Planet e Metës dhe plani i Ramës

Kreu i Kuvendit, Ilir Meta, në një komunikim me gazetarët nga Kryesia e Kuvendit tha sot se është mjaft pozitive që forcat politike e kanë pranuar dhe i janë referuar Komisionit të Venecias sa i përket diskutimeve për reformën në drejtësi.
Referuar deklaratave të kryeministrit Rama se ai ka një plan B për ta miratuar reformën edhe nëse pengohet nga opozita, Meta tha se partia e tij nuk ka asnjë plan tjetër.
Ai deklaroi se njëzet votat e LSI do të jenë pro standardeve që ka miratuar Komisoni i Venecias. “Tani të bëjmë një vlerësim objektiv dhe të paanshëm të këtij opinion. Në ato raste kur do të ketë lexime të ndryshme, të kërkojmë edhe ndihmën e Euralius dhe OPDAT si institucione të BE-së dhe SHBA-së. Në fund të marsit do të kemi një test përfundimtar të forcave tona parlamentare dhe jo parlamentare” – tha Meta të shtunën për mediat.