Blloku Politikë

Një tjetër deputet i mazhorancës është nën akuzë për përfitim të paligjshëm të fondeve publike. Sadri Abazi deputet i Dibrës akuzohet nga opozita se i ka dhënë me qira postës shqiptare një ambjent pranë Stacionit të Trenit kundrejt një shumë prej 4 600 euro. Kontrata sipas opozitës u nënshkrua në pranverën e 2014.

Përveç këtij denoncimi opozita thotë se nipi i Sadri Abazit me firmën ALKI Impex ka marrë një tender pak ditë më pare, 870 milionë lekë për rikonstruksionin e bulevardit Elez Isufi në Dibër, ku ishte paracaktuar si fitues.

Karvani politik i Aleancës për Shqipërinë Europiane, eufemizëm ky për lugën e florinjtë, ka mbërritur sot në Dibër, ku zhvillohen zgjedhje për shkak të skandalit të Shukri Xhelilit. Edhe ky një njeri i kësaj aleance. Për koalicionin kandidon Muharrem Rama,  por kryeministri i vendit Edi Rama, ka preferuar që të nisë edhe një lloj fushate elektorale për zgjedhjet e përgjithshme.

“Nuk largohem nga posti pa u ndërtuar Rruga e Arbrit”, u shpreh Edi Rama. Një premtim i vjetër i kësaj mazhorance.

Arben Ndoka, ish-deputet i PS-së, i cili dorëzoi mandatin në kuadër të procesit të dekriminalizimit, ka nisur të angazhohet me zgjedhjet në Dibër. Ndoka, i cili u bë protagonist i një sherri në Parlament, akuzohet se ka qenë i dënuar për prostitucion dhe emrin e tij, opozita parlamentare e ka mbajtur si qendër të akuzave. Ndaj Ndokës ka mbajtur qëndrim publik edhe Ambasada Amerikane, e cila mbështeti dhe sponsorizoi politikisht ligjin për dekriminalizimin. Por duket se PS-ja nuk ka një vendim politik për t’u distancuar nga persona që janë subjekt i ligjit për dekriminalizimin.

Influenca e Papërshtatshme? Ky është ai termi që mbiu si papritur në ligjin për Strukturën e Posaçme Antikorrupsion, konkretisht pika 3, neni 13. Në sajë të punës së ekspertëve dhe të një procedure misterioze inkuadrimi, neni ishte formuluar kështu:

“Çdo lloj influence e papërshtatshme e ushtruar mbi punën e prokurorëve të posaçëm apo aktivitetin e tyre mbi çështje konkrete përmes autoriteteve publike, mediave apo çdo mënyre apo personi tjetër që ndikon mbi pavarësinë e prokurorëve gjatë ushtrimit të detyrave të tyre ndalohet dhe dënohet me ligj".

Në Dibër po bëhet fushatë elektorale për postin e kryetarit të Bashkisë, pasi Shukri Xhelili i largua nga detyra. Nga e djathta parlamentare kandidat është ish-zv.ministri i Financave, Sherefedin Shehu, një njeri që vjen nga jeta politike. Nga e majta është doktori Muharrem Rama, i cili siç raportohet sot nga disa media ka zhvilluar edhe një takim me të rinjtë.

Thotë ndër të tjera Rama:

Përballë presionit në rritje nga mediat, por edhe qëndrimi i LSI-së dhe PD-së socialistët duket se nuk kanë rrugë tjetër përveç tërheqjes nga dy nenet që kërcënojnë lirinë e medias në ligjin për SPAK dhe Prokororinë. Si gjithmonë PS ka bërë të paditurin dhe të suprizuarin kur është vënë përballë fakteve, duke marrë si përherë rolin moderues. "Shqetesimi mund te jete i drejte por fakti qe te dy keto ligje akoma nuk jane diskutuar nen per nen ne komision na jep mundesine e riformulimit apo te ndryshimit te neneve te caktuara siç jane nenet ne fjale .

Sot Dallëndyshe Bici, kryeinspektore e Inspektoratit Kombëtar të Mbrojtjes së Territorit, ka reaguar me një deklaratë kundrejt akuzave të Partisë Demokratike për shtesën pa leje të pallatit të deputetit Sadri Abazi. Nuk është reagimi i rëndësishëm, por gjuha e përdorur në të, një gjuhë që e gjejmë zakonisht te deklaratat e OSHEE-së së Ardian Çelës. Nuk kuptohet nëse kemi të bëjmë me instotucione, ndërmarrje apo organe shtetërore, apo me degë të PS-së.

Shtatori duket se do të nisë me një axhendë të ngjeshur politike. Debatit për ligjet e paketës së reformës në drejtësi pritet t'i shtohet edhe ai për reformën zgjedhore. Kur duhen edhe më pak 10 muaj për mbajtjen e zgjedhjeve, opozita i kërkon parlamentit që në shtator të nis puna për Reformën e re Zgjedhore duke lëshuar në tavolinë një propozim që sipas tyre është garanci për zgjedhje të lira e të ndershme.

Partia Demokratike vijoi edhe sot me akuzat për ndërtim pa leje nga deputeti socialist Sadri Abazi, duke denoncuar edhe mosveprimin e Inspektoriatit Ndërtimor për shtesën pa leje afër stacionit të Trenit në pronësi të Abazit. “Fqinjët e oligarkut të Ramës kanë njoftuar policinë dhe INUK-un para dy ditësh. Ata u paraqiten, por u larguan pas 5 minutash, pa marrë asnjë masë. Ndërtimi vazhdon edhe në këtë moment që flasim. Pse nuk e kap ligji Sadriun? Pse ligji funksionon për qytetarët, por jo për Sadriun? Sepse me Edi Ramën nuk ka ligj, por ka sundim bande.

Pa mandat deputeti, por ende drejtues i një strukture në PS për rajonin Vlorë-Gjirokastër. Koço Kokëdhima ka mbledhur strukturat e PS-së në Sarandë, duke hapur kështu siparin e një fushate që do të përcaktojë, nëse ai do të jetë sërish deputet i PS-së apo jo.