Blloku Ekonomi

Me 2102 orë pune në vit, punonjësit shqiptarë rrinë shumë më tepër në punë se maqedonasit, amerikanët, gjermanët, francezët dhe mesatarja e vendeve të zhvilluara. Sipas Monitot të dhënat e INSTAT (të publikuara në 2015-n, në bazë të një anketimi të kryer në 2013) tregojnë se Shqipëria ka ndër orët më të gjata të punës në botë, me 2102 orë/vit.
Nga të dhëna krahasuese rezulton se kjo normë është më të lartë se mesatarja e vendeve të zhvilluara prej 1,770 orë në vit.

Pa u shuajtur akoma jehona e parkimit nëntokësor te Parku Rinia, Erion Veliaj njoftoi edhe ndërtimin e një parkimi tjetër publik në zonën ku do të shtrihet Bulevardi i Ri.
“Jemi të vendosur që të ecim me po të njëjtin ritëm edhe gjatë vitit 2016. Ambicia jonë është që brenda këtij viti, ne të kemi filluar punimet e parkingut nëntokësor për 400 makina, në zonën ku Unaza dhe ish-stacioni i Trenit puqet me Bulevardin e Ri. Kemi vendosur për një hapësirë për trenin që do të mbërrijë në Tiranë, si një stacion terminal, por jo si një parking vagonash”, theksoi Veliaj.

Ministri i ri i Drejtësisë, Ylli Manjani, mendon se një rrugë për zgjiedhjen e mbivendosjes së titujve të pronësisë në Shqipërië është krijimi i një harte dixhitale të pronave. Në një prononcim për “shqiptarja.com”, Manjani shpjegon se po “punohet për një hartë unike kombëtare dixhitale”, e cila evidenton mbivendosjet, të cilat sipas ministrit kur konstatohen do të zgjidhen “nga grupet që do të shkojnë në terren të bëjnë matje”. Nisma është shumë pozitive, pasi ndihmon shumë në një situatë kaosi.

Kryetari i Kontrollit të Lartë të Shtetit, Bujar Leskaj, ka publikuar sot në “Monitor” një analizë për situatën ekonomike të Shqipërisë. Leskaj merr në vështrim disa elementë duke i krahasuar me situatën në Greqi, në momentin kur ky vend po hynte në krizë. Sipas Leskajt, Shqipëria ka ngjashmëri të mëdha në treguesit e vet me krizën greke, çka sinjalizon rrezik jo të vogël për vendin.

Ndonëse Shqipëria po përballet përherë e më shumë me emergjenca civile, si pasojë e dukurive natyrore, në buxhetin e vitit 2016, fodni për emergjencat është ulur. “Të dhënat zyrtare nga Ministria e Financave tregojnë se për vitin 2016, buxheti ka vënë në dispozicion të emergjencave civile vetëm 144.9 milionë lekë nga 779 milionë lekë që ishte një vit më parë. Madje të dhënat tregojnë se financimet për emergjencat civile kanë ardhur në ulje nga viti në vit. Fondi i emergjencave civile është mekanizmi i parë financiar, i cili përdoret për të asistuar familjet e prekura nga katastrofat.

Banka Botërore vlerëson se rimëkëmbja e ekononomisë shqiptare do të jetë e ngadaltë dhe rritja ekonomike nuk pritet të kalojë mbi 3.5 për qind as për tre vitet e ardhshme. Parashikimi pesimist vjen në raportin e fundit mbi Prespektivën e Ekonomisë Globale.
Sipas raportit për këtë vit, vlerësimi për rritjen ekonomike të Shqipërisë është ulur në 3.4 për qind nga 3.5 që ishte parashikuar disa muaj më parë. Por më shumë se korrigjimi i lehtë me ulje për këtë vit, shqetësimi më i madh mbetet parashikimi për rritje mediokre thuajse në të gjithë horizontin afatmesëm.

Ministria e Ekonomisë parashikon që të privatizojë kompaninë”Albpetrol” për një shifër 95 milionë euro. Kështu parashikohet nga kjo ministri që ka si kuadër veprimi Planin e Privatizimit 2015-2017. Për këtë vit shifra e pritshme është 99.3 milionë euro, prej të cilave 4 milionë do të arkëtohen nga provatizimi i aseteve të tjera.  “Monitor” referon se për privatizmin e “Albpetrol” është ngritur një grup pune, “me asistencë teknike nga IFC”, që është duke studiuar mundësinë e ristrukturimit të kompanisë shtetërore, “me qëllim shitjen e tij si një aset strategjik”.

Prodhimi në Shqipëri ndodhet sot në nje gjendje kritike, por kriminalizimi i parlamentit, informaliteti endemik i shoqërisë dhe drejtësia e pa denjë për besim, të ndjekura nga një Media shpesh partiake e jo etike, e kanë larguar vëmendjen e publikut nga prodhimi. “Prodhimi ? Kush merret me të në Shqipëri përveç naivëve?” dëgjon rëndom në Tiranë. Por ai është në bazë të zhvillimit të çdo vendi dhe gjendja e tij është tregues i pa neglizhueshëm i ekonomisë.

Në muajin prill të vitit të kaluar, opozita akuzoi Kryeministrin Rama se kishte zhvilluar negociata të fshehta për dhënien me koncesion të hidrocentralit të Skavicës.
Në atë kohë Rama ndodhej për një vizitë në Turqi dhe PD-ja aludoi se ai ishte takuar me përfaqësues të kompanisë turke “Suzer & Nurol Group”.
Hidrocentrali i Skavicës është një ndër pikat kyçe të sistemit energjetik shqiptar. I gjendur mbi HEC-in e Fierzës, në majën e kaskadës së Drinit, Skavica është parashikuar të jetë rregullatori i gjithë kaskadës.

Gjatë vitit të kaluar 3960 subjekte u përfshinë në listën e zezë të tatimeve për shkak se nuk kanë paguar në kohë detyrimet tatimore. Me përfshirjen në këtë klasifikim ndaj këtyre bizneseve nis mbledhja me forcë e detyrimeve dhe u konfiskohen pasuritë e luajtshme dhe të paluajtshme, bëjnë të ditur burimet zyrtare të tatimeve.