Slideri Kryesor

Ministri i Jashtëm i Italisë, Antonio Tajani ka bërë thirrje që Perëndimi të shmangë një ndërhyrje ushtarake në Niger. Grushti i shtetit në vendin afrikan ka provokuar reagime ndërkombëtare ndërkohë që grupimi rajonal afrikano-perëndimor, ECOWAS, ka kërcënuar se do të përdorë forcën për rikthyer në pushtet presidentin e zgjedhur në mënyrë demokratike.

Ne duhet të punojmë që demokracia të fitojë. Ne duhet të përjashtojmë çdo nismë për ndërhyrje ushtarake për shkak se do të perceptohet si kolonizim i ri

Prokuroria e Posaçme kundër Korrupsionit ka thirrur për dëshmi rreth 70 të moshuar që do të flasin për procedurën e check-up. Siç merret me mend, hetimi lidhet me një koncesion të kohës kur ministër i Shëndetësisë ishte Ilir Beqja, i thirrur disa herë në SPAK. Nuk duhet të paragjykojmë hetimet që kanë marrë një rrjedhë të vetën dhe që po thërrasin nën akuzë një pjesë të qeverisë së kësaj dekade. 

 Me hapjen e çështjeve penale për inceneratorët, ka një lloj prirjeje për ta parë këtë si opsion për ndryshime të elitës politike në vend. Madje në këtë kuadër mund të shihet edhe riqarkullimi i një hiçi si Lulzim Basha, apo takimet në Departamentin Amerikan të Shtetit të njerëzve që përfaqësojnë vetëm zhurmën mediatike për çështje të caktuara.

Sepse prirja për ta parë këtë proces si shtysë për ndryshim elitash lidhet në të vërtetë jo me instinktin politik të një elite tjetrër, por vetëm me besimin e vobektë se kjo është lojë e amerikanëve.

Kryetarët e katër komunave me shumicë serbe në veri të Kosovës do të largohen përmes një iniciative qytetare. Qeveria e Kosovës ka zgjedhur këtë mënyrë për t’u hapur rrugë zgjedhjeve të reja. Vendimi është marrë nga Ministria e Administrimit të Pushtetit Lokal, e cila ka caktuar një grup pune që do të hartojë Udhëzimin Administrativ për caktimin e procedurave. Data 1 shtator është caktuar si afati i fundit për përfundimin e këtij udhëzimi. 

Sekuestrimi i inceneratorit të Tiranës, në dritën e akuzave që ka ngritur Prokuroria e Posaçme përmbyll ciklin e një afere që është thuajse totale: ndonëse veprat janë aty dhe disa funksionojnë, siç pretendojnë zyrtarë të qeverisë dhe vetë Kryeministri, asnjë prej tyre nuk i ka shpëtuar abuzimit.

Është një situatë e rëndë dhe me gjasë kjo aferë shenjon historikun e qeverisjes së kësaj shumice dhe të ardhmen e saj.

Prokuroria e Posaçme, SPAK, ka vendosur sekuestrimin e inceneratorit të Tiranës “Integrated Energy”.

Nga provat hetimore rezulton se shtetasit Klodian Zoto dhe Mirel Mërtiri kanë përdorur persona dhe shoqëri të tjera për të fshehur gjurmët si pronarët e vërtetë të shoqërisë koncesionare “Integrated Energy B.V SPV” sh.p.k.

Zoto dhe Mërtiri dyshohet të kenë falsifikuar faturat duke përfituar 409 milionë lekë.

Vendimi për sekuestrimin e inceneratorit të Tiranës është marrë më 28 korrik nga GJKKO, dhe është ekzekutuar ditën e sotme. Njoftimi i SPAK:

Opinionisti i “Koha Ditore”, Augustin Palokaj, shkruan në një shkrim të djeshëm se sjellja e Bashkimit Europian gjatë ndërmjetësimit të dialogut mes Serbisë dhe Kosovës, ishte e tillë që e dëmtoi procesin. Duke menduar se ambiguiteti do të ishte një mjet në duart e palëve për të prezantuar në mënyrë të përshtatshme para opinionit publik propozimet e bëra, BE-ja, konkretisht dyshja Lajçak-Borrell, kanë minuar të gjithë ecurinë e dialogut.

Lufta në Ukrainë ka për të zgjatur, qoftë edhe në formën e një konflikti të ftohtë. Kështu mendon politologu i njohur amerikan, John Mearsheimer, i cili në një intervistë për “The Grayzone” ka deklaruar se e vetmja mënyrë që Ukraina të hyjë në NATO, është të arrijë një fitore vendimtare ndaj Rusisë brenda kufijve të vet shtetërorë.

Më 31 korrik 2022, një sulm me dron i SHBA-së vrau liderin e Al Kaedës, Ayman al-Zawahiri, në një bujtinë talebanësh në Kabul. Një vit më vonë, Al Kaeda ende nuk e ka shpallur pasardhësin e Zawahirit.

Junta ushtarake që mori pushtetin në Niger akuzoi Francën se po planifikon të nisë një operacion për të rikthyer në pushtet presidentin Mohamed Bazoum.

Ministria e Jashtme franceze nuk e komentoi akuzën, por tha se Parisi e njeh Bazoumin si autoritetin e vetëm legjitim në vendin e Afrikës Perëndimore dhe se është i fokusuar në mbrojtjen e qytetarëve dhe interesave të tij atje.