Slideri Kryesor

Kryeministri Edi Rama, duket se ka kuptuar se ka një problem serioz me besueshmërinë e atyre që deklaron, ndaj për ta zgjidhur këtë “çështje”, ka zgjedhur të citojë burime që ai i cilëson “të pavarura”. Sot ai ka zgjedhur të citojë revistën ekonomike “Monitor”, për realitetin e punësimit në turizëm.

Ukraina ka deklaruar se kontrollon aktualisht 1152 km2 të territorit rus, ndërkohë që nga rajoni i Kurskut janë evakuuar 180 mijë persona. Siç është bërë tashmë e ditur, objektivi i inkursionit ukrainas në territorin rus lidhet me një aspekt taktik të tërheqjes së trupave ruse nga zona e Donbasit brenda territorit ukrainas, rritje e presionit mbi palën ruse në kufi, diskreditmi tashmë i realizuar i komandës dhe shërbimeve ruse të zbulimit që as kuptuan, as panë dhe as planifikuan mbrojtje efektive, për të ardhur në një negociim më efektiv për paqen apo armëpushimin.

Rrjeti Ballkanik i Gazetarisë Investigative është në një krizë të brendshme, për të cilën një numër i madh punonjësish fajësojnë drejtoreshën rajonale, Milka Domanoviç. Domanoviç, e cila mbikëqyr "portofolin e projekteve rajonale" të organizatës, akuzohet se ka krijuar një klimë negative që i ka vënë në vështirësi punonjësit.

Mediat u akuzuan se patën përgjegjësi për keqinformimin mbi ngjarjen e Pogradecit. Ndërkohë Policia ka gjeneruar tri deklarata, Prokuroria e Korçës, dy deklarata, kryeministri dy sqarime dhe kemi edhe një hetim penal për një inspektor policie. Mbi këtë të fundit policia sot ka sqaruar Prokurorinë se nuk kapatur detyrë hetimin dhe ekspertimin e vendngjarjes.

Organizata Botërore e Shëndetësisë e ka cilësuar rritjen e infeksioneve të virusit të lisë së majmunëve në Afrikë emergjencë të shëndetit publik ndërkombëtar (PHEIC) dhe ka kërkuar një fushatë vaksinimi.

Një bazë ushtarake gjermane pranë aeroportit të Këlnit u mbyll përkohësisht, pas dyshimeve për sabotimin e rrjetit të ujit. Gjithçka nisi pas zbulimit të një vrime në murin rrethues të bazës Këln-Wahn pranë objektit të ujit të pijshëm, tha një zëdhënës i ushtrisë gjermane në një deklaratë.

“Meqenëse sistemi i ujit të pijshëm po tregonte vlera të pazakonta, furnizimi me ujë të pijshëm në kazermë ishte ndërprerë”, tha zëdhënësi.

Drejtori i Përgjithshëm Rrumbullaku, Drejtori i Urgjencës Skënder Brataj dhe mandej kryeministri Edi Rama, deklaruan sot se për ngjarjen e Pogradecit janë kryer të gjitha veprimet konform ligjitim. Pra kemi një baltosje sharlatanësh mediatikë. 

Rrumbullaku dha shkakun e vrasjes, mohoi gjobvënien, vetëm tri ditë pasi urdhëroi inspektimin në Pogradec. Por çfarë thotë Prokuroria e Korçës që ngriti akuzën e vrasjes nga pakujdesia? Ja se çfarë thotë sot ndër të tjera: 

Dy ngjarjet ndërkombëtare të kohëve të fundit, kanë evidentuar një zhvillim të ri në sferën politike që është jo pa rëndësi. Vrasja e kreut të Hamasit, Ismail Hanniyeh në Teheran dhe sulmi ukrainas përtej kufirit shtetëror me Rusinë, u raportuan se ishin ekzekutuar pa dijeninë dhe miratimin paraprak të Shteteve të Bashkuara të Amerikës. Sekretari i Shtetit, Anthony Blinken, ka bërë disa herë sqarime publike për padijeninë e SHBA për të dyja ngjarjet që kanë në vetvete disa aspekte me rëndësi strategjike.

Rusia ka njoftuar dështimin e atij që e quajti “inkursioni ukrainas në rajonin e Kurskut”. Në një deklaratë për shtyp, Zëdhënësja e Ministrisë së Jashtme ruse, Maria Zakharova, ka deklaruar se pala ukrainase nuk ka arritur objektivin e vet kryesor me mësymjen përtej vijës kufitare me Rusinë e që sipas saj është zhvendosja e trupave ruse nga Donbasi dhe Slobozhanshcina.

Kina po e përdor energjinë diellore në një mënyrë të re. Në provincën Gansu është ndërtuar impianti i ri termik diellor me dy kulla, i pari i këtij lloji në botë. Rreth 30 000 pasqyra lëvizëse të kthyera në drejtim të dy kullave mëdha qendrore gjenerojnë një sasi të jashtëzakonshme energjie.

Panelet diellore që konvertojnë dritën e diellit në energji elektrike janë një pamje që e sheh në të gjithë botën. Por energjia termike diellore është pak më ndryshe.