Blloku Politikë

Diçka nuk po funksion siç duhet në aleancën lokale mes PS-së dhe LSI-së në Tiranë, ose Erion Veliaj nuk po sillet sipas standardeve që kërkon partia e Ilir Metës. Dhe për këtë u gjet çështja e trafikut në Tiranë që kryebashkuakut socialist t’i përcillet mesazhi se LSI është e pakënaqur me situatën e rënduar të trafikut por edhe atë të transparencës.

Vizitat e Ilir Metës në SHBA dhe Edmond Panaritit janë blerë nga LSI për 123 mijë dollarë. Të dhënat e siguruara nga BIRN nga Departamenti i Drejtësisë në SHBA, tregojnë se vetëm gjatë 6 mujorit të parë të vitit 2016, partia Lëvizja Socialiste për Integrim ka shpenzuar 123, 761 USD në favor të kompanisë amerikane të lobimit Global Security and Innovative Strategies, GSIS.

Situata që ndodhi me maturantët këtë vit dëshmon se askush nuk ka në mendje një zgjidhje apo vizion për atë që duhet bërë. Kryeministri mori në mbrojtje sistemin e krijuar, i cili ka krijuar pështjellim në rastin më të mirë dhe padrejtësi në rastin më të keq. Ministrja e Arsimit u rikonfirmua si një zyrtare e tepërt dhe pa asnjë aftësi përballë të cilës qëndrojnë mijëra maturantë.
Është e logjikshme që opozita të kapte momentin dhe ta shfrytëzojë atë. Nga Dibra, Lulëzim Basha ka premtuar atë që do të bëjë PD-ja.

LSI-ja dhe Ilir Meta vendosin standardin e ri moral e etik në Shqipëri. Përveç sentencave tanimë të njohura për mençuri hanxhiu si “Sot është sot, dje ishte dje”, apo “Kur unë them po është po”, Ilir Meta ka ecur më tej. Në një intervistë në Top Story, kryetari i LSI-së është pyetur për çelësin e suksesit të partisë së tij. Mos u lodhni: nuk është blerja e votës, as përdorimi i administratës për punësime, as tenderat preferencialë, as edhe kriminalizimi i plotë i marrëdhënieve politike. Jo.

Ardhja më pushtet e koalicionit për Shqipërinë Europiane iu prezantua publikut si një tren me kurs të konfirmuar europian, për arsye që lidheshin me qasjen reformatore të liderëve të koalicionit qeverisës. Kësisoj edhe hapja e negociatave me Bashkimin Europian u konsiderua si punë e kryer që do të finalizohej me mbylljen e disa kleçkave që lidheshin me antieuropianizmin e opozitës.

Dikur, jo më herët sesa viti 2012, Koço Kokëdhima deklaronte se “sa të jem unë në gazetën “Shekulli”, ky këtu nuk botohet në të”. Fjala ishte për ndonjë deklaratë të Ben Blushit.
Sot mediat i bënë jehonë një fjale të Blushit në Parlament, nga ato tamtamet kritike periodike që Blushi i krijon me shumë lehtësi. Dhe një nga mediat që i bëri vënd në ballinën e faqes kryesore online, ishte edhe “Shekulli”.

Mazhoranca nuk ka ndërmend të angazhohet për një Kod të ri Zgjedhor. Të paktën kështu është shprehur kryeministri Edi Rama gjatë një konference për shtyp në Bruksel me Federica Mogherinin.

“Nuk kemi në plan për të miratuar një Kod të ri në parlament, por kemi diçka të bazuar në raportet e Misionit të OSBE-ODIHR dhe jemi të gatshëm për ta bërë këtë në mënyrë të hapur dhe dialog konstruktiv me opozitën”, tha ai.

Ndërkohë opozita parlamentare ka kërkuar ndërhyrje thelbësore për të garantuar siç thotë ajo “zgjedhje të lira e të ndershme”.

Është marrëveshje vlerash. Kështu thonë të gjithë, por a ka vlera pa dhurata? Jo. Edhe marrëveshja mes Edi Ramës dhe Shpëtim Idrizit është materializuar së fundmi me caktimin në postin e nënkryetarit të Bashkisë Sarandë të Robert Piro, kryetar i degës së PDIU-së në këtë qytet. Ndërkohë që priten shpërndarje të reja postesh në nivel drejtori, LSI-ja ka nisur praktikisht fushatën elektorale duke ofruar vende pune.

Koço Kokëdhima, ish-deputet i Partisë Socialiste dhe mentori i Edi Ramës për një kohë të gjatë, duket se është hedhur në fushatë për të zhbërë atë që ndërtoi vetë. Për të zhbërë pushtetin personal të Edi Ramës, për të rifomatuar marrëdhënien me pushtetin, për të mbjellë te anëtarësia e PS-së se ka diçka që quhet PS përtej emrit të kryetarit.

Që nga Vlora, Kokëdhima bëri opozitarin e Edi Ramës duke vënë gishtin në ato fenomene që i mohonte deri më dje: