Blloku Në Vëmendje

Ja sa vlen fjala e Fidel Yllit:

"Bleta Punëtore" e vitit 2015, drejtori i OSHEE-së, Ardian Çela, po thyen rekorde në shifrat për të cilat akuzohet. Enti që ai drejton është kthyer në një makth të vërtetë për shumë qytetarë pas faturimeve që nuk “mund të shkulen më nga sistemi”, apo edhe mbifaturimeve për të cilat ka edhe protesta si ato në Lezhë. Por të bësh shtet, duhet dorë e fortë dhe Çela është një nga këta pse u bie fort atyre që nuk kanë mbrojtje. Siç ka ai. Cili është rekordi i fundit i "Bletës Punëtore", i cili mund të kthehet shumë shpejt në “një drejtor që na nxjerr bojën”, nëse ka mbetur akoma bojë kuptohet?

Dobësia e Shqipërisë është proverbiale dhe nga kjo nuk e shpëton dot asnjë përpjekje për rregullim imazhi. “Politico” ka publikuar një hartë të forcës së vendeve të ndryshme, liderëve politikë, ambasadorëve të tyre në BE, duke marrë si kriter disa pika: stabiliteti i qeverisë, pasja e një strategjie, suksesi në një drejtim. Në këtë hartë Shqipëria renditet e fundit krahas Malit të Zi, bashkë me Kryeministrin Edi Rama dhe ambasadoren Suela Janina. Për ambasadorët janë dy kritere që vlejnë shumë: çfarë përvoje sjell dhe a janë përzgjedhje profesionale, apo besnikë politikë?

Zgjedhjet për rektorin e ri të Universitetit të Tiranës, u shoqëruan nga një situaë e rëndë dhe e paparashikuar. Kandidati për rektor, Mynyr Koni, u kërcënua dhe sipas denoncimit publik të ish-kryeministrit Sali Berisha, kërcënimin ndaj tij e kishte realizuar shtetasi Emiljano Shullazi. Që këtej edhe gjithë logoreja e deklaratave që solli arrestimin e shpejtë të Shullazit dhe një situatë të pakëndshme. Mirëpo sot, Koni, tashmë rektor i zgjedhur i Universitetit, ka dëshmuar në Prokurori, ku ka deklaruar se “nuk e mban mend fytyrën e kërcënuesve”, pasi “isha shumë i trembur”.

Xhihadisti Xhon dyshohet se kaloi nga Shqipëria për të mbërritur në Siri. Kështu shkruhet në revistën e përmuajshme të Shtetit Islamik “Dâr al Islâm”, e cila ka publikuar rrëfimin e bashkëudhwtarit tw Abu Mahurib, i njohur ndryshe si Xhon Xhihadisti, ose kasapi i ISIS.

Pjesa e rrëfimit për udhëtimin në Shqipëri

7 punë në 7 ditë. Ndryshimi, rilindja, konsultimi, bashkë me qytetarët, pedonale, gjelbërimi. Këto fjalë që bëjnë pjesë në “PS-Cloud” të ulur këmbëkryq në Bashkinë e Tiranës i kemi dëgjuar prej muajsh tashmë. Artikulues i tyre është Erjon Veliaj, kryetar i Bashkisë së kryeqytetit, i cili është aty si zëdhënës i Edi Ramës, literalisht i tillë, por edhe në rolin e një imituesi perfekt, jo pse adhuron shefin, por ndoshta sepse modeli i shefit të sukesesshëm në Bashki duhet mbajtur gjallë, si kundërpeshë ndaj katastrofës në qeverisjen qendrore.

Shifrat e punësimit në Shqipëri janë më të debatuarat, kjo edhe për shkak të premtimit nga qeveria për hapjen e 300 mijë vendeve të punës. Përkundër kritikave të opozitës, kryeministri është shprehur se në Shqipëri nuk mungon puna, por profesionistët e fushave. Në fakt këtë tezë të kryeministrit e mbështet edhe një investigim i Fiks Fare, i cili zbuloi se në Shqipëri operojnë 12 studio të seksit virtual, ku vajza çatojnë on line duke plotësuar kërkesat e klientëve. Në një garsoniere në Qytetin Studenti punojnë me turne disa vajza.

Ish-kryeministri Sali Berisha i është përmabjtur sërish deklaratës së bërë ditë ë parë për armatosjen e qytetarëve. Gjatë një interviste me Eni Vasilin, Berisha përsëriti: “Jemi në një koncept që ndan ditën nga nata, sistemin e vlerave me atë të antivlerave. Amendamenti i dytë i kushtetutës amerikane. Por gjer sot është në fuqi. Momenti më madhështor i kushtetueshmërisë së njerëzimit. Ka një vend në Europë që ka udhëhequr me shembullin e zhvillimit të sigurisë dhe lirisë, dhe është Zvicra. Ky vend është vendi më i armatosur i botës nga qytetarët e saj, sepse është vend demokratik.

Para disa ditësh një qytetar shtiu me armë mbi një qen që i kishte kafshuar një të afërm. Që këtej doli në sipërfaqe shqetësimi i kafshëve që lëvizin pa maska mbrojtëse në Tiranë sidomos, me të zotët që u rendin nga pas të lumtur, pa pyetur për fëmijë apo njerëz të tjerë që detyrohen të ruhen. Dhe kjo lloj sjelljeje do të sillte patjetër një ngjarje të tillë, njësoj si mund të sjellë në të ardhmen, për sa kohë që dikush mund të shohë fëmijën që ia kafshon një qen që mbahet lëshuar. Mirëpo në Shqipëri ka një ligj që e rregullon këtë punë.

Marco Casamonti, arkitekti italian, drejtues i studios “Achea” që projektoi Arenën Kombëtare me një kullë multifunksionale shfaqet në një tjetër punë disa milionë dollarëshe të financuar nga Fondi i Zhvillimit të Rajoneve ose thënë ndryshe qeveria. Bëhet fjalë për projektin “Veliera”  një investim prej 6 milionë dollarësh që parashikon ngritjen e një tende rreth gjashtëdhjetë metra e gjatë dhe dyzetë metra e gjerë në hyrje të Portit të Durrësit.