Usain Bolt

Një punëtor ndërtimi në Indi pretendohet se ka thyer rekordin e Usain Bolt në 100 m, teksa në një garë tradicionale me qe, të quajtur Kambala, ka arritur të vrapojë 142 m për 13.42 sekonda. Mediat raportojnë se kjo shpejtësi është 9.55 sekonda për 100 m, ndërkohë që Bolt e ka rekordin botëror me 9.58 sekonda.

Usain Bolt fitoi medaljen e parë të artë në Olimpiadën e Rios dhe të tretën radhazi në Lojrat Olimpike. Në finalen e garës së 100 metrave për meshkuj xhamajkani vendosi kohën 9 sekonda e 81 të qintat. Kampioni i botës në fuqi e nisi jo mirë garën, por fitoi epërsi në metrat e fundit, duke prerë i pari finishin.

Pas tij në podium u ngjitën amerikani Xhastin Gatlin dhe kanadezi Andre De Grase. Pas garës Usain Bolt deklaroi se këto janë lojërat e fundit olimpike për të, por më parë duhet të marrë pjesë në garën e 200 metrave dhe stafetën 4x100 metra.