Slideri Kryesor

Po debatohet shumë për akaidentin tragjik të Kavajës, ku humbën jetën dy fëmijë. Pas një heshtjeje të gjatë inkriminuese dhe procedimeve penale nga Prokuroria e Kavajës për disa zyrtarë të ARSh-së, dje një spcialist aksidentesh në Ministrinë e Transporteve, doli në një prononcim televiziv duke deklaruar se vetëm 4% e aksidenteve ndodhin për shkak të sigurisë në rrugë. Pra për shkak të rrugëve. Me idenë se aksidenti i Kavajës është edhe përgjegjësi e drejtuesit të mjetit.

Nga Shtetet e Bashkuara ku ndodhet për një vizitë dhe takime me kongresmenë, kreu i kuvendit Ilir Meta tha se procesi i vlerësimit po e pastron sistemin e drejtësisë nga njerëzit e korruptuar. “Ne e ndjejmë dhe ne jemi të bindur që ne kemi nevojë për të bërë një përmirësim spektakolar dhe kjo është arsyeja që ne po reformojmë që në themel sistemin tonë të drejtësisë. Ne po e riorganizojmë, sepse ne së pari do të ndëshkojmë vetë sistemin, dhe kjo është një reformë shumë drastike. Ne do ta bëjmë atë sepse ne jemi të ndërgjegjshëm që ne kemi nevojë për një ndryshim rrënjësor.

Konfindustria do te paraqese si nje nga kerkesat kryesore per Paketen Fiskale 2017 ndryshimin e kategorizimit te bizneseve sipas qarkullimit vjetor si veprim I domosdoshem per formalizimin e ekonomise. Legjislacioni ne fuqi kategorizon bizneset ne te ashtuquajtur te “vegjel” me qarkullim vjetor deri ne 5 milion dhe 8 milion leke, qe perfitojne perjashtim te plote dhe/ose pjesor nga tatimet.

Partia Demokratike ka akuzuar sot ministrin e Brendshëm, Saimir Tahiri se ka ndihmuar Klement Balilin që të arratiset nga Shqipëria. Përmes kreut të Departamentit të Rendit dhe Sigurisë, Enkeled Alibeaj, PD akuzoi Tahirin dhe Policinë e Shtetit se është e lidhur me trafikun e drogës.“Tahiri i krijoi kushtet për t’u arratisur Balilit, pak para se të çonte Policinë në banesën e tij për të prishur provat”, tha Alibeaj.

Në një intervistë për “TemaTv”, në emisionin “Portofol”, biznesmeni Endri Meksi, analizon situatën në tregun online, ndërhyrjet e shtetit, vizionin e munguar për zhvillimin e këtij tregu dhe sidomos keqshpërndarjen e parasë publike, që i ka kthyer kompanitë kryesore në tregëtarë, në vend se të ishin zhvillues.

Nën masa të forta të sigurisë u zhvillua në Stamboll ceremonia martesore e vajzës më të re të presidentit turk Rexhep Tajip Erdogan. Në dasmë ishin të ftuar rreth 6 mijë persona, mes të cilëve edhe kryeministri Rama. Ai duket në cepin e fotos së altarit si të thuash në vendin e krushqve. Në tryeza të mëdha politike nuk e kemi parë ende, por në gosti të mëdha po e shohim. Dëshmitari i dhëndrit në martesë ishte shef i Shtabit të Përgjithshëm të Forcave të Armatosura, gjeneral Houlousi Akar.

Teksa rreth Klemend Balilit është ngritur një re e madhe misteri mbi vendodhjen e tij, ish-kryeministri Berisha shkruan se drejtori i shkarkuar i Transporteve, i cili akuzohet si një prej kokave të trafikut ndërkombëtar të drogës është larguar drejt Kubës. Berisha thotë se burime të mirënformuara njoftojnë se Balili eshte nisur per ne Hanoi nga do te kaloje direkt per ne Kube. Sipas tij Rama percolli me "nderime" shteterore dhe pa e regjistruar ne sistemin TIMS, Edeskobar-in drejt Kubes.

Partia Socialiste kërkon ta përjashtojë veten nga përgjegjësia për aferën seksualë të bashkiakut të Dibrës dhe këtë detyrë ua ka ngarkuar emisarëve të saj, që në gjuhën politike njihen si kordinarorë. Dhe kjo barrë e madhe për t’i hequr partisë njollën e Shukriut i ra ministrit të Energjisë, Damian Gjiknuri,  i cili tha në Dibër një frazë të nxjerrë nga arkivat partiake të realizimit socialist. “Janë veprime që nuk përfaqësojnë moralin e Partisë Socialiste. PS është e fortë dhe patjetër do ta kalojë edhe këtë ngjarje.

Në aksin Kavajë – Plepa para disa ditësh ndodhi një aksident rrugor me pasojë tragjike vdekjen e dy njerëzve, fëmijë. E ëma që kreu aksident po shkonte në Rrogozhinë, ku i shoqi mbahej në burg për një ndërtim pa leje. Aksidenti ndodhi në një vend ku mbrojtësja anësore ishte prishur, për të favorizuar një pikë karburanti e cila është në pronës të babait të shefit të Kabinetit të ministrit të Transporteve. Në lidhjet e mëposhtë kemi sqaruar për disa ditë se Policia Rrugore ka kërkuar zgjidhjen e situatës, duke deklaruar se SIGURIA NË KËTË AKS ËSHTË PROBLEMATIKE, mungon sinjalistika etj..