Slideri Kryesor

Bashkimi Europian shpreh shqetësim për censurën ndaj medias në Shqipëri, në prag të daljes së opinionit të përvitshëm mbi përparimin e vendit tonë, në pritje të hapjes së negociatave të antarësimit. ABC News ka siguruar draftin e rekomandimeve që do dalin nga mbledhja e Komitetit Parlamentar të Stabilizim-Asocimit BE–Shqipëri, që do mbahet në Bruksel, javën e ardhshme, më 7 e 8 Nëntor.

Qeveria shpreson që progres-raporti i Nëntorit t'i hapë dritën jeshile për negociatat e anëtarësimit në Bashkimin Evropian, çka do të legjitimonte në çdo rast retorikën e kryeministrit për reforma që nuk janë parë në 25 vitet e fundit, ndonëse vendi përballet me probleme të drogës, kriminalitetit, papunësisë dhe për më tepër të përfshirjes së personave me rekorde kriminale në politikë.
I vetmi që mund të bënte një panoramë reale të situatës dhe përmbushjes së kritereve të vendosura nga Brukseli për hapjen e negociatave është kryeministri Rama.

Analisti Mustafa Nano ka deklaruar në emisionin "Rubikon" në televizionin "Koha", drejtuar nga Adriatik Kelmendi, se Greqia i ka refuzuar kryeministrit shqiptar, Edi Rama një kërkesë për vizitë në Athinë. Por po ashtu edhe Cipras ka refuzuar ftesën të vijë në Shqipëri. Ky është një informacion që duhet konfirmuar, pasi ndoshta kjo shpjegon një nivel krize të thellë. Më tej Nano ka përsëritur perceptimin e tij se Rama është i korruptuar dhe se rrethohet nga njerëz të inkriminuar.

Më poshtë intervista e Nanos:

Ka patur disa replika të ashpra sot në Parlament mes kryeministrit Edi Rama dhe kreut të PBDNJ-së, Vangjel Dule. Për Greqinë, Himarën, Athinën, gravurat e Edi Ramës në Facebook, Gjergj Dushmanin etj., gjithnjë në një lojë që ushqen të dyja palët me karikimin nacionalist që u mungon kaq shumë. Mund të besojë njeri se Edi Rama shqetësohet vërtet për shqiptarët e Greqisë, sidomos ata të vjetrit, kur sot në Greqi arvanitasit dhe çamët ortodokosë, nuk thirren të dëgjohen se çfarë mendojnë për përrallat me Dushmanë që shpëtojnë qytetërimin?

Donald Trump president i ShBA-së nuk është më aq e pamundur sa dukej më parë. Kompromisin me këtë perspektivë po e bëjnë edhe media të fuqishme si CNN që deri pak javë më parë propagandonin Clinton si “zgjedhja e duhur” dhe një Donald Trump që nuk duhet në asnjë mënyrë të votohet. Gjërat po ndryshojnë me shpejtësi me skandalin e e-maileve dhe vetëm sot, CNN i kushton dy shkrime fitores së Trump. Në të parën, autorët shkojnë në Skoci, në vendin e origjinës së Trump, ku sugjerojnë për lexuesin “ëndrrën amerikane” të një vendi të vogël që prodhon presidentin e ShBA.

Demokratët po kalojnë çdo fantazi për ta përdorur si argument kundër Donald Trump, i cili ka vënë seriozisht në pikëpyetje ambicjen e familjes Clinton për të marrë presidencën e Shteteve të Bashkuara të Amerikës. Për të shpëtuar katastrofën në lojë ka hyrë edhe talenti i presidentit Obama që ka shkuar deri aty sa ta flasë për një fatalitet global në rast se votohet Trump

Policia thotë se është ende duke peshuar kanabisin e gjetur në një magazinë në Rrëshen, dikur ish-pulari. Raportimet janë për 3 ton kanabis në proces tharje kati për t’u hedhur në treg, por policia njofton se gjatë kontrollit u konstatua një sasi e madhe bimë narkotike e dyshuar  Cannabis Sattiva në proces tharjeje dhe përpunimi,  ku vazhdojnë veprimet për peshimin dhe asgjësimin e plotë të saj.

Ish – ambasadori shqiptar në Greqi, Bashkim Zeneli, për një kohë të gjatë funksionar i Partisë Socialiste, thotë në një opinion për gazetën “Panorama” se kryeministri shqiptar Edi Rama duhet të vizitojë vendin fqinj.

“Por është shumë keq që kemi bërë hapa prapa me Greqinë mike e fqinje, me një vend anëtar të NATO-s dhe BE-së. Jemi mbërthyer në diskutimin e 3-4 problemeve që nuk po i fusim në rrugën e zgjidhjes. Po mbesim në vend sepse nuk po gjejmë gjuhën e dialogut, ndërkohë po i mëshojmë gjuhës së demagogjisë”, shkruan Zeneli.

Një luftë mes Rusisë dhe NATO-s përjashtohet, të paktën për vitin 2017. Ky është mendimi zyrtar i Ministrisë britanike të Mbrojtjes, e cila përmes shefit të saj, Sir Michael Fallon ka hedhur poshtë paralajmërimet e shefit të MI5(kundërspiunazhi), Andrew Parker.

Në një fjalë të mbajtur në Dhomën e Ulët, në komitetin e Mbrojtjes së saj, Fallon deklaroi se skenarët e një lufte, të përpunuar edhe nga ish-zv.komandanti i NATO-s në Europë, Sir Richard Shirreff janë realistë, por jo për vitin 2017.

Furi reagimesh ka shkaktuar në Greqi parakalimi i një vajze myslymane ne shami në paradën e 28 Tetorit, ditën e përkujtimit të “Jo-së” së Madhe që kryeministri Metaksas i tha pushtimit italian. Gjimnazistja fitoi të drejtën për të parakaluar në paradën kombëtare pasi u rendit ndër nxënësit më të dalluar të republikës. Pjesëmarrja e saj dhe paraqitja në paradë me veshjen e femrës myslimane u komentua gjerësisht në media dhe rrjetet sociale, ndërsa ajo që ka tërhequr vëmendjen ka qenë reagimi i vetë nxënëses.