Një përkujtesë për konfliktin katundar -"qytetar" në Tiranë: Ky fitoi se ishte Ndryshe!

Tv Klan ka postuar në Youtube pjesë të arkivës së vet të dixhitalizuar, përmes së cilës të jepet mundësia të shohësh me sy tjetër Shqipërinë e afërt të para disa viteve, por që duket kaq e largët dhe të kuptosh sesi gënjehet e mbarë kjo shoqëri përherë. Duke e përqafuar gënjeshtrën si inovacion dhe gjetje origjinale të modernitetit tonë të iluzionuar.

Shiheni z. Rama në cilësinë e të akuzuarit në një Komision Parlamentar në vitin 2003 se çfarë është në gjendje të bëjë për të mbajtur atë karrige që ia dhanë. Por shiheni si sillet një person i zgjedhur përballë akuzave. Ky shpallej atë kohë se ishte Ndryshe, se nuk ishte konvencional, se bënte dallimin, se ishte europian.

Atë kohë estrada socialiste nisi me KPD-në dhe vazhdoi me zotin Rama si protagonist i një loje pushteti, që kur e sheh sot me syrin e aktrimit nën hall, duke i ndërsyer psikikën mbarë miletit që i ka gardhuar lirinë për të bërë çfarë të dojë, të duket se z. Rama aty i ka munguar si një figurant i rrallë filmit të Milosh Forman, "Dikush fluturoi në folenë e qyqes".

https://www.youtube.com/watch?v=FfMi0L3O8Uw

Dëgjoni edhe dihatjen e ankthit organik që ky njeri kishte ndaj Sali Berishës të cilin e përjetonte si kujdestar Xhaferr Morinën në filmin "Lulëkuqe mbi mure", me dallimin se nuk arrin dot të jetë Sulo pse malinjiteti e definon, as edhe t’i bëjë rrengun e thyerjes së këmbëve sepse tashmë është kujdestar vetë.

Video këtu ka vlerë të madhe argëtuese, jo me z. Rama se fundja ai arriti atë që donte, u bë kryeministër. Ka vlerë argëtuese për ne vetë, për ata shqiptarë qytetarë që e shpallën këtë antikonformist, ndryshe, modern etj., kur në fakt ai është ai që është. Dhe ai që duket. Aq qartë.

s.zaimi