasada ruse në Tiranë, Ministria e Mbrojtjes ruse thotë ndër të tjera se: “...Gjenerali Breedlove duket se i ka harruar ngjarjet e verës së vitit 2015 kur me pëlqimin e tij të heshtur gati një milion refugjatë u nisën papritur nga Turqia (!) drejt vendeve evropiane.