Slideri Kryesor

Një person nga Florida, Thomas S. Ross nga Florida pretendon se ka shpikur iPhone dhe ka hedhur në gjyq kompaninë “Apple” së cilës i kërkon 10 miliardë dollarë kompensim. Ross prtendon se ka tentuar të patentojë shpikjen e tij në vitin ’90 dhe mandej kompania e Steve Jobs e ka vjedhur projektin e tij. Më tej akoma, Ross, kërkon edhe 1.5 % të shitjeve globale të “Apple”.

Kur shkova për herë të parë te qendra e koaludimit të automjeteve në Fushë-Prezë, mendova se do të gjeja një shërbim të denjë për një kompani zviceriane si SGS-ja (Société Générale de Surveillance), e cila kishte fituar nga qeveria Berisha koncensionin e kolaudimit të automjeteve në Shqipëri. Në fakt, kapanoni dhe paisjet e kolaudimit ishin shumë më moderne se ato të qendrës së dikurshme shtetërore pranë ish-NSHRAK-ut, por pritja për t’u futur në kapanon ishtë shumë më e gjatë.

Kryeministri i Shqipërisë Edi Rama ndodhet për një vizitë zyrtare në Turqi, ku është takuar me presidentin Erdogan dhe kryeministrin Yildirim. Në takimin me këtë të dytin janë diskutuar një sërë çështjesh, mes të tjerave edhe terrorizmi që goditi Turqinë së fundmi. Gjatë fjalës së vet, Edi Rama ka nënvizuar bashkëpunimin ekonomik e tregëtar, në fushën e arsimit dhe energjetikës. Duke e parë vizitën edhe si një rast për urimin e kortezisë për Yildirim që sapo ka marrë detyrën, kryeministri shqiptar ka hequr dorë edhe nga terminologjia vëllazërore me turqit, përdorur shpesh vitet e fundit.

Shqipëria rrezikon edhe heqjen e statusit të vendit kandidat për në Bashkimin Europian nëse nuk miratohet reforma në drejtësi. Ky skenar është artikuluar për herë të parë sot nga Kryetari i Komisionit për Çështjet Europiane në “Bundestag”, Gunther Krichbaum.

Presidenti i Komisionit Europian Jean-Claude Juncker ka deklaruar në konferencën e shtypit përfundimtare pas samitit te vendeve anëtare se kryeministri britanik kërkon kohë për meditim, por Bashkimi Europian nuk ka kohë për meditim dhe se qeveria britanike duhet të dërgojë sa më parë njoftimin e daljes nga Bashkimi Europian për tê filluar negociatat e daljes. "Kur flitet për tregun unik, ose je brenda, ose je jashtë. Kur je jashtë je jashtë dhe do të rinegociosh aksesin në tregun unik siç e kanë negociuar zvicerianët, norvegjezët dhe të tjerë.

Sulmet e një dite më parë në aeroportin e Stambollit u përcollën me ndjenjë solidariteti nga Tirana zyrtare. Presidenti Nishani në reagimin e tij thotë se ndihet i revoltuar dhe dënon me forcën më të madhe këto akte të urryera terroriste që përgjakën muajin e shenjtë të Ramazanit dhe që sipas tij synojnë të trembin e destabilizojnë Turqinë mike.

Pas rikthimit në detyrë të Drejtorit të Përgjithshëm të Policisë, Haki çako, Gjykata e Apelit ka liruar dy punonjësit e Policisë, Artion Duka dhe Entiol Xhelilaj të akuzuar se kanë përdorur në mënyrë të paligjshme pajisjen përgjuese ‘IMSI Cathcer’. Gjykata vendosi sot të shfuqizojë masën e arrestit në shtëpi, duke u dhënë mundësi atyre që të kthehen në punë.

Qe Shqipëria po zbaton një program ekonomik të diktuar dhe monitoruar rreptë nga Fondi Monetar Ndërkombëtar kjo u konfirmua edhe pas përmbylljes së misionit të radhës në Shqipëri, i cili e bëri të qartë se qeveria në këtë marrëveshje ka vetëm rolin e zbatimit të detyrave. Ambicja e shpallur e ministrit të Financave, Aben Ahmetaj qyshse kur ishte ministër i Ekonomisë për uljen e TVSH-së për turizmin ra përfundimisht në takimin e djeshëm me Fondin Monetar Ndërkombëtar.

Tre kamikazë mbollën vdekjen mbrëmjen e së martës në aeroportin Ataturk të Stambollit. Autoritetet numërojnë deri më tani 41viktima dhe qindra të plagosur, por nuk përjashtohet që bilanci i viktimavetë rritet. Atentati është i ngjashëm me atë të pak muajve më parë në aeroportin e Zaventemit në Bruksel. Autorët mbërritën në aeroport me taksi dhe iu drejtuan sallës së fluturimeve, ku dhe tentuan të kalojnë kontrollin e sigurisë. Në këtë moment njëri prej tyre filloi të qëllojë me kallashnikov në drejtim të udhëtarëve, shumica e të cilëve qytetarë turq.

Në muajt pas vizitës mesianike të Xhejms Bejkerit në Tiranën e 1991-shit, nuk pipëtinte në Shqipëri asnjë zë antiamerikan. Por pas ndryshimit sizmik politik të 1992-shit, zërat antiamerikanë filluan të lulëzojnë. Dhe qysh atëherë, mund të thuhet se ka ekzistuar gjithnjë një “celulë antiamerikane” në Shqipëri. Dhe gjithnjë "celulat" e kanë patur bazën tek ajo palë politike që është kritikuar nga Uashingtoni, si dhe tek disa intelektualë kozmopolitë, apo thjesht idhnakë ndaj dikujt me rëndësi në pushtet.