Tirana ka rënë. Qajeni, mos e përqeshni!

<p>Oooo Artan, ore Artan, po ça keeeee ore?!</p><p>Je bërë i lodhshëm fare këto kohët e fundit. Ku lexova këtë &quot;sprovën&quot; tënde të fundit sot mu duk sikur isha në kafen e lagjes e dëgjoja ndonjë nga ata të rinjtë parazitë, pa shkollë e zanat, që ankohen &quot;asht bo keq&quot;, &quot;ka ra leku&quot;, etj; ose ndonjë çast më dukeshe si ndonjë emigrant që mezi pret që të ndodhë ndonjë vrasje, a korrupsion që të shfryjë e përçmojë mbi këtë vend, në një amalgamë të çuditshme përkatësie...</p><p>&nbsp; Nejse, ajo që unë mendoj në lidhje me tezën që ke hedhur sot (që e ke patur disi në trajtë tjetër edhe më parë, por jo me të dhjerë sheshit, si kohët e fundit) është që Tirana nuk është fare ashtu si thua ti. Është e vërtetë që nuk jemi aq të sistemuar sa qytetet e ish perandorive e dinastive Europiane, dhe nuk mund të ndodhte në asnjë lloj skenari ajo vetpërmbajtje, në një vend në zhvillim e të papërgatitur për të konkurruar ekonomikisht me fqinjët europjanë, e për të patur organizim shoqëror funksional si ata, por nuk është se Tirana ka arritur në ndonjë intensitet banorësh të papërballueshëm, as se (ndryshe nga çfarë propagandohet në mënyrë populiste) ka shumë pallate, as se nuk ka hapësirë për rrugë, sheshe, parkim, lulishte etj - ajo që zgjith është sistemimi rreth objekteve, brenda lagjeve, rrëzë pallateve etj. Të gjithë mund të vëmë re që me një sy nikoqir, një dëshirë për investim dhe një disiplinë funksionale shumica e atyre zonave dhe trajektoreve ku kalojmë përditë mund të tranformohet shumë kënaqshëm (me një sy të kujdesshëm e përfytyrim dashamirës mund të shihet që shumica e metropoleve botërore nuk ka hapësira më të mira). Madje shumë zona të qytetit kanë nevojë që ndërtimi jo vetëm që të lejohet, por edhe të stimulohet e lehtësohet, për të risistemuar ato hapësira që sot janë të pakalueshme, pasi nuk hapen rrugë, sheshe, lulishte e shkolla me blerje me para të truallit nga shteti (naivitet i shpeshtë) por me ligj të përshtatshëm ndërtimi dhe kontroll të kujdesshëm mbi territorin. Ndryshe nga ç&#39;mendon turma, bllokimi i ndërtimit që kamuflohet si ndihmë ndaj komunitetit është vetëm mjeti për të kanalizuar ekonominë në pak duar, dhe kontrolluar çmimet dhe qarkullimin e parasë.</p><p>&nbsp; Me ndërhyrjet që ka bërë vitet e fundit, profesor Fuga (më) është shfaqur përherë e më shumë si njeri që është larg &quot;dritës&quot;, pasi nuk më duket se e interpreton realitetin sipas ligjshmërive të natyrës, por ka aftësinë (që mund të jetë edhe inerci) që të artikulojë &quot;trendy&quot;.</p>

<p>bota nuk vuan nga dhuna e njerezve te ligj, por nga heshtja e njerezve te mire.ju 20 vjet heshtet si intelektual dhe ja pasojat barbare te nje vendi ne mes te europes. turp. mos shkruaj me se nuk te emocionon me shkrime banale.</p>