Blloku Alternative

Hisako Koyama, mund të konsiderohet si një nga vëzhgueset më rigoroze të Diellit në 400 vitet e fundit. Ajo nuk është një astronome në formim dhe arsimim, por këmbëngulja dhe vëzhgimi i përditshëm i aktivitetit diellor, njollave të yllit tonë, të gjitha të realizuara me dorë, e bëjnë japonezen një ndër njerëzit më të veçantë.

Janë 40 vjet të jetës së saj të investuara në një punë të motivuar nga pasioni dhe nga një kuriozitet që nisi qysh herët, kur ajo pa për herë të parë dritën e një meteori që binte nga lartësitë.

Gjasa që të ketë një super-shpërthim vullkanik i aftë të kthejë qytetërimin njerëzor në epokën e shpellës më shpejt se sa pritej paralajmërojnë shkencëtarët britanikë, me rastin e aktivizimit të fundit të vullkanit Agung në Bali.
Këto shpërthime vullkanike janë një kërcënim për njerëzimin, të njëjta me atë të një asteroidi në Tokë dhe këto dy arsye konsiderohen të jenë ato të mëdha që në të kaluarën të ketë patur zhdukje masive të specieve nga planeti ynë.

Kisha e Ringjalljes në Jeruzalem  ka pësuar ndër shekuj sulme të dhunshme, zjarre, tërmete, ndërsa në 1009 u shkatërrua plotësisht dhe u rindërtua, duke detyruar hulumtuesit e rinj të dyshojnë nëse është me të vërtetë vendi ku u varros Jezusi  siç u përcaktua 17 shekuj më parë.

Rezultatet e hetimeve shkencore që disponon National Geographic, konfirmojnë se mbetjet e shpellës brenda tempullit janë nga varri që zbuluan romakët e lashtë.

Gjashtëdhjetë e tre vjet pas përfundimit të Luftës Civile Greke materiale të rralla nga arkivat shqiptare hedhin dritë mbi zhvillimet e kësaj periudhe. Në verën e vitit 1949, teksa fati i Luftës Civile Greke ishte përcaktuar në masë të madhe, udhëheqja komuniste shqiptare u përpoq me çdo mënyrë për të përmbushur kërkesat e komunistëve grekë dhe për të ndihmuar luftën guerile, në bazë të rekomandimeve të Moskës dhe Beogradit, por pa u ekspozuar gjerësisht dhe pa minuar sigurinë dhe integritetin territorial të vendit.

Rruga "Gjeneral Mlladiç” shkruan tabela e gozhduar në trungun e një pemë, në një nga rrugët e fshatit boshnjak Bozanovitsi, duke mbajtur emrin e “birit” të dashur të zonës, një portreti i të cilit varet në ço shtëpi dhe në tavernën që është përshtatur në një garazh. Ratko Mladiç, ish-komandant i ushtrisë serbe të Bosnjës, do të njihet javën e ardhshme me vendimin e Gjykatës Ndërkombëtare të Drejtësisë, e cila është duke e gjykuar për gjenocid dhe krime kundër njerëzimit.

Pamjet e mëposhtme paraqesin një copëz nga kontrabanda e naftës mes Iranit dhe Pakistanit që zhvillohet në kushte të vështira dhe me mjete gjithëfarëshe. Kontrabanda ushqehet nga disa faktorë. Së pari është fitimi, sa kohë që në Iran nafta shitet me 34 cent, kurse në Pakistan me 3 dollarë. Provincat e Sistanit dhe Blauchestanit janë të përfshira gjerësisht në këtë aktivitet.

Marina amerikane ka pranuar përmes një deklarate se një nga pilotët e vet ka realizuar në fluturim imazhin e një penisi që ka mbetur nga vazhda e gazrave të lëshuara nga avioni. Ngjarja ka ndodhur në shtetin e Washingtonit, konkretisht në Okanogan Highlands dhe sipas marinës, ajo është e papranueshme dhe pa asnjë vlerë stërvitore. Imazhi është bërë viral në rrjetet sociale dhe sipas të dhënave ekuipazhi e ka realizuar në fluturim me një avion të tipit F/A-18 Super Hornet.

Për shekuj me radhë, ekzistenca e saj ishte e panjohur. Megjithatë, dhoma e fshehtë që Mikelanxhelo përdorte në Firence për t'u fshehur larg syve të kundërshtarëve të tij pritet të hapet shumë shpejt për publikun. Sipas Telegraf, bëhet fjalë për një dhomë të vogël, të cilën artisti emblematik italian e përdori gjatë vitit 1530, kur ai mbështeti kryengritjen popullore. Dhoma që ai fshihej nuk u zbulua deri në vitin 1975, kur u gjet rastësisht teksa kujdestarët gjetën një derë të bllokuar nën një gardërobë.

Një hartë interaktive që pasqyron nivelin e mikrogrimcave të ozonit apo dioksidit të azotit u  lejon tani e tutje qytetarëve europianë të dinë në çdo kohë cilësinë e ajrit në të gjithë Evropën, ku ndotja e në atmosferë shkakton çdo vit qindra e mijëra vdekje të parakohshme. "Indeksi evropiani cilësisë së ajrit ", i cili u vu nën funksion nga Agjencia Evropiane e Mjedisit (AEE) dhe Komisioni Evropian mbledh të dhëna për çdo orë nga më shumë se 2.000 stacione matëse në Evropë.