Blloku Alternative

Brukseli bëhet kryeqyteti i parë që ndalon rrjetin 5G për shkak të efekteve shëndetësore. Lajmi është konfirmuar nga Céline Fremault, ministre e Qeverisë për Rajonin e Brukselit, përgjegjëse për Strehimin, Cilësinë e Jetës, Mjedisit dhe Energjinë.

“Nuk mund t’i hapim derën kësaj teknologjie, nëse standardet e rrezatimit nuk respektohen. Qofshin këto 5G ose jo. Qytetarët e Brukselit nuk janë derra, shëndetin e të cilit mund ta shes për përfitime financiare. Nuk mund t’i lëmë asgjë dyshimit”, është shprehur ajo.    

Gjermania, Bordello e Europës...Ky është titulli i revistës franceze Le Point për prostitucionin në vendet e Europës. Sipas saj, brenda 15 vjetësh Gjermania është kthyer në "bordellon më të madh të Europës" me nxitjen më të madhe në tregun e prostitucionit. Revista citon aspekte të organizatës Gewerbe Deutschland (UEGD), që përfaqëson interesat e industrisë së prostitucionit.

Modelja greke Georgia Kaltsi ka marrë pjesë në një paradë mode në Athinë ku ka sfiluar në karrocën me katër rrota. Ajo pësoi një aksident në vitin 2015 që e paaftësoi për të ecur por nuk e dekurajoi të ndjekë pasionet e jetës së vet si skitë, kanoet dhe noti.

Facebook pranoi një tjetër skandal me të dhënat e përdoruesve të saj. Kështu miliona fjalëkalime të përdoruesve janë ruajtur të pakriptuara në serverët e brendshëm dhe të ekspozuar ndaj mijëra punonjësve të kompanisë.

Kodet, disa prej të cilave datojnë që nga viti 2012, ishin të arritshme për gati 20,000 punonjës, sipas blogut të KrebsOnSecurity që merret me çështjet e sigurisë në internet, i cili ishte i pari që zbuloi skandalin më të fundit të platformës popullore.

Vdiq në moshën 92 vjeçare, Rafi Eitan, agjent veteran i Mossad-it, i cili udhëhoqi operacionin për rrëmbimin e ish-arkitektit nazist të Holokaustit, Adolf Eichmann.  Eitan kishte luajtur një rol të rëndësishëm në vitet e para të shërbimeve të inteligjencës izraelite.

Në vitin 1960 ai u vu në krye të operacionit të Mosad  që vuri në pranga Adolf Eichmann, i cili jetonte në Argjentinë nën një identitet të rremë. Eichmann u gjykua në Izrael dhe u dënua me vdekje në vitin 1961.

"Kohët e fundit, diçka ka ndodhur në New York, për të cilën ndoshta do të flitet në dekadat e ardhshme si fillimi i një kryengritjeje kundër kapitalizmit”- shkruan gazeta gjermane Die Zeit.

Reagime të shumta ka provokuar një intervistë e kreut të Parlamentit Europian, Antonio Tajani në të cilën thotë se Benito Musolini "ka bërë disa gjëra pozitive" në kohën e regjimit fashist.

"Para se t’i deklaronte luftë gjithë botës, duke imituar Hitlerin, përpara se të miratonte ligjet raciste, para rastit tragjik Mateoti (deputetit socialist që u vra nga fashistët), ai bëri disa gjëra pozitive, për infrastrukturën e vendin tonë"-dekalroi Tajani në intervistën e tij me Radio24.

Kardinali australian, Xhorxh Perl, i treti në hierarkinë e Vatikanit deri pak kohë më parë u dënua me gjashtë vite burg për pedofili dhe abuzimi seksual, por mund të vuajë periudhën e detyrueshme minimale të dënimit me tre vjet dhe tetë muaj.
Gjykatësi, Peter Kidd shpjegoi gjatë shpalljes së vendimit se për dënimin e Kardinalit mori parasysh edhe moshën e tij. 
Perl rrezikonte dënimin me 50 vjet burg për abuzimin me dy fëmijë të korit të Kishës në Melburn në periudhën 1996- 1997. Djemtë ishin 13 vjeç në kohën kur zhvilloheshin ngjarjet, në katedralen e Shën Patrikut.

Mes njerëzve që ndikuan zhvillimet globale në vitin 2018, përveç krerëve të shteteve dhe sipërmarrësve miliarderë është 29-vjeçari, Christopher Wylie. 
Ai zbuloi skandalin e Cambridge Analytica dhe ekspozoi lidhjet ndërmjet të djathtës alternative në Shtetet e Bashkuara të Amerikës dhe agjentëve të Kremlinit.

Shtohet lista e radiove në mbarë botën që morën vendimin e vështirë për të mos transmetuar muzikën e Michael Jackson, në vazhdën e skandalit të abuzimit seksual që ka shpërthyer pas shfaqjes së dokumentarit "Leaving Neverland"

Dhjetra e stacione radiofonike në Australi, Kanada dhe Zelandën e Re deklaruan se nuk do të luajnë këngët e të ashtuquajturit "Mbretit të Pop-it”, në respekt të ndjenjave të audiencës. "Nova Entertainment" e Sidneit iu shtua të enjten listës së gjatë të radiove i bënë jehonë zemërimit të opinionit publik.