Blloku Politikë

E mbani mend sesi nisi rrugëtimin e pushtetit Rilindja? Për atë që e kanë harruar po e risjellim: me një marrëveshje në Shkodër mes Edi Ramës dhe Ilir Metës dhe me ndryshimin e ngjyrës së kuqe në vjolë.

Zoti Rama u kujdes ta shpjegonte këtë simbolikë: Shkodra si qyteti më afër perëndimit dhe në Veriun ku e majta ka ca hesape për të shlyer, kurse Vjola si bashkim i të kuqes me blunë.

Socialistët janë sot në zi partiake sepse shefi u mellanos nga boja e Palokës. Këtë hall personal kryeministri doli ta ndajë me shqiptarët, duke thënë se imazhi i Shqipërisë pësoi një goditje të rëndë. Mos more, nëse do ishte çështje makiazhi, mund ta kishim zgjidhur me buzëkuq dhe pudër, kaq do ta kishte bërë Edi Rama për Shqipërinë, mjafton që të merrte meritat për negociatat.

Ca spërka boje mbi fytyrën dhe xhaketën e kryeministrit të vendit janë bërë lajm i momentit. Fotot e shumta me fytyrën e përveshur të Edi Ramës ku dallohen dhëmbët e ngjyrosur me gjasë do të qarkullojnë gjatë dhe në lloj lloj memesh. Epoka e internetit, nuk ke çfarë bën.

Por akti në fjalë nuk ka kurrfarë dramaciteti që përpiqet t’i japë shumica. Edi Paloka mund të akuzohet penalisht e gjithfarë gjërash nga garda apo policia, por në fakt asgjë nuk ngre peshë.

Seanca e sotme parlamentare ka qenë e pazakonshme edhe për standardin shqiptar.

Deputeti demokrat Edi Paloka ka hedhur bojë mbi kryeministrin, pas qëndrimeve të këtij të fundit ndaj kreut të PD-së, Lulzim Basha, ndonëse përmes një deklarate për shtyp PD-ja thotë se akti lidhet me bullizmin e Ramës ndaj Palokës për mënyrën e të folurit të këtij të fundit.

Në sallë ndodhej edhe kryetari i Parlamentit të Maqedonisë së Veriut, Telat Xhaferri.

Askush nuk mund ta cenojë miqësinë me SHBA

Ky është mesazhi i thjeshtuar që po lexohet në Kosovë pas letrës së zv.ndihmës sekretarit amerikan të Shtetit, Mathew Palmer.

Hashim Thaçi ka ardhur dy herë këto dy javë në Tiranë për dy intervista televizive. Ai I është drejtuar audiencës së Shqipërisë, por edhe të Kosovës me mesazhet e  veta politike mbi nevojën e marrëveshjes me Serbinë dhe çështjen e ndjeshme të kufirit. Presidenti i Kosovës nuk e ka përmendur në asnjë rast kryeministrin e Shqipërisë Edi Rama, e ka anashkaluar tërësisht duke lënë të lirë diskutimn mbi ndonjë rol hipotetik të z. Rama në këtë çështje.

Edi Rama ka premtuar se nuk do t’u ndahet gjyqtarëve që shfuqizuan burgimin e përjetshëm për Dritan Dajtin. I pyetur nga një qytetar në Lezhë ai tha se dënimi me 25 vjet i njeriut që vrau 4 policë është një akt kriminal sepse jo vetëm e liruan autorin por i rivranë katër viktimat.

“Nuk do ti ndahemi kësaj çështje dhe këtë vendimi do ta bëjmë duke bërë të gjithë presionin e nevojshme, edhe para gjykatës, besoj se nuk t’ia dalin kaq lehtë. Këta lloj gjykatësish dhe prokurorësh janë si tumore, dhe i keni parë sesi vetingu po i largon të gjithë një nga një”-tha Rama.

Opozita parlamentare në Shqipëri ka paralajmëruar se do të protestojë më 16 shkurt kundër qeverisë. Përfaqësues të saj kanë dalë në seri për të njoftuar lloj lloj skenarësh, mes të cilëve edhe ai më i dashuri për mëmëdhetarët: populli do marrë në dorë fatet e saj. Si një konglomerat formacionesh politike që e ndjejnë se nuk kanë këllqe, mundësi dhe as kapacitet për të çuar në radikalizimin e protestës si akt politik i përgjegjshëm, opozita po ja lë në topin në derë popullit. Që në këtë rast mund të jenë militantë të saj që do të testojnë ndonjë gjë të papritur.

Kulmi i promovimit politik të Edi Ramës mund të quhet pa frikë mbështetja e kancelares Merkel me vizitën në vitin 2015 në Tiranë. Veç aspektit politik u fol edhe për rritjen e bashkëpunimit ekonomik në një  Konferencë Ekonomike Gjermano-Shqiptare. Pritshmëritë ishin të mëdha, por 4 vjet mbrapa edhe zhgënjimi është po aq i madh.

Shtetet e Bashkuara të Amerikës kanë përshkallëzuar së fundmi qëndrimin e tyre zyrtar kundër qeverisë së Ramush Haradinajt. Përmes një letre të publikuar në mediat kosovare pranë Hashim Thaçit, zv.ndihmës sekretari i Departamentit Amerikan të Shtetit, Matheë Palmer u drejtohet tre drejtuesve kryesorë të shtetit të Kosovës, Presidentit, Hashim Thaçi, kryeministrit Ramush Haradinaj dhe kreut të Kuvendit, Kadri Veseli, me një mesazh shumë të qartë për domosdoshmërinë e heqjes së tarifës për malrrat serbe.