Slideri Kryesor

Kryetari i grupit parlamentar të LSI-së Petrit Vasili, thotë se reforma në drejtësi ka si qëllim thelbësor të saj rithemelimin e sistemit të drejtësisë e jo dënimin me burg të 5 apo 50 politikanëve. I ftuar në studion e "TemaTv", Vasili flet për konsensusin si elementi kyç për zbatimin me efikasistet të reformës në drejtësi. Ai hedh poshtë zërat për krisje të koalcionit PS-LSI duke theksuar se konsensusi i plotë për miratimin e reformës në drejtësi, ka konfirmuar se ky koalicion funsksionon.

Gjigandët e internetit si Netease, Sina dhe Sohu morën urdhër të hënën nga qeveria kineze të ndërpresin publikmin e artikujve me përmbajtje politike dhe shoqërore që nuk kanë si burim agjencitë shtetërore të lajmeve.
Në urdhër thuhet se përfaqësuesit e së ashtuquajturës gazetari e pavarur, të cilët kanë ndikim të fortë në publik kanë shkelur rregullat dhe kanë manipuluar informacionin.

Koço Kokëdhima është përpjekur të sqarojë sot përmes gazetës së tij “Shekulli” “të vërtetën” e marrëdhënieve me Edi Ramën. Meqenëse marrëdhënia e tij me kryeministrin aktual ka qenë përherë influencuese në vendimmarrjen politike, leximi i prishjes së saj ka njëfarë interesi. Kokëdhima përpiqet të hedhë poshtë në editorialin e porositur se ka patur përfitime nga Bashkia e Tiranës për shkak të qenies së Edi Ramës në krye të saj. Kjo sepse asokohe Kokëdhima ishte ndër biznesemenët më të mëdhenj dhe nuk kishte nevojë për një gjë të tillë.

Një 26-vjeçar masakroi me thikë të paktën 19 persona dhe plagosi 30 të tjerë në një qendër të Personave me Aftësi të Kufizuar në Japoni.
Sipas mediave lokale, autori i masakrës është Satoshi Uematsu, ish-punonjës i kësaj qendre, i cili u vetdorëzua.

LSI po përpiqet të mbledhë "traktet" që shpërndau direkt dhe indirekt për aleatin në qeveri dhe të disiplinojë veten brenda koalicionit pas humbjes së përkohshme të qetësisë nga kryetari i saj, Ilir Meta. Drejtues të saj janë angazhuar mediatikisht të përcjellin në publik idenë se emocionet në politikë duhen mirëkuptuar dhe çfarë mund të thuhet sot nuk vlen për nesër.

Kryeministri grek, Aleksis Tsipras ka prezantuar të hënën në mbrëmje idetë e partisë së tij për ndryshimin e Kushtetutës, duke theksuar se dokumenti i ri konstitucional do të shënojë kalimin në “Greqinë e re të vitit 20021”.
Tsipras ka bërë thirrje për një pjesëmarrje masive në atë që e quajti “dialog i hapur dhe i frytshëm për kushtetutën e re të vendit”.
Propozimet që prezantoi kryeministri grek, konsistojnë në pesë akse dhe kanë të bëjnë me një sërë ndërhyrjesh, të cilat pak a shumë, janë diskutuar gjerësisht kohët e fundit.

Zjarri i sotshëm në Spitalin Amerikan, emrin e të cilit e përmendën pak media, ka sjellë edhe reagimin e një prej deputetëve socialistë. Në një reagim në Facebook, profilin e tij personal, kryetari i Komisionit Parlamentar të Ekonomisë, Erjon Braçe, thotë se nga pala e opozitës ka një përpjekje për të fshehur atë që ai e quan “Krim”. “Çdo të kishte bërë shoqëria civile po kishte ndodhur ky krimi i sotshëm me dy të vdekura në një spital publik? Çdo të kishte bërë Presidenti, Sali Berisha? Keni ndonjë përgjigje? Sepse ka një përpjekje të madhe për të fshehur ku ka ndodhur krimi.

Në ato që shkruajnë e flasin këto ditë njerëzit pranë PD-së, ndjehet një ngazëllim nga fakti që në ditët e fundit të kalvarit të reformës në drejtësi, Meta ishte vendimtar për miratimin e saj jo me 94 vota, por me 140. Ngazëllimi i tyre nuk ka të bëjë ndoshta aspak me mënyrën sesi u votua kjo reformë, por ka të bëjë me mesazhin që u duket se ka dhënë Meta në lidhje me zgjedhjet e ardhshme.

Ambasadorja e Delegacionit të BE-së në Shqipëri, Romana Vlahutin, ka deklaruar sot nga Kukësi, ku ndodhej për një takim në Bashkinë e këtij qyteti, se reforma në drejtësi do të vihet në zbatim në mënyrë shumë rigoroze. Sipas saj, BE-ja do të jetë shumë strikte në monitorimin e këtij procesi.

Nga sondazhi më i fundit i kryer nga ORC International për llogari të CNN-it, rezulton se gara dyshe Trump-Clinton regjistron shifrat 48%-45% në nivel kombëtar (kandidatët e partive të vogla nuk janë përfshirë në pyetje).