Gjyq i pazakontë/Warner Bross duhet të provojë se fantazmat ekzistojnë!!!

Triologjia “The Conjuring” që ka arkëtuar 886 milionë dollarë pas shfaqjes në kinematë e të gjithë botës, duket se do të përballet me një çështje gjyqësore. Autori Gerald Brittle kërkon nga studioja që realizoi filmin 900 milionë dollarë, pasi sipas tij ai në vitin 1980 shkroi librin “The Demonologist”, libër i cili fliste për Ed dhe Lorraine Warren, dy investigues të dukurive paranormale. Brittle deklaron se ka një marrëveshje me të dy këta, por po këtë pretendon edhe “Warner Bross” që realizoi “The Conjuring”, “The Conjuring 2” dhe “Annabelle”. “Warner Bross” mbrohet duke thënë se filmat janë realizuar jo duke u bazuar mbi librin e Brittle, por mbi “fakte historike”, argument ky që sipas autorit duhet provuar pasi siç dihet, temat për akitivitete të mbinatyrshme apo paranormale zakonisht janë pjellë e fantazisë.