serbia

Takimi i djeshëm në Bruksel mes presidentit serb dhe kryeministrit të Kosovës përfundoi pa rezultat. Kryeministri Albin Kurti tha se propozimet e Serbisë janë bërë qasja e vetë BE-së, ndërsa shtoi se ka refuzuar asociacionin e pretenduar nga pala serbe.

Ka përfunduar pa sukses takimi në Bruksel mes presidentit serb dhe kryeministrit të Kosovës.

Albin Kurti deklaroi në përfundim të takimit se propozimi i tij për zbatimin e marrëveshjes bazë, Serbia nuk e ka pranuar, duke kërkuar fillimisht Asociacionin e komunave. Sipas Kurtit, i njëjti qëndrim po mbahet edhe nga ndërmjetësuesit e Bashkimit Europian.

Hungaria dhe Serbia do ta konsiderojnë sulm çdo ndërhyrje në tubacionet e gazit që vijnë nga Rusia. Në një bisedë me gazetarin amerikan Tucker Carlson, kryeministri hungarez, Viktor Orban, kujtoi rastin e sabotimit të Nord Stream, të cilin Hungaria e cilësoi akt terrorist dhe mungesën e një reagimi të fortë të Gjermanisë e quajti "manifestim të mungesës së sovranitetit".

Në Tiranë, takimi i Bledit në Slloveni, po interpretohet si një tavolinë ku kryeministri i Kosovës, Albin Kurti, po i vardiset kryeministrit të Shqipërisë për të krijuar opsione politike për veten. Kjo është në vazhdën e një politike mediatike që synon të restaurojë imazhin e z. Rama si lojtar kryesor në rajon, vërejtjet e të cilit gjatë krizës së fundit në Kosovë, duhen parë si receta strategjike.

Në Serbi është prezantuar sistemi i fiskalizimit, që presupozon gjurmim në kohë reale të transaksioneve financiare mes bizneseve dhe bizneseve me klientë fundorë. Në një raportim në mediat serbe, është vënë në dukje se nga kontrollet e ushtruara në bazë edhe të gjurmimit të transaksioneve janë marrë masa për mbylljen e 66 njësive të ushtrimit të biznesit për shkak të shkeljeve të konstaturara.

Opinionisti i “Koha Ditore”, Augustin Palokaj, shkruan në një shkrim të djeshëm se sjellja e Bashkimit Europian gjatë ndërmjetësimit të dialogut mes Serbisë dhe Kosovës, ishte e tillë që e dëmtoi procesin. Duke menduar se ambiguiteti do të ishte një mjet në duart e palëve për të prezantuar në mënyrë të përshtatshme para opinionit publik propozimet e bëra, BE-ja, konkretisht dyshja Lajçak-Borrell, kanë minuar të gjithë ecurinë e dialogut.

Presidenti serb Aleksander Vuçiç ka pranuar indirekt tezën se autoritetet në Kosovë i mbështet në politikën e vet Britania e Madhe. Ose të paktën Britania e Madhe, oficerë të shërbimeve sekrete të saj që presupozohet se duan të inskenojnë një konflikt mes Kosovës dhe Serbisë. Në një intervistë për Tv Prva, cituar nga media të ndryshme në Serbi, Vuçiç ka deklaruar se shërbimet serbe po analizojnë lajmet e ndryshme që qarkullojnë në shtyp dhe televizion.

Diplomati dhe publicisti Shaban Murati shkruan në gazetën “Dita” se vendimi për daljen e Shqipërisë nga “Ballkani i Hapur” erdhi si pasojë e presionit direkt gjerman. 

Burimi ynë diplomatik perëndimor thekson gjithashtu se presioni i Gjermanisë mbi kryeministrin e Shqipërisë për të mbyllur pjesëmarrjen në “Ballkanin e hapur” serb mund të cilësohet si hapi i parë i masave ose i sanksioneneve të planifikuara të Gjermanisë ndaj Serbisë.

Gjatë një seance dëgjimore të Komitetit të Punëve të Jashtme në Dhomën e Përfaqësuesve në SHBA, më 22 qershor, republikani Keith Alan Self pyeti zëvendësndihmës sekretarin e Byrosë së Çështjeve Evropiane dhe Euroaziatike, Douglas D. Jones, në lidhje me qëndrimin e Departamentit të Shtetit për zgjedhjet në Kosovë. Duke vënë në dukje probleme në mënyrën sesi Departamenti i Shtetit menaxhoi atë që u quajt kriza në Veriun e Kosovës: 

Drejtori i Agjencisë për Siguri dhe Informacion i Serbisë (BIA), Aleksandar Vulin, është futur në listën e sanksioneve amerikane. Vulin akuzohet për përfshirje në dërgesat e paligjshme të armëve, trafik droge dhe keqpërdorim të posteve publike.

Zyra e Thesarit për Kontrollin e Pasurive të Huaja tha se Vulin e ka përdorur autoritetin e tij publik për të ndihmuar tregtarin serb të armëve të sanksionuar nga SHBA, Slobodan Tesiç, të lëvizte dërgesat e paligjshme të armëve përtej kufijve të Serbisë. Njëkohësisht, Vulin akuzohet edhe për përfshirje në një rrjet të trafikut të drogës.