ukraina

Moska rrezikon luftë direkte me NATO-n, për shkak të përpjekjeve të saj për të kontrolluar anijet në ujërat ndërkombëtare dhe për të mbytur ekonominë ukrainase.

Ish-komandanti suprem i NATO-s për Evropën, James Stavridis, i cili udhëhoqi forcat e aleancës në kontinent midis 2009 dhe 2013, thotë se “veprimet e Rusisë në ujërat ndërkombëtare të Detit të Zi përbëjnë një rrezik real për ta përshkallëzuar këtë në një luftë në det midis NATO-s dhe Federatës Ruse”.

Lufta në Ukrainë ka për të zgjatur, qoftë edhe në formën e një konflikti të ftohtë. Kështu mendon politologu i njohur amerikan, John Mearsheimer, i cili në një intervistë për “The Grayzone” ka deklaruar se e vetmja mënyrë që Ukraina të hyjë në NATO, është të arrijë një fitore vendimtare ndaj Rusisë brenda kufijve të vet shtetërorë.

Giulio Gallarotti, profesor i studimeve mbi qeverisjen dhe mjedisin në Universitetin Wesleyan dhe profesor ndihmës i shkencave politike në Universitetin e Kolumbias, në një intervistë për Kathimerini analizon luftën në Ukrainë, përmes teorive të gjeopolitikës dhe marrëdhënieve ndërkombëtare. Ai shpjegon teorinë e "mallkimit të fuqisë (pushtetit)", sipas të cilës të fuqishmit priren të nënvlerësojnë kundërshtarin e tyre, ashtu si Goliathi nënvlerësoi Davidin.

Propozimi i fundit europian për krijimin e një fondi rezervë financimi për Ukrainën është bllokuar nga Hungaria. Mediat raportuan se ideja është që të disbursohen 5 miliardë euro në vit për një periudhë katër vjeçare, në mënyrë që Ukraina të ketë sponsorizim për rezervat ushtarake në kuotën e 20 miliardë eurove.

Në samitin e NATO-s në Vilnius, sekretari britanik i Mbrojtjes, Ben Wallace, i kujtoi Ukrainës të mbajë parasysh realitetin politik në disa vende, ku mbështetja për furnizimin me armë dhe mbështetjen financiare për të luftuar pushtimin rus nuk është gjithmonë universale. Wallace tha se Ukraina duhet të jetë më mirënjohëse ndaj aleatëve të saj, kur është fjala për furnizimin me armë. Në këtë pikë, Wallace gjeti rastin t’i kujtonte Kievit se Britania nuk është "Amazon" për furnizimet ushtarake.

Presidenti i Turqisë, Recep Tayyip Erdogan, ka shprehur mbështetjen e vendit të tij për anëtarësimin e Ukrainës në NATO. Deklarimi u bë gjatë një vizite të homologut ukrainas, Volodymir Zelenskiy në Stamboll në kuadër të së cilës Turqia ka ofruar edhe ndihmë ushtarake për Kievin.

Ministri i Jashtëm ukrainas ka deklaruar se Ukraina duhet pranuar menjëherë në NATO pas përfundimit të luftës me Rusinë. Ai ka bërë thirrje që Perëndimi të mos përsërisë gabimin e kancelares Angela Merkel në vitin 2008, dhe ka nënvizuar se e vetmja rrugë për të ndalur agresionin rus në të ardhmen është zgjerimi i Aleancës. 

Mos përsërisni gabimin e vitit 2008 kur anëtarësimi i Ukrainës u kundërshtua…E vetmja mënyrë për të mbyllur derën për agresionin rus kundër Europës dhe hapësirës euro-atlantike ështa pranimi I Ukrainës në NATO

Një postim i Ministrisë së Jashtme Ruse paralajmëron se lufta e Ukrainës do të ketë fatin e asaj të Irakut, Vietnamit dhe përpjekjes së dështuar kundër Fidel Kastros në Kubë.

Në Tuiter, Ministria e Jashtme e Rusisë shprehet se luftërat që kanë pasur pas SHBA-të kanë përfunduar të gjitha me kosto të rënda financiare dhe njerëzore, duke shtuar se së shpejti atyre do t’u bashkohet edhe lufta në Ukrainë.

 Deputeti i Partisë Socialiste, ish-drejtues në Forcat e Armatosura, Bardhyl Kollçaku, ka deklaruar gjatë një interviste për MCN Tv, se çështja kryesore sot në botë dhe lajmi i madh është ofensiva e forcave ukrainase. I pyetur nëse problemet në Veriun e Kosovës ndikojnë në sigurinë rajonale, Kollçaku ka dhënë përgjigjen se sot lajmi është në Ukrainë dhe se modestisht ai u bën thirrje drejtuesve në rajon që:

Ta lënë NATO-n dhe Perëndimin të përqendrohet në Ukrainë dhe disa probleme mund t’i shtyjnë për më vonë

Përgjatë 15 muajve të fundit, forcat e Kievit janë përballur me një armik që ka bërë gabime, por edhe ka pësuar pengesa. Analistët ushtarakë thonë se Moska ka mësuar nga ato gabime dhe ka përmirësuar armët dhe aftësitë e saj.