Blloku Bota

Mund të rezultojë një ndër nismat që do të inkriminojë një komunitet të tërë vendesh. Agjencia serbe e lajmeve, B92, bën e dije për një ndërmarrje të qytetarëve serbë kundër NATO-s dhe përdorimit prej saj të uraniumit të varfëruar gjatë konflliktit të Kosovës në vitin 1999.

TemaTv

Serbia do të lobojë në Shtëpinë e Bardhë për Kosovën dhe raportet e saj në rajon. Lajmin e ka bërë të ditur ministri i Jashtëm, Ivica Daçiç, sipas të cilit ky proces do të kërkojë 500 mijë dollarë. Në një intervistë për median serbe, “Srpski Telegraf”, Daçiç ka thënë se në SHBA lobimi është I zyrtarizuar dhe se kontratat publikohen.

Dy qeveritë e Greqisë dhe të Maqedonisë kanë nënshkruar sot përmes kryeministrave, Alexis Tsipras dhe Zoran Zaev marrëveshjen dyplaëshe që i jep fund debatit shumëvjeçar për emrin. Marrëveshja është firmosur në fshatin Psarades pranë liqeit të Prespës së Madhe dhe në ceremoni kanë qenë të pranishëm edhe zyrtarë të OKB-së dhe të BE-së.

Kjo është një marrëveshje me përfitim të ndërsjellë që respekton plotësisht vlerat dhe parimet e popujve

tha kryeministri grek, Alexis Tsipras. 

Ndërhyrja e ShBA-së dhe aleatëve të saj në Afganistan ishte një dështim i turpshëm dhe i plotë. Kështu mendon ish-presidenti afgan Hamid Karzai, njeriu kryesor pas rënies së talebanëve dhe aleat i ngushtë i ShBA. Në një intervistë për revistën “Spiegel” Karzai jep disa mendime mbi arsyet e kësaj që ndodhi duke vënë gishtin mbi mbështetjen që ShBA i jep Pakistanit, aktori kryesor mbështetës i terrorizmit në rajon. 

Parlamenti grek hodhi poshtë mocionin e mosbesimit të paraqitur nga opozita konservatore ndaj qeverisë së kryeministrit Aleksis Cipras. 153 vota votuan kundër, ndërsa 128 ishin pro. Votimi u parapri nga një debat i ashpër mes kryeministrit Aleksis Csipras dhe liderit të opozitës Kyriakos Mitsotakis.  Krerët e opozitës shprehën kundërshtimin e tyre ndaj marrëveshjes për emrin e ri të Maqedonisë.

Kandidati i partisë kryesore të opozitës në zgjedhjet presidenciale të Turqisë, Muharrem Ince deklaroi se do të jetë e kundërta e Erdogan.

"Për 16 vjet, kemi një udhëheqës  si Erdogan që ka polarizuar shoqërinë dhe ndarjet brenda saj. Unë, do të jem pikërisht e kundërta. Unë do të jetë një president i cili bashkon shoqërinë dhe popullin”- ka thënë Ince kur kanë mbetur më pak se 10 ditë para zgjedhjet presidenciale dhe parlamentare.

Ballkani është rikthyer në një vatër përplasjesh gjeopolitike mes fuqive të ndryshme përfshirë edhe përpjekjen e një ideologjie si Islami për të shtuar ndikimin. Të paktën këtë mendon Milan Mijalkovski, ish-dekan i Fakultetit të Sigurisë në Beograd sipas të cilit vetëm në Serbi operojnë 60 shërbime të huaja. 

Ish-kryeministri socialist i Greqisë, George Papandreu lëshoi kritika të ashpra ndaj qëndrimit që po mban opozita greke për marrëveshjen e emrit me Maqedoninë. Pa mohuar vetkënaqësinë e qeverisë së Aleksis Cipras dhe mungesën e një fryme  të pajtimit kombëtar, Papandreu thotë se marrëveshja e propozuar është një pikënisje dhe një mundësi reale për zgjidhjen përfundimtare të konfliktit, duke nënvizuar faktin se "qeveria pro-evropiane e Shkupit e kupton se pa kompromis të ndërsjelltë nuk mund të ketë zgjidhje."

Zemërimin për marrëveshjen mes  Athinës dhe Shkupit kanë shprehur mbrëmë një grup protestuesish të jashtë parlamentit të Maqedonisë. Protestuesit, anëtarë të një organizate nacionaliste mbajtën fishekzjarre të ndezur, hodhën parulla dhe "premtuan" t’i bëhen pengesë qeverisë së Zoran Zaev. "Ne nuk do të lejojmë që të ndryshojë emrin" dhe "Zaev është tradhtar" ishin vetëm disa nga parullat që hodhën protetsuesit.