Sudan/Në pushtet që nga viti 1989, ushtria rrëzon dhe arreston presidentin Omar al-Bashir

Pas 30 vjetësh në pushtet, presidenti i Sudanit, Omar al-Bashir është rrëzuar nga pushteti dhe ëhstë arrestuar nga ushtria. Ministri i Mbrojtjes së Sudanit, Awad Ibn Auf ka dalë në televizion për të njoftuar marrjen e kontrollit nga ushtria për një periudhë tranzitore dy –vjeçare deri në mbajtjen e zgjedhjeve të reja. Po kështu ai ka bërë me dije vendosjen e gjendjes së jashtëzakonshme për 3 muaj.

Vendimi i ushtrisë erdhi pas disa protestave disa mujore kundër al-Bashir, i cili ishte në pushtet që në vitin 1989. Ai është izoluar nga ushtria ndërkohë që protestuesit po kërkojnë kalimin e pushtetit drejt një këshilli civil. Bashir kërkohet nga Gjykata Ndërkombëtare e Krimeve që e akuzon atë për krime kundër njerëziit në rajonin e Darfurit.