Dorëhiqet Lindita Nikolla
![](https://www.respublica.al/sites/default/files/styles/large/public/2024/07/lindita_2024_07_26_22.jpg?itok=Nin8q1fF)
Lindita Nikolla njoftoi dorëheqjen nga detyra e kryetares së Kuvendit në përfundim të seancës së fundit të këtij sesioni parlamentar. Në fjalimin e saj para deputetëve, Nikolla tha se arsyeja e tërheqjes së saj është një problem me shëndetin, por la të kuptohet se do ta vijojë mandatin e deputetes.
Këtu sot mbyllet shërbimi im trevjeçar në krye të Kuvendit, për shkak të një situate shëndetësore që ma bën të pamundur të kryej detyrën e lartë të funksionarit të dytë të shtetit. Jam përpjekur të jap më të mirën çdo ditë, për të siguruar mbarëvajtjen e punës së Parlamentit pa i hyrë kujt në hak në këtë sallë. Nëse dikujt i kam krijuar një përshtypje tjetër, ju siguroj s’e kam pasur qëllim. Fatmirësisht kur kam marrë edhe sulme verbale, më mbetet ndjesia e mirë e respektit që më keni dhënë.
Add new comment