Europa ka mbajtur frymën: Ç’do të ndodhë në zgjedhjet italiane?
Kanë mbetur më pak se shtatë ditë nga zgjedhjet italiane, të cilat kanë tërhequr vëmendjen e së gjithë medias europiane. Kuptohet pse. Italia është fuqia e tretë ekonomike e Europës dhe është gjithashtu vendi me borxhin më të madh (130% e GDP-së). Nëse ekonomia italiane nuk fillon të rritet – këtë po e thonë të gjithë tanimë – “atëherë italianët do të humbasin shpresat dhe gjermanët e francezët do të humbasin durimin”, rrjedhimisht Eurozona do të shkojë në zgrip të humnerës. Si zor të përfytyrohet një Eurozonë pa Italinë. Dhe si për dreq, gjërat nuk po ecin në drejtimin e duhur. Ka shumë gjasa që Italia të mbetet pa qeverisje pas këtyre zgjedhjeve. Në mos, do të mbetet me një qeveri, që do t’i ketë duart të lidhura nga përplasjet brenda mazhorancës që do të krijohet.
Fillimisht, teksa Partia e Berlusconit po vuante pa Berlusconin në timon, u besua tek një fitore e Partisë Demokratike (pasuesja e Partisë Komuniste të Luftës së Ftohtë), dhe në këto rrethana, kësaj partie do t’i duhej ndonjë aleat jo fort mistrec për të garantuar një qeverisje të qetë e pa probleme. Mirëpo, italianët janë më të talentuar se të tjerët për të koklavitur ngjarjet e situatat. Dhe ish pikërisht kjo që ndodhi. Në skenë u rifaneps Silvio Berlusconi, i cili, si gjithnjë, e përligji këtë fanitje, jo me ndonjë ambicie apo interes të tijin, por me nevojën që Italia e italianët kanë ende për të. Është një mantra që i bën punë. Ka njëzet vjet që një pjesë zgjedhësish e shohin pambarimisht atë si “shpëtimtarin e Atdheut”. Madje, sa më shumë ai demonstron se veç “shpëtimtar i Atdheut” nuk është, aq më shumë këta zgjedhës e shohin bash si të tillë, sado “e pabesueshme” (amazing, thosh e përjavshmja e famshme londineze që Berlusconit i jep munxët në çdo rast) të duket.
Pati njëfarë rezistence në radhët e Partisë së Lirisë, partisë së Kavalierit pra, në momentin që ky i fundit doli e tha se “qeverinë e ardhshme do ta drejtojë beniamini i tij, Alfano, ndërsa fushatën do ta udhëheqë vetë ai”. Por përballë këmbënguljes së tij, zërat kundër u shuan një e nga një, sidomos pasi ai filloi inkursionin televizion më televizion, gjithë ditën, nga mëngjesi në mbrëmje, duke mos shpërfillur asnjë studio televizive e asnjë program radiofonik. Dhe rezultati? Rezultati erdhi brenda dhjetë ditësh. Diferenca midis koalicioneve kryesore është reduktuar ndjeshëm. Karizma e tij bëri punë. Italianëve po u /////////lëbyren sutë edhe një herë nga magjistari Silvio, i cili ka drejtuar një fushatë në stil anektodik. Gjithçka ai ka bërë ka qenë një show. Dhe në këmbim, ka rikuperuar mbështetjen e humbur në momentin që e bënë të largohet me bisht ndër shalë nga posti i kryeministrit, ndonëse kish një mazhorancë të fortë e të qëndrueshme në Parlament.
