Mbipopullimi/India ofron incentiva për sterilizimin  

Në Indi pritet që të ndodhë ajo që ndodhi vite më parë në Kinë. Qeveria e Uttar Pradeshit, ndër shtetet me dendësinëmë të madhe të popullsisë, pritet të kufizojë numrin e fëmijëve që i lejohet një çifti të ketë.

Ndryshe nga Kina, India nuk do ta bëjë këtë përmes një ndalimi, por do të stimulojë prindërit që kanë vetëm një fëmijë, duke u ofruar edhe kujdes shëndetësor dhe arsim falas.

Ndërsa familjet e mëdha do të jenë më të disavantazhuara. Pjesëtarëve të tyre do t’u ndalohet kandidimi për detyra publike, puna në administratë ose përfitimet e siguruara nga qeveria, raporton Vice.

Një tjetër masë, e cila do të hapë një debat të madh, është ajo që parashikon ulje taksash dhe rritje pagash për ata që sterilizohen vullnetarisht.

Kjo politikë e re në Indi vjen në një kohë kur Kina fqinje hoqi dorë nga një e tillë. Vendi me numrin më të madh të popullsisë në botë tani u lejon çifteve të kenë tre fëmijë, pas treguesve se popullsia kishte hyrë në një periudhë rënieje të qëndrueshme.

Kritikët thonë se politikat e propozuara së fundmi do të rëndojnë mbi gratë dhe pakicat. Shqetësimet shtohen akoma më shumë duke pasur parasysh faktin se vendi po përballet ende me pasojat e një fushate sterilizimi të detyruar që nga vitet ’70 që çoi në vdekje dhe dëme shëndetësore.