bianku

Në datën 15 shkurt Gjykata e Rrethir Gjyqsor Tiranë vendosi të pranojë kërkesën e Prokurorisë së këtij rrethi për pushimin e çështjes penale nr. 7581 të vitit 2018 ndaj Denar Bibës, akuzuar për veprën penale “Ushtrim i ndikimit të paligjshëm ndaj personave që ushtrojnë funksione publike” parashikuar nga neni 245/1 i Kodit Penal.

Gjykata përmes gjyqtarit Erjon Bani ka çmuar se Biba është i pafajshëm për akuzën që i bëhet e që ka të bëjë me audiopërgjimin e kryer mes tij dhe Ledi Biankut, gjyqtar në Strasburg.

Debati për audiopërgjimin mes Denar Bibës dhe Ledi Biankut ka shtruar për diskutim një vullnet të qeverisë shqiptare për të shtyrë dhënien apo ekzekutimin e vendime nga Gjykata e të Drejtave të Njeriut në Strasburg për çështjet e pronave. Kjo sepse nga ajo që del, qeveria shqiptare ka kërkuar të ndalë penalizimin nga Gjykata, ndërkohë që shkak për to ka qenë edhe vetë siç ishte rasti i pallatit në Vlorë. Për të sqaruar disi çështjen dhe për të ballafaquar  me të vërtetën e mundshme pretendimet e z. Biba, ResPublica iu drejtua Gjykatës së Strasburgut.