Afërmendsh, ky rezultat nuk është mjaft për Berlusconin, që sido që të shkojnë punët, nuk ka për të riardhur në pushtet. Në këtë kuptim, suksesi i Berlusconit vlen veç për një gjë: ta bëjë të vështirë formimin e një mazhorance qeverisëse pas zgjedhjeve. Nuk është se ai e ka si synim këtë gjë. Por konsekuenca do të jetë pikërisht kjo. Bersani mund të krijojë një shumicë në Dhomën e Ulët, atë të deputetëve, por gjasat janë që t’mos e krijojë dot në Dhomën e Lartë, në Senat. Prandaj do të lindë nevoja që ai t’i shtrijë dorën prof. Montit, që ka për objektiv të arrijë deri në 15% të votave. Në këtë mes nuk do kish asnjë të keqe, por puna është se një aleancë e tillë është ose e pamundur, ose jofunksionale (numërohen me gishta italianët që besojnë se mund të funksionojë një aleancë mes Bersanit, Vendolas e Montit?). Ndërsa një aleancë tjetër me Beppe Grillon, që do të jetë faktori “x” i ekuacionit elektoral (është e sigurt se partia e tij do të afirmohet qartazi në zgjedhje, ndoshta me 15% të votave, ndoshta me më shumë, por askush nuk mund të parashikojë sjelljen e tij në Parlament; nga shumëkush, Grillo shihet si një dinamit shëtitës).
Ka disa ditë që nuk publikohen sondazhe (ligji italian e ndalon publikimin e tyre 15 ditë para ditës së votimit), dhe për këtë arsye nuk dihet se ç’po ndodh e ç’mund të ndodhë këto ditë. Sigurisht, partitë vijojnë të bëjnë sondazhe, të cilat, edhe pse nuk publikohen, gjejnë mënyra të tjera për të shkuar deri tek zgjedhësit. Si kjo e websitit notapolitica.it, në të cilin, përshkrimi i një gare mes kuajsh në hipodromin San Nicola të Barit shitet në mënyrë tinëzare si një info mbi sondazhet që s’mund të publikohen: “Në qendër të pistës është skuderia Ipson de la Boccon, që është lënë pas nga skuderia tjetër, ajo e “pesë yjeve”, me emrin Igor Brick”, etj., etj. Ipson de la Boccon kuptohet që është Mario Monti, kryeministri në garën elektorale, njëherazi presidenti i universitetit të famshëm të Bocconit, ndërsa Igor Brick është Lëvizja e Pesë Yjeve e Beppe Grillos. Një formë tjetër për të komunikuar rezultatet e sondazheve është dhe parashikimi i garës për të kapur kreun e Vatikanit, dhe për këtë shiten si kandidatë kardinalë që vijnë nga vendlindja e Bersanit, Berlusconit, Montit, Grillos, etj. Italianët kanë fantazi, s’kemi ç’themi.
Por fantazia si zor t’u hyjë në punë pas zgjedhjeve, ku si alternativa ngjajnë të jenë edhe dy skenarë të tjerë, të përkundërt me njëri-tjetrin: 1. Mbajtja e zgjedhjeve të tjera pas disa muajsh, gjë që do të përbënte një zhvillim shumë dramatik, jo vetëm për Italinë; dhe 2. Krijimi i një mazhorance të gjerë me synimin për të miratuar një ligj tjetër elektoral dhe për të bërë një reformë të thellë institucionale, aq e nevojshme për Italinë. Ky skenari i fundit nuk është i keq. Duket se u pëlqen të shumtëve.
