serbia

Popullsia e Serbisë është tkurrur me 700 000 që nga viti 2011. Censusi i realizuar nga Byroja e Statistikave ka evidentuar një rënie të ndjeshme të popullsisë që në vitin 2011 regjistronte 7.2 milionë rezidentë.

I Dërguari i BE-së për dialogun Prishtinë-Beograd, Miroslav Lajçak do të jetë në të dyja kryeqytetet javën që vjen. Në disa intervista të dhëna për mediat në Kosovë, Lajçak ka deklaruar se do të takojë presidentin serb Alexander Vuçiç dhe kryeministrin e Kosovës, Albin Kurti, ndërkohë që ka sqaruar se afati i fundit për arritjen e një marrëveshjeje mes të dyja palëve është pranvera e vitit 2023 me synimin që normalizimi i plotë të arrihet në fillim të vitit 2024.

Ambasadori i Izraelit në Serbi, Yahel Vilan, ka dhënë disa ditë më parë një intervistë për revistën “Cord”. Përmes saj, Vilan ka dhënë disa komente mbi njohjen e Kosovës nga Izraeli dhe ndikimi që kjo ka në marrëdhëniet dypalëshe. I pyetur mbi këtë temë, Vilan ka bërë një dalje ironike nga situata kur ka deklaruar se: 

Pasoja imediate e njohjes së Kosovës ishte se ajo nuk është më nën juridiksionin tim

Presidentja e Kosovës, Vjosa Osmani, ka bërë të qartë se me Shqipërinë ka dallime në qëndrime të ndryshme për politikën e jashtme lidhur me Serbinë. Në një intervistë për Zërin e Amerikës, Osmani kritikoi hapur qëndrimin e kryeministrit të Shqipërisë, Edi Rama, për mirëkuptimin e pozicionit të Serbisë për sanksionet ndaj Rusisë.

Sot në “Zëri i Amerikës” është publikuar një shkrim që pretendon se komuniteti amerikan i zbulimit ka të dhëna se Partia Demokratike e drejtuar nga Lulzim Basha ka marrë financime nga Rusia në masën e 500 mijë dollarëve. Çfarë do të thotë në optikën amerikane financimi rus? Ai do të thotë që partia përfituese është subjekt aktiv i përçimit të të ashtuquajturës influencë malinje në Ballkanin Perëndimor në këtë rast, me synim minimin e demokracisë.

Një analist i zhvillimeve politike nga Bosnje-Hercegovina, Jasmin Mujanović, ka paralajmëruar së fundmi se Zagrebi dhe Beogradi, bashkë me dy vende, anëtare të NATO-s, Hungaria dhe Franca po përgatisin një skenar fatal për shtetin ballkanas. 

Presidenti serb, Aleksandër Vuçiç ka pranuar se Serbia do të njohë dokumentet e Kosovës. Duke shtuar tonet, i shfaqur si i acaruar, Vuçiç e ka përcjellë lajmin të paketuar me një seri kërcënimesh që në fakt janë poza. Vuçiç ka dalluar në fjalën e tij shqiptarët e Kosovës, një mesazh ky i kujdesshëm që synon jo vetëm të dallojë, por edhe të mos helmojë tërësisht marrëdhëniet mes dy vendeve për të cilat është investuar jo pak. 

Mediat serbe raportojnë se vendet kryesore të Peëndimit që menaxhojnë stabilitetin e Kosovës, të njohura si vendet e QUINT-it u kanër kërkuar përfaqësuesve serbë të njohin pavarësinë e shtetit ballkanik. Mediat në fjalë citojnë kreun e Zyrës për Kosovën dhe Metohinë në qeverinë serbe, Petar Petkovic, kreun e Listës Serbe, Goran Rakiç dhe katër kryebashkiakë serbë të Kosovës që kanë zhvilluar një takim me ambasadorët e vendeve të QUINT-it i mbajtur me dyer të mbyllura.

Mediat serbe kanë qarkulluar një intervistë të ambasadorit të Greqisë në Serbi, Georgios Diakofotakis, dhënë për agjencinë “Tanjug” përmes së cilës janë vjelë një titulltë njohur: Greqia nuk do ta njohë Kosovën. 

Gjatë vizitës së tij në Beograd ministri i Punëve të Jashtme Nikos Dendias përsëriti se pozicioni i Greqisë mbetet i pandryshuar dhe se ajo nuk ka ndërmend të njohë pavarësinë e Kosovës

citohet ambasadori. 

Kryeministri i Kosovës, Albin Kurti ka thënë në një intervistë për italianen “La Repubblica” se mundësitë e një konflikti të ri në Europë janë të larta. Sipas tij, nëse do të ketë zhvillime ushtarake në Transnistri, atëherë edhe Kosova do të jetë shumë shpejt pjesë e një episodi ushtarak që lidhet me Serbinë. I pyetur për relacionet mes Serbisë dhe Rusisë, Kurti ka vënë në dukje faktin e një miqësie personale mes presidentit Vuçiç dhe Putin.