Largoni celulitin ne pak hapa

Celuliti është e “keqja” që prek pak a shumë të gjitha femrat. Nuk varet vetëm nga pesha, por edhe nga faktorë të tjerë, si qarkullimi i gjakut dhe mbajtja e ujit. Edhe pse është e pamundur për të shpëtuar prej tij në mënyrë radikale dhe përfundimtare, është e mundur që të luftohet, duke reduktuar shenjat e dukshme dhe duke i mbajtur ato nën kontroll. Më poshtë do të njiheni me dhjetë këshilla që e ndihmojnë çdo femër në luftën kundër “lëkurës së portokallit”.

1. Përpiquni që të bëni gjithnjë lëvizje, nuk ka rëndësi se ku, në shtëpi ose në palestër dhe se çfarë, notin ose të ecurit nëpër qendrat tregtare; e rëndësishme është që t’i mbani këmbët gjithnjë aktive!
2. Në ushqyerjen tuaj, përfshini ushqime të cilat mund t’ju ndihmojnë të forconi kapilarët, ndoshta duke përdorur fillimisht çaj bimor.
3. Hani të paktën pesë herë në javë fruta dhe perime të freskëta me gjethe jeshile.
4. Përpiquni të ulni përdorimin e alkoolit dhe të duhanit, por edhe të pijeve të gazuara.
5. Pini ujë, sa më shumë ujë!
6. Për të forcuar indet lidhëse, përdorni mjaftueshëm ushqimet që përmbajnë Vitaminë C, E, silic dhe zink.
7. Shmangni dushin me ujë shumë të nxehtë, në përgjithësi është mirë që të laheni me ujë të ngrohtë, ndërsa për vithet dhe kofshët, uji i ftohtë nxit qarkullimin e gjakut në këto zona.
8. Përdorni kremra dhe vajra kundër celulitit. Edhe pse efektiviteti i tyre nuk është i qartë, mjafton që aplikimin ta bëni me masazhin e duhur, jo lëvizje të lehta, por të thella dhe rrethore.
9. Përdorni lëngun e zier të koperit, borzilokut, si dhe çaje të ndryshëm për të nxjerrë jashtë lëngjet e tepërta dhe të dëmshme.
10. Përpiquni që të bëni një jetë të shëndetshme edhe në tavolinë, duke mos ngrënë shumë mish të kuq.

Një dietë anticeluliti për të humbur deri në 4 kg
Një regjim ushqimor i shëndetshëm mund t’ju ndihmojë në “asgjësimin” e kilogramëve të tepërt, duke ju lejuar të keni peshën dhe formën ideale. Në vijim, ju njohim me dietën e 1100 kalorive të cilën është mirë ta ndiqni për dy javë, gjithsesi është e këshillueshme që të kërkoni këshillën e mjekut tuaj. Është e rëndësishme të thuhet se gjatë këtyre dy javëve, është e nevojshme që të pini rreth 2 litra ujë në ditë, për ta ndihmuar trupin që të çlirojë ujërat e tepërt dhe toksinat e dëmshme. Gjithashtu është mirë që pirjen e ujit ta bëni një zakon mes vakteve.

E hënë

Mëngjesi – një filxhan çaj dhe 250 gr lëng portokalli

Dreka – 80 gr oriz i bardhë, 50 gr mish pule i bardhë i zier, 150 gr çikore, 10 gr vaj ulliri

Mes vakti – 90 gr banane

Dreka – 150 gr marule, 100 gr patate të ziera, 100 gr biftek viçi, 50 gr bukë të zezë, 10 gr vaj ulliri.

E martë

Mëngjesi – një gotë kos pa yndyrë (125 gr), 250 gr mjaltë;

Dreka – 70 gr makarona, 30 gr domate të papërpunuara, 25 gr gjizë, 5 gr djathë parmixhano, 150 gr marule, 10 gr vaj ulliri;

Mes vakti – mandarina 100 gr;

Darka – 120 g sallatë të përzier, 100 gr patate të ziera, 50 gr bukë e zezë, 125 gr karkaleca të zier, 5 gr vaj ulliri.

E mërkurë

Mëngjesi – një gotë kos pa yndyrë (125 gr), 200 gr dardha

Dreka – 160 gr sallatë kopër, 80 gr makarona me 80 gr zarzavate rrepë, 10 gr vaj ulliri;

Mes vakti – lëng qitroje 150 gr

Darka – 100 gr fileto peshku (gjuhëz), 10 gr vaj ulliri, 50 gr bukë e zezë, 50 gr domate, 100 gr marule.

E enjte

Mëngjesi – një filxhan çaj me një lugë mjaltë, 100 gr banane;

Dreka – 60 gr makarona me 70 gr patëllxhanë të zier, 10 gr vaj ulliri, 150 gr spinaq;

Mes vakti – 240 gr lëng portokalli;

Darka – 130 gr lulelakër, 100 gr sardele të ziera, 100 gr çikore, 100 gr tranguj, 10 gr vaj ulliri, 50 gr bukë e zezë.

E premte

Mëngjesi – 250 gr qumësht i skremuar me kafe, 200 gr mjaltë;

Dreka – 70 gr makarona, 40 gr peshk ton krudo, 150 gr patëllxhan i pjekur në zgarë, 5 gr vaj ulliri;

Mes vakti – mollë 150 gr;

Darka – 100 gr biftek të pjekur në zgarë, 150 gr marule, 20 gr gjizë, 10 gr vaj ulliri, 50 gr bukë e zezë.

E shtunë

Mëngjesi – një kupë me kafe dhe me një lugë gjelle mjaltë, 100 gr banane

Dreka – 100 gr makarona të përziera me 90 gr domate të freskëta, 150 gr kungull i njomë i pjekur në skarë, 10 gr vaj ulliri;

Mes vakti – dardhë dhe mollë 150 gr;

Darka – 130 gr karçiof të zierë, 150 gr çikore, 10 gr vaj ulliri, 50 gr bukë e zezë.

E diel

Mëngjesi – një kupë çaj, 140 gr kivi;

Dreka – 100 gr makarona, 10 gr vaj ulliri, 150 gr gjizë;

Mes vakti – 100 gr mandarina;

Darka – 100 gr patate të ziera, 120 gr sallatë jeshile, 125 gr peshk të zier (nasello), 10 gr vaj ulliri, 50 gr bukë e zezë./ sipas dietologu.com