SHQIP
Comments
Nuk e kuptoj pse kaq
<p>Nuk e kuptoj pse kaq kundra Berluskonit? Ne nje program televiziv tek rete 4 te henen ishte po ai Berluskon qe per cdo fraze qe thoshte duartrokitej nga pjesemaresit ne salle sepse thoshte gjera qe qeverite e majta qe gjoja mendojne per popullin as qe u shkon ndermend ti paraqesin ne program. Nuk e di se sa e ndiqni politiken Italiane z . Nano por dua te them qe nga cdo politikan italian qe kam degjuar pervec Berluskonit asnje prej tyre nuk ka folur aq troc sa ai ne ate program. Gjermanet dhe Francezet apo edhe Britaniket detyrimisht nuk i intereson nje Itali e forte dhe ne qoftese ata mbeshtesin Montin e mbeshtesin sepse ishte po ky qe iu dha mundesia po nga ky Berluskon qe tani shahet qe te formonte nje qeveri teknike per te qeverisur me mire ate vend dhe ata qytetare, por Monti e zhyti akoma edhe me keq Italine me taksa qe arrine deri ne 60 perqind dhe duke i dhene fuqine ecoitalies qe te mblidhte taksat por qe u kthye ne nje kompani xhelate per italianet dhe per kete shikoni shifrat e vetevrasjeve te impreditoreve italiane.Ne si vend qe bejme shume tregti me Italine dhe qe e kemi partnerin kryesor detyrimisht qe do te na pelqente nje Itali e forte edhe per shume nga bashkeatdhetaret tani qe jetojne e punojne ne kete vend dhe besoj qe vetem neqoftese ne pushtet do te vinte Berluskoni , Italia do te zhvillohej dhe do te dilte nga kjo krize. Forca Berluska.</p>
Berlusconi te rete4 e
<p>Berlusconi te rete4 e spektatore qe duartrokasin.Ose si te thuash, Berisha te KLANI e studentet e Henri Cilit qe bejne pyetje. Komedi tragjike.</p><p><span style="font-size: 1.2em; line-height: 1.7em;">Qeveria Monti ,"Beni", mbahej ne kembe nga grupet parlamentare te Berlusconit e te Bersanit.</span></p><p>Po te ishin kunder "reformave" kriminale te Montit te dy keta zoterite, Monti , si qeveri, binte brenda dites, por njgarjet nuk shkuan keshtu.</p><p>Equitalia, ka lindur kur Minister i pare ishte Berlusconi e minister i ekonomise Tremonti.(flitet se jane dhe aksioniste te kesaj te fundit, por gojet e liga nuk mbyllen kurre) .</p><p>Bersani e Berlusconi e Monti jane njejta gje. Marioneta, kamererire te atyre qe komandojne me te vertete. </p><p>Po pati miresine te pergjigjet Nano, c'fare nenkupton me Europe ne titullin e shkrimit? Kontinentin ? BCE? Popujt e europes ,qeverite a tjeter gje ?</p><p> </p>
Sido qe te jete, Italia ka
<p>Sido qe te jete, Italia ka shume shpresa per te ardhmen. Eshte e vertete se tani jane katandisur pothuajse si puna jone, por ata jane popull krijues, shpikes. Ja si tani, qe kane krijuar levizje qytetare si ajo M5S me ne krye Beppe Grillon apo levizje te tjera. Mund te duket pak per momentin por keto levizjet them se kane nje domethenie te jashtezakonshme. Njerezit nuk jane zene ne kurth si ne kohen e Berlusconit kur votuesit ishin te detyruar te votonin vazhdimisht te njejtat parti te vjetra e te korruptuara (PD-n apo PS-n ne pergjithesi) si tek ne. Italianet tani kane mundesi te zgjedhin figura te reja te pakorruptuara. Ne JO. </p>
... Njerezit nuk jane zene ne
