Historia e botës përmes hartave

Universiteti i Çikagos ka bërë të disponueshme online - falas - pesë vëllime të Historisë së Hartografisë.

Secila prej tyre, sipas kohës kur është hartuar, tregon imazhi që njerëzit kanë pasur për botën.

Me mijëra vjet para se të shpikeshin satelitët dhe GPS-i, hartat përdoreshin për t’u orientuar dhe për të kuptuar botën.

Ato lehtësuan tregtinë, udhëtimet në tokë e det, betejat dhe pushtimet dhe u dhanë formë narrativave gjeografike të pushtetit dhe zonave të influencës.

Vëllimi i parë i Historisë së Hartografisë u botua në 1987 dhe tre librat që përbëjnë Vëllimin e Dytë u publikuan gjatë njëmbëdhjetë viteve në vijim.

Që nga ajo kohë, shumë gjëra kanë ndryshuar. Formati i madh dhe riprodhimi i imazheve me cilësi të lartë bën të mundur që historia e hartografisë dhe vetë hartat për periudha të ndryshme të saj të jenë lehtësisht të aksesueshme për studiuesit dhe entuziastët e hartave.

Në format PDF, të ilustruar me hartat përkatëse gjejmë të pasqyruar që epoka që nisin që nga lashtësia, mesjeta, Rilindja e deri në shekullin XIX.

^{Qeramikë e dekoruar egjiptiane. Daton nga periudha predinastike Gerzean (Negada II), rreth. 3700-3100 p.e.s., Nil. Varkat janë paraqitur në mes të shkretëtirës me kodra të përfaqësuara në mënyrë skematike.}

^{Skicë që shoqëron ritet nga Libri i të Vdekurve, marrë nga "Papirusi i Nebseni", që paraqet parcelën ideale të tokës për t'u punuar në mbretërinë mitike të Osiris, rreth. 1400 p.e.s.}

^{Kjo skicë daton nga periudha Ramesside dhe tregon vendndodhjen e maleve me ar, vendbanimet e punimit të arit dhe rrugët midis Nilit dhe bregut të Detit të Kuq.}

^{Siç përshkruhet në tekstin shpjegues, ky dorëshkrim-hartë tregon rrugën e një anijeje tregtare nga jugu i Kamçatkës në zinxhirin Aleutian të ishujve të frymëzuar nga udhëtimet e mëparshme të Beringut dhe Chirikovit. Ajo bën pjesë në koleksionin e d'Anville, i cili vë në dukje vërtetësinë e hartës, pasi autori ka qenë në vend.}

^{Plani tregon operacionet ushtarake që u zhvilluan gjatë Luftës së Trashëgimisë Spanjolle (1701–14) përgjatë kufirit midis shtetit të Piedmontit dhe mbretërisë së Francës, me vëmendje të veçantë te rrugët nëpër lugina në Alpe dhe vijë kufitare}

^{Harta paraqet territorin e Levantos dhe është pjesë e një koleksioni të krijuar nga Vinzoni nga viti 1720 deri në 1758 pas fillimit të murtajës në Marsejë, me urdhër të shtetit për të përfaqësuar të gjithë bregdetin e Ligurias nga kufiri i Savojës deri në atë të Toskanës}

^{Shkalla rreth 1:144,000. Paraqitet territori spanjoll deri në kufi. Në pjesën portugeze paraqiten vetëm fshatrat dhe disa pika me interes. Hartë e vitit 1751}

^{Amazona, hartë e vitit 1796}