Publikohet video e 21 janarit realizuar nga taraca e Kryeministrisë

Gazeta "Tema" sjell sot një reagim të ish-kryeprokurores Ina Rama, sipas së cilës pamjet filmike të 21 janarit 2011, të realizuara nga Kryeministria bashkë me serverin përkatës janë zhdukur. Gazeta shton se kaq mjafton që Sali Berisha të procedohet për prishje të provave. 

Mirëpo po dje, gazetari Flamur Vezaj ka publikuar një video të protestës së 21 janarit realizuar nga Kryeministria, më saktë taraca e saj. Tani diçka nuk shkon këtu përderisa dikush e paska videon.

Gazetari interpreton se vdekja e Ziver Veizit nuk duket të ketë ardhur nga një plumb rikoshet, por nga qitja e drejtpërdrejtë. Çështje kriminalistike kjo. Megjithatë video paska dhe u transmetua. Ku i dihet, ndoshta gazetari Vezaj ka edhe video të tjera.