Slideri Kryesor

Kryetari i Komisionit Parlamentar Hetimor për serverin e Tatimeve, Arben Ristani, ka deklaruar sot se punë e këtij komisioni nuk ka afat. “Ne do të kërkojmë aq kohë sa na duhet për të mbaruar hetimet. Nuk ka një kohë përfundimtare. Komisionet nuk janë fiktive, janë produktive. Është komisioni i dytë që drejtoj. Komisioni për lëvizjet në Policinë e Shtetit ka qënë mjaft produktiv. Dhe ky komision tani ka nxjerrë një batutë qesharake nga ish ministri Financave që thotë që nuk veprojmë gjithmonë sipas letrave dhe ligjit, por dhe sipas qejfit.

Kryeministri i Turqisë, Ahmet Davutoglu ka dhënë dorëheqjen. Mediat njoftojnë për një mbledhje të tensionuar dje mes tij dhe Presidentit Erdogan dje, e cila u cilësua si “përcaktuese për të ardhmen e kryeministrit turk”. Sot Davutoglu mbajti një konferencë për shtyp në të cilën vlerësoi se “ndryshimi në lidershipin e partisë dhe qeverisë do të jetë një gjë e mirë”. Në bazë të statutit të partisë AKP, ai mban edhe detyrën e kryetarit të saj të cilën do ta lërë formalisht pas zhvillimit të Konventës në datën 22 maj.

Nga mbledhja e Partive Popullore Europiane për Ballkanin Perëndimor, kreu i opozitës, Lulzim Basha dërgoi një mesazh të qartë për ndërkombëtarët, duke ofruar konsensun për reformën në drejtësi, me kushtin që BE të mos hapë negociatat e anëtarësimit gjatë qeverisjes Rama. "Më e rëndësishmja është implementimi i reformës në drejtësi. Sepse vetëm një reformë që implementohet, vetëm një BKH dhe një SPAK që krijohen do të jenë në gjendje të hetojnë ministrat e korruptuar, zyrtarët e korruptuar shqiptar, t’i çojnë para drejtësisë.

Kohët e fundit ka patur një debat mbi besueshmërinë e organeve ligjzbatuese në Shqipëri. Madje ky debat u përcoll si një përplasje mes policisë dhe prokurorisë që u shoqërua me deklaratat e Ministrit të Brendshëm se publiku ka më shumë besim te policia. Mirëpo ndalimi i Arben Frrokut turbulloi sërish ujërat e transparencës dhe besimit te policia, duke detyruar ministrin e Brendshëm, Sajmir Tahiri të kërkojë hetim administrativ të veprimeve të policisë tek partnerët ndërkombëtarë.

Kreu i Kuvendit Ilir Meta ka deklaruar se për LSI-në, reforma në drejtësi ka përfunduar që nga dita e djeshme ku ekspertët e EURALIUS dhe OPDAT, kanë dorëzuar në komisionin parlamentar të reformës draftin përfundimtar të paketës që tani duhet thjesht të miratohet në parim në komision dhe të votohet në Parlament.

Lufta në Siri ka qenë e organizuar nga SHBA dhe rolet kyçe për revolucionin që do të rrëzonte Assadin, i kanë patur Katari me Arabinë Saudite. Kështu ka deklaruar sheiku nga Katari, Hamad Bin Jassim Al Thani. Ish-kryeministri i Katarit Al Thani në një intervistë ka deklaruar qartë se “revolcuoni” i 2011 u nis nga Katari dhe Arabia Saudite me direktivë të SHBA-së. Ai pohoi se vendi i tij ka nisur të furnizojë me armë dhe para rebelët kundra regjimist të Assad.

Ka një analogji që i bën të ngjashëm Behgjet Pacollin me Donald Trump kur flitet për binomin biznes dhe politikë. Lideri i AKR-së dhe ish-presidenti i Kosovës, Behgjet Pacolli, ka folur për njohjen e tij me kandidatin republikan për president të Shteteve të Bashkuara të Amerikës, Donald Trump. Përkundër miqësisë me Trumpin, ai ka thënë se përkrah demokraten Hillary Clinton në një përballje të mundshme me të në zgjedhjet presidenciale në Shtetet e Bashkuara në muajin nëntor. Megjithatë shqiptarët do ta respektojnë edhe Trumpin, nëse ai bëhet president i SHBA’së, ka thënë Pacolli.

Letër e Hapur nga Rovena Dilo

Zotërinjve që duan të rrëmbejnë pronën e familjes time!!

Rovena Dilo

Kush jeni ju?!

Dy fjalë dua t'ju them dhe dua t’jua them duke ju parë në sy. Mënyrë më të mirë për t’ju parë në sy, duke ju shkruar këtë letër e hapur, nuk ka! Dy fjalë juve, dy zotërinjve të "politikës" shqiptare dhe të gjithë atyre që ju mbështesin fort në rrugëtimin tuaj drejt zhvatjes.

Ndeshja Tirana-Partizani, luajtur në stadiumin “Selman Stërmasi” është mbyllur me dhunë dhe të ndaluar nga policia. Në pamjet e përcjella nga “Top-Channel”, shihet drejtuesi teknik i Tiranës, Devi Muka, që qëllon një nga përfaqësuesit e ekipit të Partizanti. Muka bashkë me disa të tjerë, tifozë dhe përfaqësues të ekipit të Tiranës janë shoqëruar në polici. Ekipi i Partizanitnka shpërndarë një deklaratë për shtyp përmes së cilës denoncon dhunën dhe bën me dije se ka pamje të dhunimit edhe në mjediset e brendshme të stadiumit. Ndeshja përfundoi me rezultatin 2:2.

Njeriu shpall fajtor edhe “Tom&Jerry”, dy personazhet gazmorë dhe aq të dashur për të gjithë. Aktin e kriminalizimit të serialit që ka nisur të shfaqet që në vitin 1940, e ka bërë shefi i shërbimeve sekrete egjiptiane, Salah Abdel Sadek, sipas të cilit, përleshjet e dhunshme të Tomit dhe Xherrit kanë sjellë ftohjen e rinisë, neutralizimin e ndjeshmërisë së saj ndaj akteve të dhunshme.