Dy akse rrugore që injorohen në mënyrë të papranueshme

Nga Tirana në Shkodër udhëtohet me një shpejtësi mesatare 60 km/h.

Rrugën nuk e gjen asnjëherë pa trafik dhe ajo ka thyerjet tipike të Shqipërisë: nga superstradë në autostradë(terma sipas standardit tonë), policët janë përherë në pozicion përgjimi, rruga në disa segmente nuk ka as mbrojtëse anësore dhe asgjë dhe kështu një ndër zonat më të rëndësishme të vendit të bëhet e bezdisshme për ta vizituar.

Rruga Elbasan-Pogradec, shumë e rrahur nga lëvizjet, udhëtohet me shpejtësi mesatare 60km/h. Me cilësi jo të keqe, por e ngushtë deri në diskriminim. 

Rruga Fier-Gjirokastër udhëtohet me shpejtësi mesatare 80km/h. 10 muaj të vitit thuajse bosh. Për të kapur bregun kalohet nga kjo rrugë që tashmë thyen krahun në Kardhiq, por kalohet edhe nga rruga e Lumit, nga Llogoraja dhe së shpejti edhe nga një tunel 155 mln euro që del në Palasë. Të gjitha akset i ke thuajse bosh në 10 muaj të vitit. 

Tani sado indiferent të jesh nuk mund të mos vëresh se ka një disproporcion të papranueshëm në investime pavarësisht se përrallat për korridorin  blu kanë vite. Aksi me Korçën dhe Shkodrën kanë rëndësi ekonomike dhe rrihen gjerësisht.

Si vallë të lihen në këtë farë derexheje sidomos nga një qeveri që e ka çuar kilometrin 20 milionë euro?