<blockquote><p><span style="color: rgb(0, 0, 0); font-family: Arial, Verdana, Helvetica; font-size: 13px; line-height: 22.4375px;">... Njerezit nuk jane zene ne kurth si ne kohen e Berlusconit kur votuesit ishin te detyruar te votonin vazhdimisht te njejtat parti te vjetra e te korruptuara (PD-n apo PS-n ne pergjithesi) si tek ne.</span></p></blockquote><p>Jo pra jo. Njerëzit kanë mundësi të votojnë edhe njerëz si Grilloja, që pa pikën e kompetencës thotë që prej 2006 se viviseksioni (dmth eksperimentimi me kafshët) është i pa nevojshëm. Debate janë zhvilluar gjithandej në Europë e ShBA mbi eksperimentimin me kafshët në kërkimin biomjekësor. Bepe Grilloja dhe Antonio Ingroia, janë të vetmit që janë deklaruar publikisht pro ndalimit të eksperimentimit me kafshët në këkimin biomejkësor. Eksperimentimi me kafshët është jetik për kërkimin shkencor. Në këtë mes s'ka kurrfarë komploti. Ata që pretendojnë për metoda alternative, kanë qenë gjithnjë të lirë t'i paraqesin pranë instituteve përkatës. Lëvizja kafshiste (animaliste) ka vota të konsiderueshme, si grup. Grilloja dhe Antonio Ingroia tregojnë pafrytërsinë e tyre nga njëra anë, duke dashur të marrin sa më shumë vota, e nga ana tjetër tregojnë injorancën e vet për çështjen.</p><p>Po zemërimit, por jo vetëm zemërim, edhe alternativa. Grilloja, meqë u nisa nga ky, është thjesht një sharlatan dhe në avenir ka të njëjtën besueshmëri me të Berluskonit.</p><p> </p><p> </p>
Po sikur Grillinet te dalin
<p>Po sikur Grillinet te dalin partia e pare? Sikur te mundin te kene shumicen ne parlament e ne senat? (per mua krejtesisht e mundur dhe e logjikshme) e te mendosh qe e gjitha filloi me nje blog e ne shtator 2007 (deshmitar) me vaffanculo day.</p><p>Epitafi i falimentimit te politikes "tradicionale" .Asistencialiste, hajdute, klienteliste., mafioze e kameriere e bankiereve.Ky fare sistemi politik e ekonomik qe na e shesin per demokraci e kapitalizem. Flas per Italine e me duket sikur flas per Shqiperine.Por ballkanasit ( shih Greqine, Shqiperine etj ) deluzionin dhe revolten e kanalizojne ne nacionalizma driteshkurter,ndoshta ekperimenti i atrofiziomit te ndergjegjes, me ne ka funksionuar.</p><p> </p>
S'më the ndonjë gjë të re z.
<p>S'më the ndonjë gjë të re z. Nano. I dija të gjithë këto!</p><blockquote><p>Ka disa ditë që nuk publikohen sondazhe (ligji italian e ndalon publikimin e tyre 15 ditë para ditës së votimit)</p></blockquote><p>Ka disa gjëra, ligje e norma të cilat unë persnalisht ia lakmoj. Kjo mbi punën e sondazheve është një prej tyre. Sepse ka një qëllim të qartë se përse nuk lejohet. Ajo për të cilën unë shpesh kam ngritur zërin këtu, për sondazhet e shumta e të njëpasnjëshme, ditë pas dite, javë pas jave, 7-8 muaj para zgjedhjeve të 23 qershorit. Duket se qëllimi i vetëm (i fshehtë) e këtyre shondazheve është ai i të orientuarit të pjesës së pavendosur, ose i demoralizimit të zgjedhjes personale. Psh, një që mendon se duhet votuar FRDja (dhe partitë e tjera tëë vogla) për të dobësuar bipolarizmin e sotëm, kur shikon sondazhet me breshëri (që askush nuk na siguron mbi imparcialitetin e tyre!), mendon mbi forcën e votës së vet dhe atë të masës, që nëpërmjet sondazhit i thotë: voto si kam votuar unë. Këstu, sondazhi nga mjet informues e deri diku anlaizues, kthehet në dorën e gazetave të politizuara si një mjet propagande, orientimi e demoralizimi të votuesit.</p><p>Si mendoni z.Nano, dhe ju të nderuar lexues, a do t'i dhërbente Shqipërisë një ligj i tillë?</p>
Berlusconi ka
<p>Berlusconi ka thane: https://www.youtube.com/watch?v=QRrmhZb3J6E</p><p> </p><p id="watch-uploader-info" style="margin-bottom: 0px; padding: 0px; border: 0px; font-size: 13px; font-family: arial, sans-serif; line-height: 17px;"><strong style="margin: 0px; padding: 0px; border: 0px; font-size: 13px; background-color: transparent;">Pubblicato in data <span class="watch-video-date" id="eow-date" style="margin: 0px; padding: 0px; border: 0px; font-size: 13px; background-color: transparent; background-position: initial initial; background-repeat: initial initial;">28/gen/2013</span></strong></p><div