Putin: I kërkova Bill Clinton që Rusia t’i bashkohej NATO-s
Presidenti rus Vladimir Putin ka deklaruar në një intervistë për regjizorin e njohur Oliver Stone se ai i kishte sugjeruar ish-presidentit amerikan, Bill Clinton, që Rusia të bëhej pjesë e NATO-s.
“Kujtoj një nga takimet tona të fundit me presidentin Clinton kur ai erdhi në Moskë. Gjatë takimit i thashë: “Ne duhet të konsiderojmë një opsion që Rusia i bashkohet NATO-s”, tha Putin.
“Clinton tha: “Pse jo?” shtoi Putin sipas të cilit “delegacioni amerikan u bë shumë nervoz”.
“Aplikuat”, ishte pyetja pasuese e Stone, pas së cilës Putin qeshi, raporton agjecia "Tass". Intervista është pjesë e një projekti të Stone që zhvillohet me një seri bisedash me kreun e Rusisë. Sipas Putin NATO është një mjet i politikës së jashtme amerikane. Ai ka shtuar se me t’u anëtarësuar një vend e ka të vështirë t’i rezitojë presionit amerikan dhe vende të tilla transformohen në pika dislokimi ushtarak.
Propozimi i Putin është i dyti pas atij të vitit 1954 që Moska zyrtare bën për anëtarësimin në NATO(http://www.respublica.al/content/dossier1954-nj%C3%AB-k%C3%ABrkes%C3%AB-e-bs-s%C3%AB-p%C3%ABr-t%C3%AB-hyr%C3%AB-n%C3%AB-nato).
Add new comment