Skënder Gjinushi zgjidhet kryetari i ri i Akademisë së Shkencave

I vetëm në garën për kreun e Akademisë së Shkencave, Skënder Gjinushi do të jetë drejtuesi i ri i saj. Rezultati ka dalë pas procesit te numerimit te votave, ku Akademiket e kane votuar me 35 vota pro dhe 6 kunder.

Para votimit, Gjinushi shpalosi platformen e tij  duke thënë se “së bashku me prurjet e reja dhe bashkëpunëtorët e jashtëm të rinj që mundëson reforma mund t’ë realizohen politikat për shkencën”

Zgjedhjet për kryetarin e Akademisë së Shkencave u shoqëruan me polemika mbi ligjshmërinë e tyre. Akademiku Artan Fuga në një reagim e ka quajtur puçi institucional, duke thënë se statusi i Gjinushit si politikan karriere e ndalonte ligjërisht të ishte anëtar i akademisë jo më të kandidonte për kryetar të saj!

Kjo farsë elektorale vjen krejt në kundërshtim me vendimet e Asamblesë për reformimin e Akademisë së Shkencave të Shqipërisë marrë thuajse dy vjet më parë duke uzurpuar pushtetin në këtë Akademi pa pritur as kuadrin e ri ligjor reformues as përpilimin e akteve statutore dhe as pranimet e reja. Dëshira për pushtet e grupit uzurpator në Akademinë e Shkencave për të fshehur zullumet atje, rezulton më e fortë sesa respektimi i vendimeve zyrtare për reformim

shkruan Fuga në reagimin e tij.

Për zgjedhjet ka reaguar edhe Partia demokratike që tha se do tangazhohet për të zhbërë ilegjitimitetin e çdo Kryetari dhe të çdo Kryesie të zgjedhur në kundërshtim me ligjin. Ajo thotë se nuk do ta njohë projektligjin aktual, të formuluar nga grupi uzurpator në Akademinë e Shkencave.