id="watch-description-text" style="margin: 0px; padding: 0px; border: 0px; font-size: 13px; font-family: arial, sans-serif; line-height: 17px;"><p id="eow-description" style="margin-bottom: 0px; padding: 0px; border: 0px; font-size: 13px; background-color: transparent;">INTERVISTA A BERLUSCONI AL MEMORIALE della SHOAH del REGISTA RUGGERO GABBAI - 27 GENNAIO 2013, BINARIO 21, MILANO</p><p style="margin-bottom: 0px; padding: 0px; border: 0px; font-size: 13px; background-color: transparent;"> </p><p style="margin-bottom: 0px; padding: 0px; border: 0px; font-size: 13px; background-color: transparent;"><strong>Berlusconi tha me cinizem: </strong></p><p style="margin-bottom: 0px; padding: 0px; border: 0px; font-size: 13px; background-color: transparent;"><strong>Mussolini ka ba gabim per persekutimin e hebrejve, por te tjerat i ka ba mire.</strong></p></div><p> </p>
Bravo Nano si gjithmone e
<p>Bravo Nano si gjithmone e gjete se ku fle lepuri</p>
Do te ndodhe qe e vetmja
<p>Do te ndodhe qe e vetmja zgjidhje e politikes se vjeter mafioze italiane eshte ajo qe quhet "governissimo" - qeverisje e perbashket e poleve gjoja te kunderta(sipas shembullit gjerman)te te djathteve te kumbarit Berluskoni dhe te te shtirurit te majte, hajvanit Bersani. Zgjidhje plot rreziqe, sepse do ta renonte edhe me teper politiken e vjeter, duke i hequr shume vota ne favor te Levizjes me Pese Yje te Grilos. Levizje qe fale kesaj, ne zgjedhjet e ardhshme do te mund te synonte shumicen absolute, qe me dy fjale do te thoshte Kapitalizmi(opsss demokracia/ladrokracia)italian kaput!</p><p>Sistemi i kalbur kapitalisto-oligark italian eshte ne shah mat fale rinise se organizuar qe me shpejtesi po merr ne dore fatet e vendit; shpresoj qe e njejta gje te ndodhe ne Shqiperi ku Aleanca Kuq e Zi - partia e te rinjve me duart e pastra, te marrin timonin e qeverisjes se vendit!</p><p>Mendoj se ka ardhur momenti qe ne mbare Boten, rinia te zgjohet e te marre pushtetin e grabitur nga masoneria e oligarkeve industrialiste e financiere, qe nepermjet sistemit te ashtuquajtur "demokraci", por qe ne realitet nuk eshte gje tjeter veçse K A P I T A L I Z E M ekstrem, po e kthen kete planet ne nje prone private te disave qe edhe pse keta numerohen me gishtat e duarve e te kembeve, ushtrojne zgjedhen e tyre te eger ndaj shumices qe jeton ne pasiguri te plote. Parashikoj qe shembulli italian dhe ai gjerman(votat e shumta per Partine e Pirateve)te emulohen ne mbare Boten industriale dhe te shkaktojne nje termet te vertete per themeluesit dhe mbeshtetesit maskarenj te ketij sistemi fashist qe tashme duhet permbysur!</p><p>Ne SHBA p.sh. kemi Levizjen "Occupy Wall Street"(Pushto Uoll Stritin)aktivistet e se ciles edhe pse jane masakruar nga dhuna policore e nje shteti kriminel, po forcohet gjithnje e me shume. E imagjinoni dot se ç'do te ndodhe kur anetaret aktive te kesaj levizjeje nuk do te numerojne me 16 milione, por 150 milione? Zgjidhjet do te jene dy: Ose shteti policor amerikano-sionist do t'i nxjerre Kapitalizmit surratin e tij te vertete fashist & anti-njerezor duke vendosur gjendjen e luftes qe do t'i lejonte shtypjen me dhune esktreme te çdolloj proteste, ose kalimi paqesor i pushtetit qe do ta avanconte shoqerine drejt nje sistemi te ri shume me progresist e njerezor.</p><p>Europa e bankiereve hajdute dhe burokrateve te superpaguar sherbetore(te Brukselit)le ta mbaje frymen bile le t'i bjere infarkti se Grillo e di fare mire se ç'duhet te beje, shpresoj qe edhe rinia shqiptare te zgjohet nga gjumi i thelle i plogeshtise!</p>
Add new comment