Thellohet kriza në Ukrainë, Kievi ndalon fluturimet e linjave ajrore ruse

Sipas “The Washington Post”, Ukraina ka thënë se do të ndalojë linjat ajrore ruse të fluturojnë në vend si pjesë e sanksioneve mbi mbështetjen e Moskës për rebelët në lindje. Kievi tha se masat do të hyjnë në fuqi më 25 tetor dhe do të përfshijnë linjat ajrore të mëdha ruse Aeroflot dhe Transaero. Fluturimet ruse tranzit do të ndalohen nëse aeroplanët mbajnë personel ushtarak ose të mallrave me përdorim të dyfishtë. Moska e përshkroi këtë masë si “një akt të çmendur”, duke premtuar përgjigje të fortë. Mosmarrëveshjet e kaluara të gazit midis Rusisë dhe Ukrainës kanë çuar në ndërprerje në furnizim dhe shkaktuan ndërprerje të mëdha në dërgesat e gazit rus në vendet e BE. Në një zhvillim të veçantë, Ukraina dhe Rusia arritën një marrëveshje mbi furnizimet e gazit natyror në Kiev për dimrin e ardhshëm, duke i dhënë fund muajit me negociata të vështira. Marrëveshja e ndërmjetësuar nga BE u arrit në Bruksel.