Slideri Kryesor

Gazeta Shqiptare ka tentuar të marrë një përgjigje lidhur me ecurinë e marraveshjes për ngitjen e varrezave të ushtarëve grekë në Luftën e Dytë Botërore, por nuk ka patur asnjë sqarim nga qeveria shqiptare. Ministria e Mbrojtjes dhe ajo e Punëve të Jashtme ia kalojnë njëra-tjetrës detyrimin për t’i dhënë përgjigje, kërkesës se në cilën fazë ndodhet dhe a ka përfunduar procesi i zhvarrimit të ushtarëve grekë?. “

Në renditjen e Global Petrol Price, Shqipëria është ngjitur në 20 vendet me çmimin më të shtrenjtë të naftës në botë, nga e 47-a më që ishte një vit më parë, si rrjedhojë e rënies së çmimeve me ritme shumë më të ulëta se në bursa dhe në shtetet e tjera…
Teksa nafta në bursat ndërkombëtarë ka arritur gjatë ditës së sotme në nivelet më të ulëta të 11 viteve, duke u këmbyer me rreth 34.3 dollarë për treguesin referencë europian (Brent), në Shqipëri një litër naftë vijon të shitet me pakicë nga 160-168 lekë për litër.

Qeveria greke ka plotësuar kërkesat e kreditorëve që përbënin kushtin për disbursimin e një transhi me vlerë 1 miliard euro të kredisë që i është akorduar vendit në kuadër të planit të tretë të shpëtimit.

Që presidentin e kemi popullor dhe babaxhan kjo nuk diskutohet. Ballot janë ballo, por kur ulesh gju më gju me popullin dhe flet gjuhën e tij nuk ka si të mos mbetesh në hitori. Dhe Bujar Nishani është një nga ata që e gjejnë vetë vendin në histori. Ai dekoroi me medaljen “Nderi i Kombit” shoqatën “Labëria” në vazhdën e vlerësimit për çdo krahinë sipas tij me vlera te shquara atdhetare. Urimi i tij ka qenë vërtet i veçantë dhe e rrallë të thuhet nga një personalitet, por në fund të fundit thjeshtësia është modesti dhe modestia madhështi.

Komisioni i Venecias ka publikuar opinionin e vet, të ndërmjetëm, lidhur me propozimet e Parlamentit shqiptar për amendamentet kushtetuese të nevojshme për reformën e sistemit të drejtësisë. Pavarësisht sesi është interpretuar nga partitë politike në Tiranë, Komisioni nënvizon se pas konsultimit që aktorët në Tiranë do të bëjnë mes këtij opinioni dhe ndryshimeve të propozuara, do të publikohet një opinion final. Prapartitë parlamentare dhe komisioni përkatës do të duhet të pasqyrojë vërëjtjet e bëra nga KV e mandej ta dërgojë atë për një rishikim final.

Është vetë elita socialiste e qendrës dhe e bazës që bën qesharake qeverinë dhe nismat e saj për të bërë shtet. Pas kreut të PS-së së Shkodrës që rezulton të jetë një vrasës pa dashje, një tjetër kryetar dege i Rilindjes del me cenin e hajdutit të energjisë, fenomen që qeveria e shtriu te të gjithë fakir fukarenjtë.

Çdo taksë tjetër mund të ishte përshtatur si taksë për infrastrukturën përveç asaj të gjelbërimit pasi janë dy koncepte që përjashtojnë njëra-tjetrën. Gjithsesi vendimi i takon kryetarit të Bashkisë së Tiranës Erion Veliaj dhe Këshillit Ekonomik të Tiranës që drejtohet nga ish-deputeti Arben Malaj. Më thjeshtë paratë që shkonin për gjelbërimin, tani do të shkojnë për ndërtimin e shkollave sipas skemës së partneritetit publik privat siç anonncoi kryetari i bashkisë së Tiranës në prezantimin e paketës fiskale.

Prokurori i Përgjithshëm Adriatik Llalla ka shprehur pakënaqësi lidhur me procesin e ndjekur për hartimin e draftit të reformës në drejtësi.  Në një takim konsultativ me krerët e prokurorive të rretheve ku I pranishëm ishte dhe ministri i Drejtësisë, kryeprokurori tha se drafti për reformën në drejtësi është i nxituar dhe ka mungesë konsultimi.

“Ku është Pranvera Afrikane”, pyet në një shkrim të vetin në “Deutsche Welle”, Birgit Morgenrath. Ku është pranvera që do sjellë erën e demokracisë në vendet e Afrikës pas valës që përfshiu vendet arabe e që Morgenrath e gjen të përcjellë mirë tek fjala Arabelioni. “Në Afrikën e Jugut nuk bëhet fjalë për ndryshimin e madh, por edhe këtu Arabelioni është i dukshëm. "Ne këtu flasim herë pas here për pranverën afrikanojugore“, thotë Na'eem Jeena.

Banka e Shqipërisë ka vendosur që t’i vëjë kapak vjedhjes së 713 milionë lekëve në arkën e saj, nga punonjës të saj, duke e faturuar rikuperimin e shumës te qytetarët shqiptarë. “Top-Channel” raporton se BSH-ja ka deklaruar vjedhjen si humbje në bilanc, një ndryshim fakti ky për para që janë të vjedhura dhe duhet t’i ngarkohen fajtorëve. Lidhur me këtë ka reaguar Kontrolli i Lartë i Shtetit që “në raportin e fundit të auditimit thotë se kjo është e parregullt dhe përbën një shkelje të pastër të displinës financiare”.