Letër publike kundër shembjes së Teatrit Kombëtar

Erion Veliaj paraqiti si argument për shembjen e Teatrit Kombëtar një studim italian që më pas rezultoi punim diplome. Qeveria duket se ka lënë pezull për momentin promovimin e projektit danez, pas përshkallëzimit të qëndrimit të Komunitetit të aktorëve.

Gazeta Panorama raporton se  Së fundmi Docomomo International – Komiteti Ndërkombëtar për Dokumentimin dhe Ruajtjen e Ndërtesave, Vendet dhe lagjet e Lëvizjes Moderne, i është drejtuar me një letër qeverisë shqiptare, ku i tërheq vëmendjen "për të ardhmen alarmante të Teatri Kombëtar të Shqipërisë, një rast i konsiderueshëm i kompromentimit të pronës kulturore në kryeqytetin e Shqipërisë, Tiranë" sipas saj.

Duke vlerësuar rëndësinë historike të kësaj ndërtesë Docomomo shpreh shqetësimet më të mëdha që mbështeten në planet e reja për këtë qendër kulturore që synojnë të fshijnë integritetin e saj origjinal. 

"E ndërtuar në vitin 1938 pranë sheshit Skënderbej si një qendër kulturore “Italo-Shqiptare”, kjo ndërtesë racionaliste ishte një nga veprat e para arkitekturore italiane në Shqipëri. Konceptuar nga arkitekti Giulio Berte, kjo ndërtesë – kulturore dhe sportive, me një kinema, pishinë dhe restorant – është me interes historik për të teknikën origjinale të ndërtimit. Pjesa e jashtme e ndërtesës, e arritur gjatë periudhës ekonomike të Autarkisë, është i përbërë nga materiali i parafabrikuar “populit”, një çimento eksperimentale e përzier me fibra të plepit dhe algave.  Docomomo International u kërkon të gjitha institucioneve pjesëmarrëse që ta marrin këtë çështje shumë seriozisht dhe të ndalojnë çdo gjë punë të pakthyeshme të bëra në monument"- thuhet ndër të tjera në letrën i Institutit italian.