Slideri Kryesor

Tri pikat e debatuara mes Tiranës zyrtare dhe Athinës, ligji i luftës, problemi çam dhe delimitimi i zonave detare, mbeten në tryezë pa asnjë moment përafrimi. Demarshet e para disa muajve të ministrit të Jashtëm grek, Nikos Kotzias, përfunduan pa rezultat, sa kohë që kërkesa kryesore e qeverisë shqiptare ishte heqja e ligjit të luftës, e cila mund të jetë edhe në funksion të aleancës së PS-së me PDIU-në.

Në një intervistë për “Albanian Daily News”, ambasadorja e Greqisë në Tiranë, Eleni Sourani ka konfirmuar qëndrimin e Greqisë për këto çështje.

Sot në “Zululand” ka qenë i ftuar gjuhëtari Bahri Beci, i cili së fundmi ka botuar librin “Struktura dialektore e shqipes”. Siç është e rastit në emisione gazetareske fjala ka rënë për konsideratat për disa gjuhëtarë që kanë shenjuar historinë e gjuhësisë në Shqipërisë për gjysmë shekulli. Çabej duket se mbetet më i vlerësuari, por Beci thotë se edhe Androkli Kostallari ka qenë një gjuhëtar shumë i formuar, por i indoktrinuar. Për tezat e Arshi Pipës, Beci thotë se ato janë më shumë qasje politike sesa gjuhësore, duke hedhur poshtë kontributin e Pipës në gjuhësi.

“Albanian Daily News” i ka marrë një intervistë ambasadorit rus në Tiranë, Aleksander Karpushin. Intervista e realizuar nga gazetarët Genc Mlloja dhe Denisa Hunci i ka qëndruar larg diskutimit për temën e Kosovës, duke u përqendruar në pasojat e Samit të G20 në Kinë, pozicionit të Rusisë në marrëdhëniet ndërkombëtare, raportet e saj me vende të Ballkanit dhe shtysat për bashkëpunimn me Shqipërinë.

Konsiderohet një prej masakrave më të mëdha mjedisore në Shqipëri dhe paradoksi është se për këtë krim janë në dijeni të gjitha Agjencitë Shtetërore që duhet të bëjnë monitorimin e zonës dhe mbrojtjen e Parkut Kombëtar. Është fjala për aktivitetin  e nxjerrjes së gurit dekorativ në Malin e Tomorit, i shpalluar katër vitë më parë si zonë e mbrojtur.

Damasku zyrtar i ka dhënë fund angazhimit të tij për armëpushimin e sanksionuar nga marrëveshja Lavrov – Kerry e datës 9 shtator. Në një deklatë për shtyp cituar nga agjencia shtetërore “Sana”, ushtria siriane deklaron se militantët e kanë thyer marrëveshjen e armëpushimit mbi 300 herë.

Faqja “lapsi.al” raporton sot se Klement Balili është parë dje në hotelin “Santa Quaranta” ku zhvillohej një dasëm. Policia sipas kësaj faqeje nuk ka ndërhyrë për të arrestuar personin që është shpallur në kërkim, i cili madje ka qenë në tavolinë me kreun e PS-së së Tepelenës, Dino Selimi. Këto të dhëna referon “lapsi.al”.

Sot paradite, kryetari i Kontrollit të Lartë të Shtetit Bujar Leskaj dhe Guvernatori i Bankës së Shqipërisë, Gent Sejko kanë qenë në Komisionin Parlamentar të Ekonomisë ku kanë raportuar për një raport që ngre akuza për asgjësimin e kartëmonedhave të vjetra.

Sipas raportit të Guardia di Finanza-s për vitin 2015 (botuar në gazetën italiane Corriere della Sera), në Shqipëri u mbollën vjet 243 mijë bimë kanabis sativa – një trefishim ky në dy vjet (shih grafikun shoqërues të Guardia di Finanza-s). Në vitin 2013, mbi 90% e bimëve të kanabisit ishin përqendruar në Lazarat. Ndërsa në vitin 2015 ishin shpërndarë në vende të tjera.

Sistemi policor në Rusi do të reformohet tërësisht për të kaluar në krijimin e një Ministrie të Sigurimit të Shtetit. Ky institucion do të ngrihet mbi Shërbimin Federal të Sigurisë(FSB), çka shihet si një lëvizje që praktikisht rikthen modelin e KGB-së së dikurshme. Shërbimi sovjetik konsiderohet më i madhi në nivel organizativ dhe me ndikim të jashtëzakonshëm, aq sa kreu i tij, Yuri Andropov u bë drejtues i shtetit dhe i partisë.

Kryesuesi i Këshillit Ushtarak të NATO-s, gjenerali Petr Pavel ka deklaruar se Ballkani vazhdon të mbetet burim i mundshëm i përplasjeve ushtarake. Ai porosit që aleanca veri-atlantike duhet të ketë patjetër aftësi për kundërvënie ndaj kundërshtarëve dhe mbrojtjes së anëtarëve të saj, si dhe rol më të madh në luftën kundër terrorizmit, bën të ditur agjencia kroate e lajmeve “HINA”.

Pavel citohet të ketë thënë se situata në një pjesë të Evropës është “larg stabilitetit”, duke theksuar se “Ballkanit i kanoset terrorizmi islamik, por edhe ndikimi rus”.