Sheshel i pafajshëm

Gjykata Ndërkombëtare për Krimet e Luftës nëHagë shpalli të pafajshëm duke e liruar nga të gjithë akuzat udhëheqësin radikal serb, Vojisllav Sheshel. Ishin nëntë akuza të ngritura kundër tij, tre për krime kundër njerëzimit dhe gjashtë për krime lufte, lidhur me nxitjen e spastrimit etnik në Bosnjë, Kroaci dhe Vojvodinë. Ai nuk ishte i pranishëm në sallën e gjyqit në Hagë, sepse u la i lirë në 2014 si i diagnostikuar me kancer. Javën e kaluar, Gjykata e Hagës dënoi 40 vjet burg ish-udhëheqësit serb të Bosnjës Radovan Karaxhic, vendim të cilin Sheshel e cilësoi dënim për të gjithë kombin.