Shqetësim në nivel politik deri te Merkel: Në restorante të Berlinit dhe në zyrat e Brukselit, nuk flitet gjermanisht

Gjermanishtja nuk flitet më nga stafi i disa restoranteve në Berlin. Ja sesi gjermanët po I rikthehen temave të vjetra, por edhe të reja me një sens që mund të kthehet problematik. Vend që nën Angela Merkelin promovoi multikulturalizmin, por që nuk e gëlltit dot një kryeqytet shumëgjuhës. “The Guardian” raportonte dje sesi zv.ministri gjerman i Financave, Jens Spahn, anëtar i partisë së Merkel, deklaronte në gazetën “Neue Osnabrücker Zeitung”, tërbohej nga fakti se kamarierët në disa ristorante në Berlin flasin vetëm anglisht.

“Nuk e sheh këtë çmenduri në Paris”, shprehet ai. Sipas tij bashkëjetesa paqësore mes popullsisë vendase dhe të ardhurve, varet nga njohja e gjuhës vendase.

https://www.theguardian.com/world/2017/aug/14/berlin-restaurants-german-...

Një tjetër artikull i publikuar në “Tegesspiegel” përshkruante me mllef të njëjtën gjë, çka evokon një farë nacionalizmi të gjermanëve të cilët dikur dëbuan dhe masakruan për arsye që i shpikën po vetë, disa pre folësve dhe lëvruesve më të mirë të gjermanishtes dhe letërsisë gjermane, siç ishin hebrejtë. Autori i artikullit të fundit, arrin deri aty sa të flasë për përjashtim nga jeta e natës në Berlin, nëse nuk njeh anglishten. Sepse kjo është gjuha e stafit. Ndërkohë vetë biznesi që menaxhon këto mjedise nuk sheh shumë probleme në këtë drejtim, pasi do të kishte ndërhyrë.

Problemi nuk mbaron këtu. Gazeta britanike i kujton lexuesve të vet anglishtfolës, se javën e kaluar disa deputetë gjermanë nga disa parti I shkruan një letër kancelares Merkel, duke I kërkuar që të mbështetej ideja e përdorimit të gjermanishtes në disa funksione zyrtare dhe në disa instucione të Bashkimit Europian. Mes deputetëve figuron edhe Gunther Krichbaum që bëri bujë edhe në Shqipëri me disa deklarata gjatë muajvetë kaluar. Sipas tij dhe kolegëve të vet, Axel Schäfer, Johannes Singhammer, “shumë dokumente në Bruksel ishin të disponueshme vetëm në anglisht dhe frëngjisht”.

“Gjuha gjermane nuk duhet të ulet në statusin e një gjuhe të pavlerë”, thuhet në letër. Nga ana e vet, në përgjigje të letrës në fjalë, shefi I stafit të Merkel, Peter Altmaier, bëri thirrje që të përdorej më shumë gjuha gjermane në korrespondencën zyrtare, krahas anglishtes dhe frëngjishtes. Por ai ka shtuar se çdo vend përfiton nga shkëmbimet ndërkombëtare.

Por partit të tjera apo biznesi e mbron dygjuhësinë e Berlinit, që ka dhënë përfitime ekonomike dhe avantazhe.